I Kôrintô 2:14 - Nau Brah Ndu Ngơi 2023

¹⁴ Bunuyh mâu geh Brah Huêng Ueh, mâu dơi sŏk dơn lĕ nau tă bơh Brah Huêng Ueh Brah Ndu ôh, yorlah bunuyh nây uănh lĕ nau nây jêng nau brŭt ndrăng jêh ri mâu dơi gĭt vât ôh, yorlah sek uănh tĭng nau rêh huêng.

Bunong Bible Latin Script Cambodian dialect

¹⁴ Yơn ma bu moh i mâu geh Brah Huêng Ueh gŭ, păng i nây mâu ôh dơi sŏ dơn nau bơh Brah Huêng Ueh Kôranh Brah. Păng mân nau i nây jêng nau rluk mâl dơm, păng vât mâu dơi ôh. Bunuyh i geh Brah Huêng Ueh gŭ dơm, dơi gĭt vât nau i nây.

Bunong

¹⁴ យើន​មា​ឞូ​ម៝ស​អី​មោ​គែស​ឞ្រាស​ហ្វេង​អ្វែស​គុ ពាង់​អី​នៃ​មោ​អោស​ទើយ​ឆ៝ៈ​ទើន​នាវ​ឞើស​ឞ្រាស​ហ្វេង​អ្វែស​កោរាញ​ឞ្រាស។ ពាង់​មឹន​នាវ​អី​នៃ​ជេង​នាវ​រាលូក​ម៝ល់​ទើម ពាង់​វ៝ត់​មោ​ទើយ​អោស។ ឞូនុយ្ស​អី​គែស​ឞ្រាស​ហ្វេង​អ្វែស​គុ​ទើម ទើយ​គឹត​វ៝ត់​នាវ​អី​នៃ។

I Kôrintô 2:14 ပူးပေါင်းရင်းမြစ်များ

Nau Hôr 14:6

Bunuyh dăng mưch joi nau blau mĭn ƀiălah mâu mâp ôh, Ƀiălah bunuyh gĭt mĭn nơih pơih mâp nau blau mĭn.

Mathay 16:23

Ƀiălah Brah Yêsu rle măt uănh ta Y-Pêtrôs jêh ri lah: “Hơi Satan, rŭch plơ̆ hom pakơi Gâp! May ŭch ƀư tŭp Gâp; yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Yôhan 10:20

Âk tâm phung khân păng lah: “Păng geh brah mhĭk lơh, păng brŭt jêh; mâm ƀư khân may gŭ iăt păng?”

Yôhan 12:37

Nđâp tơlah Brah Yêsu hŏ ƀư âk nau khlay tanăp khân păng kđôi lĕ, ƀiălah khân păng ăt mâu chroh lĕ ma Brah Yêsu,

Yôhan 14:17

nâm bu ntĭt Brah Nau Ngăn, ƀiălah neh ntu aơ mâu dơi dơn ôh, yorlah mâu gĭt saơ jêh ri mâu gĭt năl Păng. Ƀiălah khân may gĭt năl Păng yorlah Păng gŭ ndrel ma khân may, jêh ri mra gŭ tâm khân may.

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Yôhan 5:44

Khân may ŭch dơn nau chrêk rmah ndrăng khân may nơm, mâu joi ôh nau chrêk rmah tă bơh Brah Ndu knŏng nguay, mâm khân may dơi chroh?

Yôhan 8:43

Mâm ƀư khân may mâu gĭt rbăng nau Gâp lah? Yorlah khân may mâu iăt nau Gâp ngơi.

Kôranh Oh Mon 16:14

Geh du huê bu ur iăt hên, amoh păng H'Lidi, bơh ƀon Thiatir, vay tăch bok chăng krăk, jêng bunuyh yơk mbah ma Brah Ndu. Kôranh Brah pơk nuih n'hâm H'Lidi ƀư ăn păng rkêng tôr iăt nau Y-Pôl ngơi.

