I Kôrintô 3:12 - Nau Brah Ndu Ngơi 2023

¹² Tơlah mbu nơm sŏk mah, prăk, lŭ khlay, ma tơm si, gơ̆ kro mâu lah rhe gay ma ndâk ta klơ mbon nây

Bunong Bible Latin Script Cambodian dialect

¹² Lah bu moh sŏ mayh, prăk, pĭch, tơm si, ja, rhe ma jan kalơ meh i nây,

Bunong

¹² លាស​ឞូ​ម៝ស​ឆ៝ៈ​មាយ្ស ព្រាក់ ពិច តើម​ឆី ជា រាហែ​មា​ជាន​កាលើ​មែស​អី​នៃ‌

I Kôrintô 3:12 ပူးပေါင်းရင်းမြစ်များ

Nau Mprơ Ơm 119:72

Nau vay tă bơh bâr mbung May ntĭnh ntăm Jêng khlay ngăn ma gâp rlau ma âk rbăn mah jêh ri prăk.

Nau Mprơ Ơm 19:10

Lĕ nau nây khlay lơn ma mah, Nanê̆ ngăn khlay lơn ma mah chrêk; Njŭng lơn ma dak sŭt, Ngăn yơh njŭng lơn ma mpơng dak sŭt.

Nau Ngluh Êjipt 5:12

Phung ƀon lan hăn bra lam bri Êjipt gay ma dônh bun jia kro ntrok ƀư rhe.

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nau Hôr 30:6

Lơi ntop ôh tâm nau ngơi Păng, Klach lah Păng nduyh may, Jêh ri bu kơp may jêng bunuyh ngơi mƀruh!

Nau Hôr 8:10

Dơn hom nau gâp ntĭm nti ueh lơn ma dơn prăk, Sŏk dơn nau blau mĭn rlau lơn ma mah ngăn;

Êsai 60:17

Gâp mra ăn mah ntrok ma kông, Gâp mra ăn prăk ntrok ma loih, Kông ntrok ma tơm si, Loih ntrok ma lŭ. Gâp mra ƀư ăn nau đăp mpăn mât mray may Jêh ri nau sŏng srăng chiă uănh may.

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Kôranh Oh Mon 20:30

Tă bơh nklang phung oh nâu khân may mra dâk đŏng bunuyh nti lah âk nau tih mhĭk, gay ma ndơm phung oh mon tĭng ndô̆ khân păng.

Samƀŭt Pôl Njuăl Ăn Ma Phung Nsing Ta Ƀon Rôm 16:17

Hơi oh nâu, gâp nkah ma khân may, uănh njrăng hom ma mbu nơm ƀư nau tâm nkhah mpôl jêh ri ƀư chêh prah, tâm rdâng đah ma nau ntĭm nti khân may nti jêh. Der hom khân may ngai đah khân păng.

I Kôrintô 3:11

Yorlah mâu geh bunuyh dơi n'gân du mbon êng, knŏng mbon bu n'gân jêh jêng Brah Yêsu Krist.

I Kôrintô 3:13

ri mơ nau kan ndâk ăp nơm mra dơi tâm mpơl. Nar phat dôih mra ƀư rah vah nau kan ndâk nây; bu mra tâm mpơl păng tâm ŭnh, jêh ri ŭnh mra rlong uănh rnoh khlay nau kan ndâk ăp nơm.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

Kôlôh 2:8

Njrăng hom, lơi ăn mbu ƀư dăk sân khân may ma nau ntĭm nti dŭt blau jêh ri ma nau ngơi nklă dơm dam tĭng nâm nau vay ơm bơh kon bunuyh, tĭng nâm huêng brah tâm neh ntu, ƀiălah mâu di tĭng nâm Brah Krist.

I Timôthê 6:3

Tơlah geh du huê ntĭm ma nau nti ƀaƀă, mâu tâm di đah nau ngăn jêh ri nau nti klach yơk ma Kôranh Brah he jêng Brah Yêsu Krist

II Timôthê 2:20

Tâm du mlâm ngih toyh, mâu knŏng geh ndô ndơ ƀư ma mah, ƀư ma prăk, ƀiălah geh ndô ndơ ƀư ma si jêh ri ƀư ma neh đŏng; geh ndơ bu dŏng tâm kan khlay, geh ndơ bu dŏng ma kan jê̆ lê̆.

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

II Timôthê 3:7

nti ƀaƀơ, ƀiălah mâu mâp gĭt năl ma nau ngăn.

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.

Nau Tâm Mpơl 21:18

Mpêr ƀon ƀư ma lŭ khlay jaspidi, jêh ri ƀon ƀư ma mah kloh ang rsang nâm bu rchŏk.

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.