I Kôrintô 7:19 - Nau Brah Ndu Ngơi 2023

¹⁹ Nau koh ntâu mâu lah mâu geh koh ntâu mâu geh nau khlay ôh; nau khlay jêng djôt prăp lĕ nau vay ntăm bơh Brah Ndu.

Bunong Bible Latin Script Cambodian dialect

¹⁹ Nau koh ntô mâu koh ntô, mâu ôh geh nau khlay. Ndơ i geh nau khlay jan tâng nau Kôranh Brah nơm đă.

Bunong

¹⁹ នាវ​ក៝ស​នតោ​មោ​ក៝ស​នតោ មោ​អោស​គែស​នាវ​ខ្លៃ។ នទើ​អី​គែស​នាវ​ខ្លៃ​ជាន​តឹង​នាវ​កោរាញ​ឞ្រាស​នើម​ដាៈ។

I Kôrintô 7:19 ပူးပေါင်းရင်းမြစ်များ

Mathay 5:19

Yor nây, mbu nơm chalơi du ntil dŭt jê̆ tâm lĕ nau vay aơ jêh ri nti ma bu ƀư kơt nĕ, bu mra kuăl păng dŭt jê̆ tâm ƀon bri hađăch klơ trôk; ƀiălah mbu nơm tông prăp ma lĕ nau vay aơ jêh ri nti ma bu, mra dơi uănh jêng toyh lơn tâm ƀon bri hađăch klơ trôk.

Yôhan 15:14

Lah khân may ƀư tĭng nau Gâp ntĭm nti, khân may jêng băl Gâp.

Samƀŭt Pôl Njuăl Ăn Ma Phung Nsing Ta Ƀon Rôm 3:30

yorlah Brah Ndu jêng nguay, jêng Nơm mra ƀư ma phung koh ntâu dơi kơp sŏng srăng ma nau chroh, ƀư đŏng ma phung mâu koh ntâu dơi kơp sŏng srăng ma nau chroh.

I Kôrintô 8:8

Ndơ sông sa mâu ƀư ma he dăch lơn đah Brah Ndu ôh; tơlah mâu sa mâu đŏng mhĭk, bi lah sa mâu đŏng ueh lơn.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Galati 6:15

Yorlah nau khlay mâu di jêng nau koh ntâu mâu lah mâu koh ntâu, ƀiălah nau plơ̆ jêng bunuyh mhe.

Kôlôh 3:11

Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.

Yôsuê 5:5

Lĕ rngôch phung ƀon lan hŏ luh bơh Êjipt geh nau koh ntâu, ƀiălah lĕ rngôch phung mhe bu deh rŏ trong tâm bri rdah, jêh du luh bơh Êjipt ê mâp geh nau koh ntâu ôh.

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.