I Kôrintô 4:20 - Nau Brah Ndu Ngơi 2023

²⁰ Yorlah ƀon bri hađăch Brah Ndu mâu knŏng tâm mpơl ma nau ngơi ôh, ƀiălah tâm nau brah.

Bunong Bible Latin Script Cambodian dialect

²⁰ Yorlah nau Kôranh Brah mât uănh mâu ôh di ngơi ma mbung dơm, jêng nđâp ma Kôranh Brah nhhơ nau dơi nau khlay.

Bunong

²⁰ យ៝រ​លាស​នាវ​កោរាញ​ឞ្រាស​ម៝ត់​អ្វាញ់​មោ​អោស​ទី​ងើយ​មា​មឞូង​ទើម ជេង​នអ៝ប់​មា​កោរាញ​ឞ្រាស​ញហើ​នាវ​ទើយ​នាវ​ខ្លៃ។

I Kôrintô 4:20 ပူးပေါင်းရင်းမြစ်များ

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

I Kôrintô 1:24

Ƀiălah ma phung bunuyh dơi kuăl jêh, lĕ phung Yuđa nđâp phung Grek, Brah Krist jêng nau brah jêh ri nau blau mĭn Brah Ndu.

I Kôrintô 2:4

Nau gâp ngơi, nau gâp nti lah mâu nsing ma lĕ nau blau gay ma nsŭk nsôr ôh, ƀiălah gay ma tâm mpơl nau brah Brah Huêng Ueh;

II Kôrintô 10:8

Nđâp tơlah hên tâm rnê ma hên nơm rlau keh djê̆ lê̆ yor nau dơi Kôranh Brah ăn jêh ma hên gay ma n'hao khân may, mâu di gay ma ƀư rai khân may ôh, gâp mâu mra bêk ôh.

I Têsalônik 1:5

yor ma Nau mhe Mhan Ueh hên hŏ ntĭnh jêh ma khân may, mâu di knŏng tâm nau ngơi ôh, ƀiălah ma nau brah, ma Brah Huêng Ueh jêh ri ma nau gĭt nanê̆ jru ngăn đŏng. Khân may gĭt rah vah jêh nôk hên hôm gŭ ta nklang khân may, hên gŭ rêh jêh yor khân may.