I Kôrintô 16:16 - Nau Brah Ndu Ngơi 2023

¹⁶ Gâp nti nkah khân may tông hom ma phung bunuyh nâm nđĕ, jêh ri lĕ phung bunuyh pah kan rêh ni ndrel ma khân păng.

Bunong Bible Latin Script Cambodian dialect

¹⁶ ăn iăt ma bunuyh i geh nuih n'hâm kơt i nây, jêh ri ăn iăt ma dâng lĕ bunuyh i nsrôyh jan kar ndrel khân păng i nây đŏng.

Bunong

¹⁶ អ៝ន់​អ្យាត់​មា​ឞូនុយ្ស​អី​គែស​នូយ្ស​នហ៝ម់​កើត​អី​នៃ ជេសរី​អ៝ន់​អ្យាត់​មា​ទឹង​លែៈ​ឞូនុយ្ស​អី​ញឆ្រោយ្ស​ជាន​ការ​នទ្រែល​ខាន់​ពាង់​អី​នៃ​ដ៝ង់។

I Kôrintô 16:16 ပူးပေါင်းရင်းမြစ်များ

I Nau Rêh Jêng 12:18

Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng.

Nơm Nti 1:3

Kon bunuyh moh ndơ khlay Dôl kan hŏt rơah tâm dâng nar?

Samƀŭt Pôl Njuăl Ăn Ma Phung Nsing Ta Ƀon Rôm 16:12

Mbah khâl đah H'Triphena jêh ri H'Triphôsa, jêng bar hê phung yuh hŏ pah kan hŏt r'ah yor ma Kôranh Brah. Mbah khâl đah H'Pêrsit, bunuyh yuh gâp rŏng, hŏ pah kan hŏt rgănh ma Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 16:3

Dăn ăn gâp geh nau mbah jô̆ khâl H'Phrisil jêh ri Y-Akilas, phung bunuyh ndrel pah kan đah gâp tâm Brah Yêsu Krist,

Samƀŭt Pôl Njuăl Ăn Ma Phung Nsing Ta Ƀon Rôm 16:6

Mbah khâl đah H'Mari, nơm hŏ kan pah hŏt r'ah yor ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 16:9

Mbah khâl đah Y-Urbanos, nơm mĭt jiăng pah kan ndrel ma gâp tâm Brah Krist, jêh ri Y-Stakis, nơm mĭt jiăng gâp rŏng.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Kôrintô 3:9

Yorlah hên jêng phung bunuyh pah kan ndrel ma Brah Ndu; khân may jêng mir lŏ Brah Ndu, jêng ngih Brah Ndu.

Êphêsô 5:21

Yor klach yơk ma Brah Krist, tâm tông hom ndrăng nơm.

Philip 4:3

Gâp dăn đŏng ma may, mĭt jiăng pah kan răp jăp ndrel ma gâp, kơl hom phung bu ur nây; khân păng dâk ndrel ma gâp tâm lơh yor ma Nau Mhe Mhan Ueh, ndrel ma Y-Klêmen jêh ri phung mĭt jiăng ndrel kan êng ma gâp; amoh khân păng Brah Ndu nchih jêh tâm ndrom samƀŭt nau rêh.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Têsalônik 2:9

Hơi phung oh nâu, nanê̆ khân may hôm kah gĭt ma nau jâk jêr jêh ri nau dŭt hŏt hên; tâm dôl mbơh nkoch Nau Mhe Mhan Ueh Brah Ndu ma khân may, hên pah kan măng nâm nar gay mâu ăn jêng nau jâk ôh ma du huê tâm phung khân may.

I Têsalônik 5:12

Hơi phung oh nâu, hên dăn ma khân may ăn khân may yơk ma phung dôl pah kan hŏt ta nklang khân may, jêng phung leo jêh ri ntĭm nti khân may yor Kôranh Brah.

I Timôthê 5:17

Phung kôranh bu ranh blau chiă uănh Phung Ngih Brah Ndu, lơ hô geh nau yơk âk lơn, lor lơn jêng phung srôih jâk jêr tâm nau mbơh nau chroh jêh ri nau ntĭm nti.

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

ហេឞ្រើ 13:24

Mbah ma lĕ rngôch phung chiă uănh khân may jêh ri lĕ rngôch phung kloh ueh. Phung kloh ueh ta n'gor Italy njuăl nau mbah jô̆ khâl ma khân may.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

III Yôhan 1:8

Yor nây, ăn he kơl phung bunuyh nây, gay ma he plơ̆ jêng phung pah kan ndrel ma khân păng yorlah nau ngăn.

Nau Tâm Mpơl 2:3

May srôih, nsrôih dơn yor amoh Gâp mâu geh nau rgănh ôh.