I Kôrintô 6:10 - Nau Brah Ndu Ngơi 2023

¹⁰ Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

Bunong Bible Latin Script Cambodian dialect

¹⁰ phung i ntŭng bu, phung i kơnh ndơ hô ir, phung i nhŭl blâk blek, phung i rak suai bu, phung i ntŭng bu, dâng lĕ phung i nây mâu dơi ôh lăp ta nau Kôranh Brah mât uănh.

Bunong

¹⁰ ផូង​អី​នតុង​ឞូ ផូង​អី​កើញ​នទើ​ហោ​អីរ ផូង​អី​ញុល​ឞ្លឹក​ឞ្លែក ផូង​អី​រាក​ឆ្វាយ​ឞូ ផូង​អី​នតុង​ឞូ ទឹង​លែៈ​ផូង​អី​នៃ​មោ​ទើយ​អោស​លាប់​តា​នាវ​កោរាញ​ឞ្រាស​ម៝ត់​អ្វាញ់។

I Kôrintô 6:10 ပူးပေါင်းရင်းမြစ်များ

Nau Hôr 7:27

Ngih bu ur nây jêng trong lăp tâm ƀon phung khĭt, Njŭr leo tâm jrô nau khĭt.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Yêrêmi 7:11

Pônây, khân may uănh ma ngih aơ, ntŭk dơi ntơ ma amoh Gâp, jêng trôm phung ntŭng lĕ? Aơ, Gâp nơm yơh, Gâp hŏ uănh saơ lĕ rngôch.’ Brah Yêhôva lah pô aơ.

Êsêkiêl 22:13

Ri, Gâp mpang ti Gâp tâm ndơ mâu di may hŏ ƀư jêh ri ta mham hŏ hoch tâm nklang may.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 22:29

Phung ƀon lan tâm n'gor bri ƀư nau dăng ktang, ƀư tih nau ntŭng ndô ndơ bu, rkhŭk phung o ach, phung mâu geh ndơ jêh ri tŭn jot bunuyh gŭ njơh ƀât lât, mâu ƀư nau tâm di.

Mathay 21:19

Saơ du tơm rvi ta trong, Păng hăn dăch tơm nây, ƀiălah mâu saơ play knŏng n'ha dơm. Păng lah ma tơm play nây: “May mâu mra hôm play đŏng ôh!” Tơm rvi kro ro.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 23:33

Hơi phung bêh, ndŭl mpôl bêh kăch, mâm ƀư khân may dơi klaih bơh nau phat dôih tâm ndrung ŭnh?

Yôhan 12:6

Y-Yuđas lah kơt nây mâu di yor păng yô̆ ma phung o ach ôh, ƀiălah yor păng jêng du huê nơm ntŭng, păng djôt dŭng prăk, rĭ dĭng păng vay mơng sŏk ntŭng prăk bu nklăch tâm nây.

Kôranh Oh Mon 20:32

Aƀaơ aơ, gâp jao khân may ma Brah Ndu jêh ri ma nau chroh nau yô̆ Păng, jêng nau chroh dơi ndâk jêh ri ăn drăp ndơn ma khân may nđâp ma lĕ rngôch phung bunuyh geh nau kloh ueh.

I Kôrintô 15:50

Hơi phung oh nâu, gâp lah, nglay săk jêh ri mham mâu dơi dơn ƀon bri hađăch Brah Ndu ôh; nau ôm rai mâu lĕ dơi dơn nau mâu blau ôm rai.

I Kôrintô 5:11

Ƀiălah nau gâp nchih ma khân may lơi tâm rnglăp ôh ma mbu nơm kơp êng păng nơm jêng oh nâu, ƀiălah păng jêng bunuyh văng tĭr, mâu lah kơnh rlau ir, mâu lah mbah rup brah, mâu lah suai rak, mâu lah nhŭl ndrănh, mâu lah ntŭng, mâu dơi sông sa ndrel ma bunuyh nâm nđĕ.

Galati 5:21

keh nach, nhŭl ndrănh, nhêt sa blă blơ, jêh ri lĕ nau êng tâm ban kơt nây. Gâp mbơh lor ma khân may, tâm ban gâp hŏ tă mbơh lor: Mbu nơm ƀư tih pônây mâu mra dơi dơn ƀon bri hađăch Brah Ndu.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

Êphêsô 5:5

Ăn khân may gĭt rah vah ma phung bunuyh văng tĭr, mâu kloh ueh, mâu lah kơnh rlau keh — kơnh rlau keh jêng mbah rup brah — mâu geh du huê dơi dơn drăp ndơn tâm ƀon bri hađăch Brah Krist jêh ri Brah Ndu ôh.

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.

I Pêtrôs 4:15

Lơi ăn du huê tâm phung khân may dơn nau rêh ni nâm bu nơm nkhĭt bunuyh, nơm ntŭng, nơm ƀư tih, mâu lah nơm lăp tâm kan bu êng ôh.