I Kôrintô 8:9 - Nau Brah Ndu Ngơi 2023

⁹ Ƀiălah njrăng hom, klach lah nau dơi kon me khân may ƀư ma phung rdja chêh prah.

Bunong Bible Latin Script Cambodian dialect

⁹ Yơn ma ăn njrăng, klach lah nau dơi i khân ay may dơi sa nây jan ăn phung i rdja ta nau nsing geh nau rvê ta nuih n'hâm chrao.

Bunong

⁹ យើន​មា​អ៝ន់​ញជ្រាង់ ក្លាច​លាស​នាវ​ទើយ​អី​ខាន់​អៃ​មៃ​ទើយ​ឆា​នៃ​ជាន​អ៝ន់​ផូង​អី​រាអ្យា​តា​នាវ​ញឆីង​គែស​នាវ​រាវៃ​តា​នូយ្ស​នហ៝ម់​ច្រាវ។

I Kôrintô 8:9 ပူးပေါင်းရင်းမြစ်များ

Êsai 35:3

Ƀư ăn ktang hom lĕ mpang ti rdja, Ƀư ăn dơi nâp hom lĕ kômâk râm nsâr!

Êsai 57:14

Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Êsêkiêl 14:3

“Hơi kon bunuyh, phung aơ prăp rup brah tâm nuih n'hâm jêh ri dơm nau mhĭk panăp khân păng nơm ƀư chêh prah. Di lĕ Gâp lŏ ăn khân păng ôp Gâp?

Êsêkiêl 44:12

Yorlah khân păng hŏ pah kan jêh ma phung ƀon lan tanăp phung rup brah khân păng jêh ri ƀư ma ngih Israel tŭp tâm nau tih; yor ri, Gâp hŏ yơr ti tâm rdâng đah khân păng jêh ri khân păng mra anh nau tih khân păng, Kôranh Brah Yêhôva lah pônây.

Kan Lêvi 19:14

Lơi ta mưch rmot ma bunuyh tê̆k mâu lah ndơm ndơ chêh jâng ma bunuyh chieh măt, ƀiălah ăn khân may klach yơk ma Brah Ndu. Gâp jêng Brah Yêhôva.

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

Samƀŭt Pôl Njuăl Ăn Ma Phung Nsing Ta Ƀon Rôm 15:1

He jêng phung dăng, ăn he anh lĕ nau rêh ni phung rdja, mâu knŏng gĭt ƀư maak ma he nơm dơm ôh.

I Kôrintô 10:24

Lơi ăn du huê joi nau maak ma păng nơm ôh ƀiălah joi hom nau ueh ma phung chiau meng păng.

I Kôrintô 10:28

Ƀiălah, tơlah du huê lah ma khân may: “Aơ jêng ndơ nhhơr jêh ma brah,” lơi ta khân may sa ndơ nây ôh. Yor nơm nây mbơh jêh, jêh ri yor nuih n'hâm sŏng.

I Kôrintô 10:29

Gâp mâu ngơi ma nuih n'hâm sŏng khân may ôh, ƀiălah ma nuih n'hâm sŏng bunuyh nây. Mâm ƀư nau kon me gâp geh nau phat dôih tă bơh nuih n'hâm sŏng bunuyh nây?

I Kôrintô 10:32

Lơi ƀư nau chêh prah ma phung Yuđa, mâu lah phung Grek, mâu lah ma Phung Ngih Brah Ndu ôh.

I Kôrintô 8:10

Tơlah du huê geh nuih n'hâm sŏng rdja saơ may, jêng nơm geh nau gĭt rbăng, gŭ sa ndơ tâm jây rhŏ rup brah, mâu di hĕ bunuyh nây nsônh bu sa ndơ ƀư brah ma rup brah?

I Kôrintô 8:12

Dôl ƀư tih pônây đah phung oh nâu khân may jêh ri ƀư sôt nuih n'hâm rdja khân păng, khân may ƀư tih đah Brah Krist yơh.

I Kôrintô 9:22

Gâp jêng rdja ndrel ma phung rdja, pôri mơ gâp dơi njŭn leo phung rdja. Gâp jêng jêh lĕ rngôch ndơ ma lĕ rngôch bunuyh, pôri mơ gâp dơi tâm rklaih ƀaƀă tâm phung khân păng.

II Kôrintô 11:21

Gâp đit prêng lah nau nây, hên tâm mpơl jêh nau rdja tâm nau nây. Ƀiălah mbu moh janh rnê êng ma lĕ nau, ri mơ ngơi nâm bu du huê rluk mâl, gâp janh đŏng rnê êng ma nau nây.

II Kôrintô 11:29

Mbu nơm geh nau rdja, dĭng gâp mâu jêng rdja? Mbu nơm geh chêh prah, dĭng nuih n'hâm gâp mâu rngot?

II Kôrintô 6:3

Hên mâu ƀư chêh prah ôh ma bu, gay bu mâu dơi nduyh ôh ma nau hên pah kan.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Kôlôh 2:8

Njrăng hom, lơi ăn mbu ƀư dăk sân khân may ma nau ntĭm nti dŭt blau jêh ri ma nau ngơi nklă dơm dam tĭng nâm nau vay ơm bơh kon bunuyh, tĭng nâm huêng brah tâm neh ntu, ƀiălah mâu di tĭng nâm Brah Krist.

I Pêtrôs 2:16

Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.

II Pêtrôs 2:19

Khân păng ton djôt leo nau kon me tât ma bunuyh êng, ƀiălah khân păng nơm ƀư dĭk ma nau djơh mhĭk; yorlah moh ntil dơi lơh du huê bunuyh pôri bunuyh nây plơ̆ jêng dĭk ma ntil nây.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.