I Kôrintô 9:19 - Nau Brah Ndu Ngơi 2023

¹⁹ Nđâp tơlah đah lĕ rngôch bunuyh, gâp jêng bunuyh kon me, ƀiălah gâp plơ̆ jêng dĭk ma lĕ rngôch gay ma dơi njŭn leo âk bunuyh tay.

Bunong Bible Latin Script Cambodian dialect

¹⁹ Bol lah gâp mâu ôh jêng dâk bu mâu geh bunuyh jan kôranh gâp kađôi, gâp hôm jan tâm ban ma dâk ma dâng lĕ bunuyh, gay ma leo bunuyh ŏk ngăn ăn sât nsing ma Brah Krist.

Bunong

¹⁹ ឞ៝ល​លាស​គ៝ប់​មោ​អោស​ជេង​ទឹក​ឞូ​មោ​គែស​ឞូនុយ្ស​ជាន​កោរាញ​គ៝ប់​កាដោយ គ៝ប់​ហោម​ជាន​តឹម​ឞាន​មា​ទឹក​មា​ទឹង​លែៈ​ឞូនុយ្ស គៃ​មា​លែវ​ឞូនុយ្ស​អ៝ក់​ងាន់​អ៝ន់​ឆឹត​ញឆីង​មា​ឞ្រាស​ក្រីស  ។

I Kôrintô 9:19 ပူးပေါင်းရင်းမြစ်များ

Nau Hôr 11:30

Play bơh bunuyh sŏng srăng jêng tơm si nau rêh, Bunuyh blau mĭn dơi njŭn leo âk huêng bu.

Mathay 18:15

“Tơlah oh nâu may ƀư tih đah may, hăn hom tâm mâp êng jêh ri ngơi nau nây ma păng. Tơlah păng dơi iăt, may dơi geh oh nâu may.

Samƀŭt Pôl Njuăl Ăn Ma Phung Nsing Ta Ƀon Rôm 1:14

Gâp iang rnon lĕ phung Grek nđâp ma phung bri, lĕ phung gĭt blau nđâp ma phung rluk mâl.

Samƀŭt Pôl Njuăl Ăn Ma Phung Nsing Ta Ƀon Rôm 11:14

gay tâm nsônh nuih n'hâm tâm rlong ma phung ndŭl mpôl gâp, jêh ri ma nau tâm rklaih ƀaƀă tâm phung khân păng.

Samƀŭt Pôl Njuăl Ăn Ma Phung Nsing Ta Ƀon Rôm 15:2

Ăn ăp nơm tâm phung he ƀư maak ma phung chiau meng he nơm gay kơl jêh ri ndâk njêng khân păng.

I Kôrintô 10:29

Gâp mâu ngơi ma nuih n'hâm sŏng khân may ôh, ƀiălah ma nuih n'hâm sŏng bunuyh nây. Mâm ƀư nau kon me gâp geh nau phat dôih tă bơh nuih n'hâm sŏng bunuyh nây?

I Kôrintô 10:33

Tâm ban gâp, nsrôih n'hâm suan ƀư ueh nuih n'hâm ma lĕ rngôch bunuyh tâm ăp ntil ndơ, mâu joi kao play êng ma gâp nơm ôh, ƀiălah ma âk bunuyh gay ma khân păng geh nau rklaih.

I Kôrintô 7:16

Hơi bunuyh ƀư ur, gĭt lah ay dơi rklaih sai ay nơm? Hơi bunuyh ƀư sai, gĭt lah may dơi rklaih ur may nơm?

I Kôrintô 9:1

Gâp mâu dơi jêng kon me hĕ? Gâp mâu dơi jêng kôranh oh mon hĕ? Gâp mâu mâp saơ Brah Yêsu, Kôranh Brah he hĕ? Mâm khân may mâu di jêng play khlay ma gâp tâm Kôranh Brah?

II Kôrintô 12:14

Aơ jêng tơ̆ rơh pe gâp rơm ndrăp hăn chop khâl ma khân may; gâp mâu mra ƀư jâk khân may ôh, yorlah gâp mâu joi drăp ndơ khân may ôh, ƀiălah joi khân may yơh. N'hêl nanê̆ ngăn, mâu di phung kon ôh bun prăp drăp ndơ ma mbơ̆ mê̆, ƀiălah mê̆ mbơ̆ bun prăp drăp ndơ ma phung kon.

II Kôrintô 4:15

Lĕ rngôch nau nây tât yor khân may, gay ma nau yô̆ lơ hô văch ta âk bunuyh jêh ri lơ hô geh âk bunuyh nhhơr nau tâm rnê lah ueh, gay djôt leo nau chrêk rmah ma Brah Ndu.

II Kôrintô 4:5

Yorlah hên mâu mbơh nkoch ma hên nơm ôh, ƀiălah mbơh nkoch Brah Krist jêng Kôranh Brah; jêh ri săk jăn hên jêng oh mon khân may yor Brah Yêsu.

Galati 5:1

Brah Krist hŏ tâm rklaih jêh gay he geh nau kon me. Pôri dâk nâp hom, lơi dơm khân may nơm tâm dâng mbăk jêng dĭk du tơ̆ tay đŏng.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

I Timôthê 4:16

Njrăng hom ma may nơm jêh ri ma nau may nti lah; srôih tâm lĕ rngôch nau nây, yorlah ƀư tâm ban pônây, may nơm jêh ri phung gŭ iăt may geh nau rklaih da dê.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

I Pêtrôs 3:1

Tâm ban lĕ, phung bunuyh ƀư ur, tông hom ma sai khân ay nơm, gay ma tơlah geh ƀaƀă sai nđâp lah mâu tông prăp ma nau chroh, ƀiălah tă bơh nau gŭ ngao bơh ur, khân păng mra plơ̆ sĭt, mâu ŭch dŏng ma nau ngơi,