I Kôrintô 6:20 - Nau Brah Ndu Ngơi 2023

²⁰ yorlah Brah Ndu hŏ rvăt jêh khân may ma rnoh dŭt khlay. Pôri, sŏk hom săk jăn khân may gay tâm rnê Brah Ndu.

Bunong Bible Latin Script Cambodian dialect

²⁰ yorlah Kôranh Brah lĕ tŏm rnoh khlay ŏk ngăn ma chuai khân ay may. Lah ndri ăn khân ay may dŏng săk jăn khân ay may nơm nây ma rnê Kôranh Brah.

Bunong

²⁰ យ៝រ​លាស​កោរាញ​ឞ្រាស​លែៈ​ត៝ម់​រាន៝ស​ខ្លៃ​អ៝ក់​ងាន់​មា​ច្វាយ​ខាន់​អៃ​មៃ។ លាស​នទ្រី​អ៝ន់​ខាន់​អៃ​មៃ​ទ៝ង់​ឆាក់​ជាន់​ខាន់​អៃ​មៃ​នើម​នៃ​មា​រានេ​កោរាញ​ឞ្រាស។

I Kôrintô 6:20 ပူးပေါင်းရင်းမြစ်များ

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

I Kôrintô 7:23

Bu rvăt jêh khân may ma rnoh dŭt prêh; lơi plơ̆ jêng dĭk ma kon bunuyh.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

ហេឞ្រើ 9:12

Păng lăp jêh tâm Ntŭk Dŭt Kloh Ueh du tơ̆ rĭng jêh, mâu dŏng ma mham be nkuăng jêh ri kon ndrôk ôh, ƀiălah dŏng ma mham Păng nơm gay djôt leo tât nau tâm chuai n'ho ro ma he.

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,