I Kôrintô 8:10 - Nau Brah Ndu Ngơi 2023

¹⁰ Tơlah du huê geh nuih n'hâm sŏng rdja saơ may, jêng nơm geh nau gĭt rbăng, gŭ sa ndơ tâm jây rhŏ rup brah, mâu di hĕ bunuyh nây nsônh bu sa ndơ ƀư brah ma rup brah?

Bunong Bible Latin Script Cambodian dialect

¹⁰ Lah geh du huê bunuyh i rdja ta nau nsing say khân ay may gŭ sông sa ndơ ôp brah ta jay ntŭk ôp brah, lah ndri nau i nây leo păng sông sa ndơ ôp brah đŏng, bol lah ta nuih n'hâm păng hôm mân ndơ i nây jêng tih.

Bunong

¹⁰ លាស​គែស​ទូ​ហ្វេ​ឞូនុយ្ស​អី​រាអ្យា​តា​នាវ​ញឆីង​ឆៃ​ខាន់​អៃ​មៃ​គុ​ឆោង​ឆា​នទើ​អោប​ឞ្រាស​តា​ជៃ​នតុក​អោប​ឞ្រាស លាស​នទ្រី​នាវ​អី​នៃ​លែវ​ពាង់​ឆោង​ឆា​នទើ​អោប​ឞ្រាស​ដ៝ង់ ឞ៝ល​លាស​តា​នូយ្ស​នហ៝ម់​ពាង់​ហោម​មឹន​នទើ​អី​នៃ​ជេង​តីស។

I Kôrintô 8:10 ပူးပေါင်းရင်းမြစ်များ

Amôt 2:8

Khân păng bê̆ch êp ăp nơng ƀư brah, Ta klơ lĕ kho ao jêng ndơ khân păng hŏ sŏk ƀư ndơ nchăm Jêh ri nhêt ndrănh phung khân păng rmal Tâm ntŭk mbah brah tih khân păng.

Nau Kơp Bunuyh 25:2

Phung bu ur aơ jă phung ƀon lan Israel sa lĕ mpa ƀư brah nhhơr ma phung brah khân păng. Phung ƀon lan sa jêh ri chon mbah panăp phung brah khân păng.

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Samƀŭt Pôl Njuăl Ăn Ma Phung Nsing Ta Ƀon Rôm 14:14

Tâm Brah Yêsu, gâp gĭt jêh ri chroh n'hêl mâu geh moh ndơ êng păng nơm jêng ƀơ̆ ƀơch ôh; ƀiălah păng jêng ƀơ̆ ƀơch ma mbu nơm uănh păng jêng ƀơ̆ ƀơch.

Samƀŭt Pôl Njuăl Ăn Ma Phung Nsing Ta Ƀon Rôm 14:23

Ƀiălah mbu nơm hôm đing, ƀiălah ăt sa, păng geh nau tâm rmal jêh, yorlah păng mâu ƀư tĭng nâm nau chroh. Lĕ rngôch nau kan mâu luh bơh nau chroh jêng nau tih.

I Kôrintô 10:32

Lơi ƀư nau chêh prah ma phung Yuđa, mâu lah phung Grek, mâu lah ma Phung Ngih Brah Ndu ôh.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

I Kôrintô 8:7

Ƀiălah mâu di lĕ rngôch ôh geh nau gĭt rbăng aơ. Ƀaƀă bunuyh mơng bên ir ma rup brah, yor ri tơlah sa ndơ ƀư brah nây, ri mơ uănh nâm bu hŏ nhhơr jêh ma rup brah, jêh ri nuih n'hâm sŏng khân păng rdja geh nau ƀơ̆ ƀơch.

I Kôrintô 8:9

Ƀiălah njrăng hom, klach lah nau dơi kon me khân may ƀư ma phung rdja chêh prah.

Phung Kôranh Phat Dôih 9:27

Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.