I Kôrintô 5:11 - Nau Brah Ndu Ngơi 2023

¹¹ Ƀiălah nau gâp nchih ma khân may lơi tâm rnglăp ôh ma mbu nơm kơp êng păng nơm jêng oh nâu, ƀiălah păng jêng bunuyh văng tĭr, mâu lah kơnh rlau ir, mâu lah mbah rup brah, mâu lah suai rak, mâu lah nhŭl ndrănh, mâu lah ntŭng, mâu dơi sông sa ndrel ma bunuyh nâm nđĕ.

Bunong Bible Latin Script Cambodian dialect

¹¹ Yơn ma nau gâp ŭch ngơi i nây gâp ngơi ma bunuyh i lah êng săk păng nơm nsing ma Brah Krist, jêh ri nkhơng ma tâm dŏng khơh kler, kơnh ndơ hô ir, yơk mbah ma rup brah êng êng, rak suai bu, nhêt nhŭl blâk blek, ntŭng bu. Lah ndri bunuyh i kơt nây bol lah sông sa lơi gŭ ndrel đŏng.

Bunong

¹¹ យើន​មា​នាវ​គ៝ប់​អុច​ងើយ​អី​នៃ​គ៝ប់​ងើយ​មា​ឞូនុយ្ស​អី​លាស​អេង​ឆាក់​ពាង់​នើម​ញឆីង​មា​ឞ្រាស​ក្រីស  ជេសរី​ងខើង​មា​តឹម​ទ៝ង់​ខើស​ក្លែរ កើញ​នទើ​ហោ​អីរ យើក​មឞាស​មា​រូប​ឞ្រាស​អេងៗ រាក​ឆ្វាយ​ឞូ ញេត​ញុល​ឞ្លឹក​ឞ្លែក នតុង​ឞូ។ លាស​នទ្រី​ឞូនុយ្ស​អី​កើត​នៃ​ឞ៝ល​លាស​ឆោង​ឆា​លើយ​គុ​នទ្រែល​ដ៝ង់។

I Kôrintô 5:11 ပူးပေါင်းရင်းမြစ်များ

Nau Mprơ Ơm 10:3

Yorlah phung mhĭk tâm rnê ma nuih n'hâm khân păng ŭch; Phung ndơm kơnh ma nau suai rak jêh ri dun Brah Yêhôva.

Nau Mprơ Ơm 101:5

Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Mathay 18:17

Tơlah păng dun, mâu ŭch dơn nau khân păng, mbơh nau nây ma Phung Ngih Brah Ndu; jêh ri tơlah păng dun mâu ŭch dơn, nau Phung Ngih Brah Ndu, may mra kơp păng nâm bu bunuyh padih mâu lah nơm riu pi.

Mathay 23:25

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may rao kloh padih thaih ngan, ƀiălah tâm trôm bêng ma nau kơnh rlau ir jêh ri nau blă blơ.

Luka 18:11

Bunuyh Pharisi nây dâk jêh ri mbơh sơm ma păng nơm pô aơ: ‘Ơ Brah Ndu gâp lah ueh ma May, yorlah gâp mâu di tâm ban ma lĕ phung êng ôh: kơnh rlau ir, kue, văng tĭr, mâu đŏng tâm ban ma bunuyh riu pi aơ.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Kôranh Oh Mon 1:15

Tâm lĕ nar nây, Y-Pêtrôs dâk ta nklang phung oh nâu (rnoh bunuyh gŭ rƀŭn ta nây geh klăp lah tâm du rhiăng bar jât nuyh) jêh ri păng lah pô aơ:

Kôranh Oh Mon 9:17

Y-Ananias du luh hăn; păng hăn lăp tâm ngih jêh ri pah ti ta Y-Sôl jêh ri lah: “Hơi nâu Y-Sôl, Kôranh Brah jêng Brah Yêsu, hŏ tâm mpơl jêh ma may ta trong dôl may văch ta aơ, njuăl gâp văch gay ma may dơi saơ ang tay jêh ri bêng ma Brah Huêng Ueh.”

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Samƀŭt Pôl Njuăl Ăn Ma Phung Nsing Ta Ƀon Rôm 16:17

Hơi oh nâu, gâp nkah ma khân may, uănh njrăng hom ma mbu nơm ƀư nau tâm nkhah mpôl jêh ri ƀư chêh prah, tâm rdâng đah ma nau ntĭm nti khân may nti jêh. Der hom khân may ngai đah khân păng.

I Kôrintô 10:14

Yor ri yơh, hơi phung gâp rŏng ơi, du ngai hom đah nau mbah rup brah.

I Kôrintô 11:21

Yorlah tơlah khân may ntơm sa, ăp nơm sa ndal ndơ êng păng nơm, kŏ tât bunuyh aơ ji ngot, bi bunuyh êng hơm mpay.

I Kôrintô 5:13

Brah Ndu mra phat dôih ma phung padih. “Ngluh lơi hom phung bunuyh djơh mhĭk luh bơh khân may.”

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

I Kôrintô 6:6

Ƀiălah khân may phong dôih ndrăng khân may, jêh nây djôt leo văch tanăp phung mâu chroh!

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

I Kôrintô 7:12

Bi ma phung êng gâp yơh ngơi, mâu di jêng Kôranh Brah, lah pô aơ: Tơlah du huê oh nâu geh ur mâu chroh ma Kôranh Brah, ƀiălah ur nây ŭch gŭ rêh ndrel ma sai păng, pôri sai nây mâu dơi chalơi ur păng ôh.

I Kôrintô 7:15

Tơlah nơm mâu chroh ma Kôranh Brah ŭch tâm nkhah, ăn khân păng tâm nkhah hom. Tâm nau pônây, oh nâu mâu lah oh ruh mâu geh nau tâm krêp ôh. Yorlah Brah Ndu kuăl jêh he ăn gŭ rêh tâm nau đăp mpăn.

I Kôrintô 8:11

Pôri nau may gĭt rbăng ƀư rai yot bunuyh rdja nây, jêng phung Brah Krist khĭt ntrok an jêh.

Galati 2:12

Êlor phung bơh Y-Yakơ tât, păng ăt sông sa ndrel ma phung bu năch. Ƀiălah tơlah khân păng tât, păng rŭch plơ̆ jêh ri du gŭ êng, yorlah klach ma phung koh ntâu.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Êphêsô 5:5

Ăn khân may gĭt rah vah ma phung bunuyh văng tĭr, mâu kloh ueh, mâu lah kơnh rlau keh — kơnh rlau keh jêng mbah rup brah — mâu geh du huê dơi dơn drăp ndơn tâm ƀon bri hađăch Brah Krist jêh ri Brah Ndu ôh.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

II Têsalônik 3:14

Tơlah mbu moh mâu tông tĭng nau hên lah tâm samƀŭt aơ, njrăng hom jêh ri lơi tâm rnglăp ôh đah khân păng, gay ma păng geh nau bêk prêng.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

I Timôthê 6:5

nau tâm djrel mro mrăng ta nklang phung bunuyh geh nau mĭn mhĭk, lơh roh nau ngăn, uănh nau klach yơk tâm ban nau gay ma sŏk drăp nkhôm.

II Yôhan 1:10

Tơlah mbu nơm hăn ta khân may, ƀiălah mâu djôt leo nau nti aơ, lơi vơt rom bunuyh nây lăp tâm ngih khân may ôh jêh ri lơi tâm mbah ôp đah păng.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.