Kôranh Oh Mon 17:18

Geh ƀaƀă phung kan tâm nau mĭn tâm bar phung nti Nau Maak jêh ri Nau Dăng tâm nchră đah păng đŏng. Nơm ôp: “Moh nau bunuyh ƀôch ƀôr aơ ŭch lah?” Nơm êng lah: “Tâm ban ma păng mbơh nkoch ma lĕ brah bu năch” — yorlah Y-Pôl mbơh nkoch Nau Mhe Mhan Ueh ma Brah Yêsu jêh ri nau dâk rêh tay.

Kôranh Oh Mon 17:32

Tơlah khân păng tăng Y-Pôl ngơi ma nau dâk rêh tay bơh nau khĭt, ƀaƀă bunuyh gơm mưch, ƀiălah ƀaƀă bunuyh êng lah: “Hên mra ŭch iăt may nkoch bri nau aơ du tơ̆ đŏng.”

Kôranh Oh Mon 18:15

Ƀiălah yorlah aơ jêng nau tâm rlăch ma rplay ngơi, ma amoh bunuyh jêh ri ma nau vay êng khân may nơm, phat dôih êng ndrăng khân may nơm; gâp mâu ŭch phat dôih nau nây ôh.”

Kôranh Oh Mon 25:19

Khân păng knŏng rlăch nchră ma ƀaƀă nau tâm nau chroh êng phung khân păng jêh ri ma du huê Yêsu, khĭt jêh, ƀiălah Y-Pôl mbơh ngăn ma nau păng hôm gŭ rêh.

I Kôrintô 1:18

Yorlah nau nti ma si tâm rkăng đah phung bunuyh rai roh jêng brŭt ndrăng; ƀiălah đah he, phung bunuyh geh tâm chuai, nây jêng nau brah Brah Ndu.

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 1:23

bi hên mbơh nkoch ma nau bu pâng Brah Krist ta si tâm rkăng, jêng nau phung Yuđa kơp mâu di, bi phung bu năch kơp jêng nau brŭt ndrăng.

I Kôrintô 1:25

Yorlah nau bu uănh nâm bu nau brŭt ndrăng Brah Ndu jêng nau blau mĭn lơn ma kon bunuyh; nau bu uănh nâm bu nau rdja Brah Ndu jêng ktang lơn ma kon bunuyh.

I Kôrintô 15:44

bu tuch jêng săk jăn geh nau rêh, ƀiălah dâk rêh tay jêng săk jăn nau rêh huêng. Tơlah geh săk jăn geh nau rêh, geh đŏng săk jăn nau rêh huêng.

I Kôrintô 15:46

Mâu di kon bunuyh rêh huêng văch lor, ƀiălah kon bunuyh đah nglay săk; pakơi nây jêng kon bunuyh rêh huêng.

I Kôrintô 2:12

Ƀiălah, he mâu sŏk dơn ôh huêng bơh neh ntu, ƀiălah Brah Huêng Ueh bơh Brah Ndu, gay ma dơi gĭt rbăng lĕ nau dơi Brah Ndu ăn ma he.

I Kôrintô 3:1

Hơi phung oh nâu, mpeh ma gâp, gâp mâu dơi ngơi ma khân may tâm ban ma phung rêh huêng, ƀiălah tâm ban ma phung bunuyh nglay săk, nâm bu ma phung oh bê mhe deh tâm Brah Krist.

Yakơ 3:15

Nau blau mĭn nĕ mâu geh tât bơh klơ trôk, ƀiălah jêng ndơ bơh neh ntu, bơh nglay săk jêh ri bơh phung brah mhĭk.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Yuđas 1:19

Khân păng yơh jêng phung tâm nkhah mpôl, phung bunuyh gŭ rêh tĭng nglay săk, mâu geh Brah Huêng Ueh ôh.