I Kôrintô 3:18 - Nau Brah Ndu Ngơi 2023

¹⁸ Lơi dĭng ndơm êng păng nơm. Tơlah mbu nơm tâm phung khân may mĭn păng nơm jêng nơm blau mĭn tâm rnôk aơ, ăn plơ̆ hom jêng rluk mâl gay ma geh nau blau mĭn.

Bunong Bible Latin Script Cambodian dialect

¹⁸ Lơi ôh mƀrôh êng săk khân ay may nơm. Lah bu moh i kơp êng săk păng nơm jêng bunuyh geh nau mân gĭt blao i phung mâu nsing kơp khlay, ăn păng i nây jan bunuyh i phung mâu nsing kơp rluk mâl ƀŏt, gay ma păng jêng bunuyh i geh nau mân gĭt blao ngăn i tă bơh Kôranh Brah,

Bunong

¹⁸ លើយ​អោស​មរោស​អេង​ឆាក់​ខាន់​អៃ​មៃ​នើម។ លាស​ឞូ​ម៝ស​អី​កើប​អេង​ឆាក់​ពាង់​នើម​ជេង​ឞូនុយ្ស​គែស​នាវ​មឹន​គឹត​ឞ្លាវ​អី​ផូង​មោ​ញឆីង​កើប​ខ្លៃ អ៝ន់​ពាង់​អី​នៃ​ជាន​ឞូនុយ្ស​អី​ផូង​មោ​ញឆីង​កើប​រាលូក​ម៝ល់​ប៝ត់ គៃ​មា​ពាង់​ជេង​ឞូនុយ្ស​អី​គែស​នាវ​មឹន​គឹត​ឞ្លាវ​ងាន់​អី​តាៈ​ឞើស​កោរាញ​ឞ្រាស‌

I Kôrintô 3:18 ပူးပေါင်းရင်းမြစ်များ

Nau Hôr 26:12

May saơ lĕ mbu moh bunuyh blau mĭn kơp êng tĭng măt păng nơm đŏng? Bunuyh rluk hôm e geh nau kâp gân rlau ma păng.

Nau Hôr 3:5

Rnơm nsing hom ma Brah Yêhôva ma lĕ nuih n'hâm, Lơi nsing ôh tâm nau gĭt mĭn may nơm.

Nau Hôr 3:7

Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Nau Hôr 5:7

Pôri aƀaơ, hơi phung kon, iăt hom nau gâp; Lơi ta chalơi lĕ nau bơh mbung gâp.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Yêrêmi 37:9

Brah Yêhôva lah: “Khân may lơi ta ndơm khân may nơm pô aơ: ‘N'hêl nanê̆ phung Kaldê mra rŭch luh bơh he,’ yorlah khân păng mâu mra plơ̆ rŭch ntŭk êng ôh.

Yêrêmi 8:8

Mâm khân may nănh ngơi: “Hên blau mĭn, Nau vay Brah Yêhôva gŭ ndrel ma hên,”? Ƀiălah aơ, chông mâng nchih nau mƀruh phung kôranh nchih samƀŭt Hŏ ƀư ăn nau vay nây luh nau mƀruh!

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Mathay 18:4

Pôri, mbu nơm geh nau dêh rhêt nâm bu kon se jê̆ aơ mra jêng nơm toyh lơn tâm ƀon bri hađăch klơ trôk.

Markôs 10:15

Nanê̆ ngăn, Gâp lah ma khân may, mbu nơm mâu sŏk dơn ƀon bri hađăch Brah Ndu nâm bu du huê kon se jê̆ mâu mra lăp ta nây ôh.”

Luka 18:17

Nanê̆ ngăn, Gâp lah ma khân may, mbu nơm mâu sŏk dơn ƀon bri hađăch Brah Ndu nâm bu du huê kon se jê̆, khân may mâu dơi lăp ta nây ôh.”

Luka 21:8

Păng plơ̆ lah: “Njrăng hom, lơi ăn bu ndơm khân may ôh, yorlah âk bunuyh mra nchơt nklă ma amoh Gâp văch jêh ri ngơi pô aơ: ‘Gâp yơh jêng nơm nây jêh ri tâm rnôk văch dăch!’ Khân may lơi tĭng khân păng ôh.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

I Kôrintô 15:33

Lơi ăn bu ndơm khân may nơm: “Mĭt jiăng mhĭk ƀư rai nau knuih ueh.”

I Kôrintô 3:17

Tơlah du huê ƀư rai ngih brah Brah Ndu, Brah Ndu mra ƀư rai păng; yorlah ngih brah ma Brah Ndu jêng kloh ueh, jêh ri ngih brah nây jêng khân may nơm.

I Kôrintô 4:10

Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

Galati 6:3

Yorlah tơlah du huê bunuyh mĭn păng nơm geh nau khlay, tâm nôk păng nơm mâu geh nau khlay, pôri, păng ndơm păng nơm yơh.

Galati 6:7

Lơi ta ndơm êng khân may nơm ôh; Brah Ndu mâu dơn nau bu mưch ôh; yorlah moh ntil găr bu srih jêh, bu mra rek ntil găr nây.

Êphêsô 5:6

Lơi ăn bu ndơm khân may ma nau mâu khlay ôh; yor bơh nau nây yơh nau Brah Ndu ji nuih nkhŭt tŭp ta noi deh mâu tông bâr.

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

Yakơ 1:22

Ƀư hom tĭng nâm nau ngơi, lơi knŏng iăt jêng tŏng gay ndơm mƀruh khân may nơm.

Yakơ 1:26

Tơlah mbu moh mĭn păng nơm jêng bunuyh dơn nau chroh, mâu njrăng mpiăt păng nơm, ƀiălah ndơm êng nuih n'hâm păng nơm, pôri dơn nau chroh bunuyh nĕ jêng dơm dam.

I Yôhan 1:8

Tơlah he lah he nơm mâu geh nau tih ôh, he mƀruh ndơm êng he nơm yơh, jêh ri nau ngăn mâu gŭ tâm he ôh.