I Kôrintô 6:9 - Nau Brah Ndu Ngơi 2023

⁹ Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

Bunong Bible Latin Script Cambodian dialect

⁹ Ah khân ay may mâu gĭt ƀah? Bunuyh i jan kue mâu dơi ôh lăp ta nau Kôranh Brah mât uănh. Khân ay may lơi vĭ ôh, phung i tâm dŏng i khơh kler, phung i yơk mbah ma rup brah, phung i lŏm ur lŏm sai, phung i tâm dŏng ndrăng bu klô,

Bunong

⁹ អាស​ខាន់​អៃ​មៃ​មោ​គឹត​បាស? ឞូនុយ្ស​អី​ជាន​ក្វែ​មោ​ទើយ​អោស​លាប់​តា​នាវ​កោរាញ​ឞ្រាស​ម៝ត់​អ្វាញ់។ ខាន់​អៃ​មៃ​លើយ​វិ​អោស ផូង​អី​តឹម​ទ៝ង់​អី​ខើស​ក្លែរ ផូង​អី​យើក​មឞាស​មា​រូប​ឞ្រាស ផូង​អី​ល៝ម់​អូរ​ល៝ម់​ឆាយ ផូង​អី​តឹម​ទ៝ង់​នទ្រាង់​ឞូ​ក្លោ‌

I Kôrintô 6:9 ပူးပေါင်းရင်းမြစ်များ

Nau Ntơm 19:5

Khân păng kuăl Y-Lot jêh ri ôp: “Hŏ phung bu năch lăp tâm ngih may măng aơ? Leo hom khân păng tât ta aơ gay hên sông sa bê̆ch ndrel ma khân păng.”

Nau Ngluh Êjipt 23:1

“Lơi may nkoch bri nklă. May mâu dơi tâm rnglăp đah bunuyh mhĭk gay mbơh mƀruh.

Nau Hôr 11:1

Brah Yêhôva rmot ngăn ma njing tih, Ƀiălah Păng maak ma play njing di.

Nau Hôr 22:8

Mbu nơm srih nau mâu di nanê̆ mra rek nau rêh ni, Jêh ri mâng rvĕ nau ji nuih păng mra đoh.

Nau Hôr 7:27

Ngih bu ur nây jêng trong lăp tâm ƀon phung khĭt, Njŭr leo tâm jrô nau khĭt.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsêkiêl 18:11

nđâp lah mbơ̆ păng mâu ƀư ôh nau nây; ƀiălah păng sa ndơ nhhơr ta klơ yôk, ƀư bêk ur chiau meng păng;

Kan Lêvi 18:20

Lơi bê̆ch ndrel đah ur phung chiau meng may ôh, gay ma may nơm mâu geh khan nau ƀơ̆ ƀơch.

Kan Lêvi 18:22

Lơi bê̆ch ndrel đah du huê bu klâu tâm ban ma du huê bu ur; nau nây jêng du nau dŭt ƀơ̆ ƀơch ngăn.

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Kan Lêvi 20:13

Tơlah du huê bu klâu bê̆ch ndrel đah du huê bu klâu êng nâm bu bê̆ch ndrel đah bu ur, bu mra nkhĭt lơi lĕ bar hê khân păng, khân păng hŏ ƀư nau dŭt ƀơ̆ ƀơch; mham khân păng mra nkhŭt tay ta khân păng nơm.

Sakari 5:3

Tông mpăr lah ma gâp: “Nây jêng nau rak rtăp lam bri neh. Mbu moh ntŭng bu mra ƀư rai tĭng nâm nau nchih mpeh du đah tâm samƀŭt aơ; jêh ri mbu moh ton mƀruh bu mra ƀư rai lơi tĭng nâm nau nchih đah ri tâm ndrom samƀŭt aơ.”

Mathay 19:29

Ma mbu nơm ƀư lư n'găr ma amoh Gâp ngih vâl, oh nâu, oh nur, mê̆ mbơ̆, phung kon, neh mir lŏ, yor amoh Gâp, nơm nây mra dơi dơn du rhiăng tơ̆ âk lơn, jêh ri dơn nau rêh n'ho ro.

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Luka 21:8

Păng plơ̆ lah: “Njrăng hom, lơi ăn bu ndơm khân may ôh, yorlah âk bunuyh mra nchơt nklă ma amoh Gâp văch jêh ri ngơi pô aơ: ‘Gâp yơh jêng nơm nây jêh ri tâm rnôk văch dăch!’ Khân may lơi tĭng khân păng ôh.

