I Kôrintô 6:11 - Nau Brah Ndu Ngơi 2023

¹¹ Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

Bunong Bible Latin Script Cambodian dialect

¹¹ A lor nơh ta phung khân ay may aƀă jêng bunuyh tâm ban kơt i nây đŏng, yơn ma aƀaơ dja Kôranh Brah lĕ rao jêh khân ay may lĕ jan khân ay may ăn kloh, nđâp ma jan khân ay may lĕ jêng bunuyh sŏng yor ma Kôranh Yêsu Krist, yor ma Brah Huêng Ueh Kôranh Brah, Kôranh Brah i bân yơk mbah nây.

Bunong

¹¹ អា​ល៝រ​នើស​តា​ផូង​ខាន់​អៃ​មៃ​អាបាៈ​ជេង​ឞូនុយ្ស​តឹម​ឞាន​កើត​អី​នៃ​ដ៝ង់ យើន​មា​អាបៃ​អ្យា​កោរាញ​ឞ្រាស​លែៈ​រាវ​ជេស​ខាន់​អៃ​មៃ​លែៈ​ជាន​ខាន់​អៃ​មៃ​អ៝ន់​ក្ល៝ស នអ៝ប់​មា​ជាន​ខាន់​អៃ​មៃ​លែៈ​ជេង​ឞូនុយ្ស​ឆ៝ង់​យ៝រ​មា​កោរាញ​យេឆូ​ក្រីស  យ៝រ​មា​ឞ្រាស​ហ្វេង​អ្វែស​កោរាញ​ឞ្រាស កោរាញ​ឞ្រាស​អី​ឞ៝ន់​យើក​មឞាស​នៃ។

I Kôrintô 6:11 ပူးပေါင်းရင်းမြစ်များ

Nau Mprơ Ơm 51:2

Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Mprơ Ơm 51:7

Dăn sŏk rkŭm hisôp ƀư kloh nau tih gâp ri mơ gâp mra jêng kloh rsang; Dăn May rao gâp jêh ri gâp mra jêng nglang lơn ma dak pler.

Nau Hôr 30:12

Geh phung bunuyh mĭn păng nơm kloh rsang, Ƀiălah mâu hŏ rao kloh nau ƀơ̆ ƀơch păng.

Êsai 1:16

Rao ƀư kloh hom khân may nơm! Mƀăr lơi hom lĕ nau mhĭk bơh măt Gâp; Lơi hom ƀư nau mhĭk.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Kan Lêvi 14:48

Tơlah lôch jêh nau lĭr tay ngih nây, kôranh ƀư brah hăn sek uănh jêh ri saơ lĕ têl nây mâu jêng bĭk ôh tâm ngih, kôranh ƀư brah mra mbơh ngih nây jêng kloh, yorlah lĕ têl mbrĭng nây hŏ bah jêh.

Kan Lêvi 8:6

Y-Môis jă Y-Arôn jêh ri phung kon bu klâu păng tât, jêh ri sŏk dak jut rao khân păng.

Mathay 20:4

păng lah ma khân păng pô aơ: ‘Ăn khân may hăn lăp tâm đang krăk ƀâu gâp, gâp mra nkhôm khân may ăn tâm di.’ Khân păng hăn ro.

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Yôhan 13:10

Brah Yêsu lah: “Bunuyh hŏ ŭm jêh, knŏng rao jâng păng dơm ri mơ kloh lĕ rngôch. Khân may hŏ kloh jêh, ƀiălah mâu geh lĕ rngôch ôh.”

Yôhan 13:8

Y-Pêtrôs ơh: “Gâp mâu janh ăn Kôranh rao jâng gâp ôh!” Brah Yêsu lah: “Lah Gâp mâu rao jâng may, may mâu geh du kô̆ tâm Gâp ôh.”

