I Kôrintô 9:16 - Nau Brah Ndu Ngơi 2023

¹⁶ Tơlah gâp mbơh nkoch Nau Mhe Mhan Ueh, gâp mâu geh nau gay ma tâm rnê êng, yorlah gâp geh nau nchâp gay ƀư tâm ban pônây; ƀiălah, tơlah gâp mâu mbơh nkoch Nau Mhe Mhan Ueh, nau rêh ni ngăn ma gâp.

Bunong Bible Latin Script Cambodian dialect

¹⁶ Nau gâp mbơh nkoch nau mhe mhan ueh nây, mâu di ôh gâp dja n'hi êng săk gâp nơm, yorlah nau i nây tă bơh Kôranh Brah đă gâp jan. Rêh rnhăl ngăn ma gâp, lah gâp mâu ôh mbơh nkoch nau mhe mhan ueh!

Bunong

¹⁶ នាវ​គ៝ប់​មឞើស​ងក៝ច​នាវ​មហែ​មហាន​អ្វែស​នៃ មោ​ទី​អោស​គ៝ប់​អ្យា​នហី​អេង​ឆាក់​គ៝ប់​នើម យ៝រ​លាស​នាវ​អី​នៃ​តាៈ​ឞើស​កោរាញ​ឞ្រាស​ដាៈ​គ៝ប់​ជាន។ រេស​រាញាល់​ងាន់​មា​គ៝ប់ លាស​គ៝ប់​មោ​អោស​មឞើស​ងក៝ច​នាវ​មហែ​មហាន​អ្វែស!

I Kôrintô 9:16 ပူးပေါင်းရင်းမြစ်များ

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yêrêmi 20:7

Ơ Brah Yêhôva, May hŏ nsŭk nsôr jêh ma gâp, Gâp lĕ geh nau May nsŭk nsôr; May ktang lơn ma gâp, Jêh ri May hŏ dơi jêh. Lĕ nar gâp ƀư ƀaƀơ nau gơm ăn ma neh ntu, Ăp bunuyh mưch rmot ma gâp.

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Amôt 3:8

Tơlah yau mŭr rđuh ngrông Pôri mbu nơm mâu klach? Tơlah Kôranh Brah Yêhôva ntĭm nti Pôri mbu nơm mâu ngơi nau mbơh lor?

Amôt 7:15

Brah Yêhôva nhŭp sŏk gâp tă bơh ntŭk chiăp biăp, jêh ri Brah Yêhôva lah ma gâp pô aơ: ‘Hăn mbơh lor hom ma phung ƀon lan Israel gâp.’

Mathay 25:16

Bunuyh hŏ dơn jêh prăm talâng hăn ro geh n'hao, jêh ri dơi ntop prăm talâng đŏng.

Luka 9:62

Brah Yêsu plơ̆ lah: “Mbu nơm kuăn chuar ƀiălah uănh tay pakơi, mâu gop ma ƀon bri hađăch Brah Ndu ôh.”

Kôranh Oh Mon 4:20

Yorlah hên mâu dơi mâu ngơi ma lĕ nau hên nơm hŏ saơ jêh ri tăng.”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Kôranh Oh Mon 9:6

Ƀiălah dâk hom may, lăp tâm ƀon, bu mra lah ma may lĕ nau may mra ƀư.”

Samƀŭt Pôl Njuăl Ăn Ma Phung Nsing Ta Ƀon Rôm 1:14

Gâp iang rnon lĕ phung Grek nđâp ma phung bri, lĕ phung gĭt blau nđâp ma phung rluk mâl.

Samƀŭt Pôl Njuăl Ăn Ma Phung Nsing Ta Ƀon Rôm 15:17

Pônây, tâm Brah Yêsu Krist gâp geh nau gay hâk răm nau gâp pah ma kan Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 4:2

Tơlah Y-Abraham dơi kơp sŏng srăng bơh nau kan, păng geh nau dơi tâm rnê ma păng nơm, ƀiălah tanăp Brah Ndu mâu di pônây ôh.

I Kôrintô 4:15

Nđâp tơlah khân may geh âk rmưn nuyh ntĭm nti tâm Brah Krist, ƀiălah khân may mâu geh âk mbơ̆ ôh; yorlah tă bơh Nau Mhe Mhan Ueh, gâp yơh deh khân may tâm Brah Yêsu Krist.

I Kôrintô 9:12

Tơlah phung êng hôm geh nau dơi nây ta khân may, sa ang ma hên? Nđâp lah pônây, hên mâu dŏng nau dơi nây; ƀiălah hên srôih dơn ma lĕ rngôch ndơ, gay ma mâu king ma Nau Mhe Mhan Ueh Brah Krist.

I Kôrintô 9:14

Tâm ban lĕ, Kôranh Brah ntăm jêh ma mbu nơm mbơh nkoch Nau Mhe Mhan Ueh mra dơi siăm rêh tă bơh Nau Mhe Mhan Ueh.

II Kôrintô 2:12

Tơlah gâp tât ta ƀon Trôas gay mbơh nkoch Nau Mhe Mhan Ueh Brah Krist, nđâp tơlah Kôranh Brah pơk mpông jêh ma gâp ta nây,

Kôlôh 4:17

Nglĕ dŭt, lah hom đah Y-Archipus: “Ăn may njrăng jêh ri ƀư rĭng nau pah kan may hŏ sŏk dơn bơh Kôranh Brah.”

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.