Kôranh Oh Mon 20:32

Aƀaơ aơ, gâp jao khân may ma Brah Ndu jêh ri ma nau chroh nau yô̆ Păng, jêng nau chroh dơi ndâk jêh ri ăn drăp ndơn ma khân may nđâp ma lĕ rngôch phung bunuyh geh nau kloh ueh.

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Samƀŭt Pôl Njuăl Ăn Ma Phung Nsing Ta Ƀon Rôm 1:18

Nau Brah Ndu ji nuih mpơl jêh tă bơh klơ trôk gay ma tâm rdâng đah lĕ ntil mâu ƀư tĭng nau vay jêh ri ma phung djơh mhĭk dŏng nau djơh mhĭk tŭn jot nau ngăn.

I Kôrintô 15:33

Lơi ăn bu ndơm khân may nơm: “Mĭt jiăng mhĭk ƀư rai nau knuih ueh.”

I Kôrintô 15:50

Hơi phung oh nâu, gâp lah, nglay săk jêh ri mham mâu dơi dơn ƀon bri hađăch Brah Ndu ôh; nau ôm rai mâu lĕ dơi dơn nau mâu blau ôm rai.

I Kôrintô 3:16

Khân may mâu gĭt hĕ khân may jêng ngih ma Brah Ndu, jêh ri Brah Huêng Ueh Brah Ndu gŭ tâm khân may?

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

I Kôrintô 5:10

Gâp mâu geh ŭch ngơi ma phung văng tĭr tâm neh ntu aơ, mâu lah phung kơnh rlau ir jêh ri phung ntŭng, mâu lah phung mbah rup brah, yorlah tơlah pônây ăn khân may du tă bơh neh ntu.

I Kôrintô 5:11

Ƀiălah nau gâp nchih ma khân may lơi tâm rnglăp ôh ma mbu nơm kơp êng păng nơm jêng oh nâu, ƀiălah păng jêng bunuyh văng tĭr, mâu lah kơnh rlau ir, mâu lah mbah rup brah, mâu lah suai rak, mâu lah nhŭl ndrănh, mâu lah ntŭng, mâu dơi sông sa ndrel ma bunuyh nâm nđĕ.

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

I Kôrintô 6:18

Der hom nau văng tĭr. Lĕ rngôch nau tih bu ƀư tih jêng padih săk jăn, ƀiălah nơm ƀư nau văng tĭr jêng ƀư tih ma săk jăn păng nơm.

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

I Kôrintô 9:24

Khân may mâu gĭt hĕ tâm nau nchuăt tâm rlong ta ntŭk pâl, lĕ rngôch nchuăt da dê, ƀiălah knŏng du huê geh nau nkhôm? Pôri, nchuăt hom gay ma khân may pit sŏk nau nkhôm.

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

Galati 6:7

Lơi ta ndơm êng khân may nơm ôh; Brah Ndu mâu dơn nau bu mưch ôh; yorlah moh ntil găr bu srih jêh, bu mra rek ntil găr nây.

Nau Vay Nkah Tay 22:22

Tơlah bu saơ du huê bu klâu bu ban dôl bê̆ch ndrel đah ur bu, pôri lĕ bu klâu jêh ri bu ur nây mra khĭt. Pônây khân may mra rai lơi nau mhĭk bơh phung Israel.

Nau Vay Nkah Tay 22:5

Du huê bu ur mâu dơi nsoh kho ao bu klâu ôh, bu klâu mâu lĕ dơi nsoh kho ao bu ur, yorlah mbu nơm ƀư nau nây jêng nơm dŭt ƀơ̆ ƀơch đah Yêhôva Brah Ndu.

Nau Vay Nkah Tay 23:17

Lơi ăn ôh du huê kon bu ur mâu lah kon bu klâu Israel dơi ƀư nau văng tĭr tâm ntŭk rhŏ brah.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

ហេឞ្រើ 12:16

Uănh njrăng hom, lơi geh du huê jêng văng tĭr, mâu lah roh nau khư nâm bu Y-Êsau, yor ma du ntil ndơ sông sa, nơm tăch nau dơi kon bôk rah.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

Yakơ 1:16

Hơi phung oh nâu gâp rŏng, lơi ăn bu ndơm mƀruh ma khân may:

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

Phung Kôranh Phat Dôih 19:22

Nôk khân păng dôl răm maak ndrăng khân păng, geh phung bunuyh tâm ƀon toyh, jêng phung janh mhĭk, nchueng jŭm ngih nây, dong ta bôk mpông jêh ri lah ma bu klâu bu ranh, jêng kôranh vâl, pô aơ: “Leo hom bu klâu hŏ lăp tâm ngih may ăn păng văch ta aơ gay ma hên gĭt năl păng.”