Kôranh Oh Mon 13:39

bơh Păng yơh, lĕ rngôch phung chroh dơi kơp sŏng srăng ma lĕ ntil ƀiălah nau vay Y-Môis mâu dơi kơp sŏng srăng.

Kôranh Oh Mon 22:16

Aƀaơ ri, moh ndơ may gŭ kâp? Dâk hom, kuăl mbơh sơm ma amoh Kôranh Brah gay dơn nau ƀaptem jêh ri ƀư kloh nau tih may.’

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 3:24

yor nau yô̆ Brah Ndu, yor nau tâm chuai tâm Brah Yêsu Krist, khân păng dơi kơp sŏng srăng ƀiălah mâu hôm mplơ̆ moh rnoh lĕ.

Samƀŭt Pôl Njuăl Ăn Ma Phung Nsing Ta Ƀon Rôm 4:5

bi ma phung mâu ƀư pah kan, ƀiălah chroh ma Nơm kơp sŏng srăng ma bunuyh tih, nau păng chroh dơi kơp jêng sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 5:1

Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 5:9

Pôri aƀaơ he hŏ rnơm mham Păng gay dơi kơp sŏng srăng jêh, nanê̆ he mra rnơm Păng rlau lơn gay geh nau tâm rklaih bơh nau Brah Ndu nuih.

Samƀŭt Pôl Njuăl Ăn Ma Phung Nsing Ta Ƀon Rôm 8:30

Bi phung Păng tâm nal jêh, Păng lĕ kuăl jêh, phung Păng kuăl jêh Păng hŏ kơp sŏng srăng jêh, jêh ri phung Păng hŏ kơp sŏng srăng jêh, Păng hŏ ăn nau chrêk rmah ma khân păng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 8:33

Mbu nơm mra phong ma phung Brah Ndu săch, nôk Brah Ndu jêng Nơm kơp sŏng srăng ma phung bunuyh nây?

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 12:2

Khân may gĭt jêh, dôl khân may hôm jêng phung bu năch, phung rup brah mlo hŏ njŭn leo khân may hăn tâm trong tih.

Galati 2:16

Ƀiălah hên gĭt du huê dơi kơp sŏng srăng mâu di yor lĕ kan bơh nau vay ôh, ƀiălah ma nau chroh tâm Brah Yêsu Krist, yor nây hên chroh jêh ma Brah Krist gay dơi kơp sŏng srăng yor ma nau chroh tâm Brah Krist, mâu di yor ma kan bơh nau vay ôh; yorlah mâu du huê dơi kơp sŏng srăng tă bơh kan bơh nau vay ôh.

Galati 3:11

Nanê̆ ngăn rah vah, mâu mâp geh du huê bunuyh tă bơh nau vay dơi kơp sŏng srăng tanăp măt Brah Ndu, yorlah: “bunuyh sŏng srăng mra gŭ rêh yor nau chroh.”

Galati 3:24

Kơt nĕ, nau vay jêng nâm bu nơm njŭn leo he ma tât Brah Krist gay tă bơh nau chroh he dơi kơp sŏng srăng.

Galati 3:8

Nau Brah Ndu Ngơi hŏ saơ lor pô aơ Brah Ndu mra kơp phung bu năch jêng sŏng srăng yor ma nau chroh, pôri hŏ nkoch mbơh lor jêh ma Y-Abraham Nau Mhe Mhan Ueh aơ: “Lĕ rngôch mpôl băl bunuyh mra geh nau ueh uĭn tă bơh may.”

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

ហេឞ្រើ 2:11

Yorlah Nơm ƀư kloh ueh jêh ri phung jêng kloh ueh jêh luh tă bơh du huê Mbơ̆. Yor nau nây, Brah Yêsu mâu bêk prêng ôh kuăl khân păng jêng phung oh nâu,

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

I Yôhan 2:12

Hơi phung kon jê̆, gâp nchih ma khân may yor nau tih khân may geh nau yô̆ an jêh yor amoh Păng.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.