I Kôrintô 15:57 - Nau Brah Ndu Ngơi 2023

⁵⁷ Ƀiălah lah ueh ma Brah Ndu ăn ma he nau dơi tă bơh Kôranh Brah he jêng Brah Yêsu Krist.

Bunong Bible Latin Script Cambodian dialect

⁵⁷ Aƀaơ dja ăn bân lah ueh Kôranh Brah! Păng lĕ ăn bân geh nau dơi ma nau tih nđâp ma nau khât, nau dơi i nây jêng tă bơh ndơ Brah Yêsu Krist i Kôranh bân lĕ jan nơh.

Bunong

⁵⁷ អាបៃ​អ្យា​អ៝ន់​ឞ៝ន់​លាស​អ្វែស​កោរាញ​ឞ្រាស! ពាង់​លែៈ​អ៝ន់​ឞ៝ន់​គែស​នាវ​ទើយ​មា​នាវ​តីស​នអ៝ប់​មា​នាវ​ខឹត នាវ​ទើយ​អី​នៃ​ជេង​តាៈ​ឞើស​នទើ​ឞ្រាស​យេឆូ​ក្រីស  ​អី​កោរាញ​ឞ៝ន់​លែៈ​ជាន​នើស។

I Kôrintô 15:57 ပူးပေါင်းရင်းမြစ်များ

II Phung Hađăch 5:1

Y-Naaman, kôranh chiă uănh ma phung tahan hađăch Aram, jêng du huê bunuyh geh nau ktang jêh ri geh nau yơk ngăn tanăp kôranh păng nơm, yorlah ma păng, Brah Yêhôva ăn nau dơi ma phung Aram. Nđâp tơlah păng jêng du huê tahan janh ktang, ƀiălah Y-Naaman geh ji phŭng.

I Nau Rêh Jêng 22:11

Aơ kon bu klâu gâp, aƀaơ, dăn Brah Yêhôva gŭ n'hanh may jêh ri kơl may geh nau dơi tâm kan ndâk ngih brah ma Yêhôva Brah Ndu may, tĭng nâm nau Păng ngơi jêh ma may.

Nau Mprơ Ơm 98:1

Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

Nau Hôr 21:31

Seh ndrăp ăn nar tâm lơh, Ƀiălah nau dơi tâm lơh tă bơh Brah Yêhôva.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Kôranh Oh Mon 27:35

Jêh ngơi pônây, Y-Pôl sŏk piăng let, dâk tanăp lĕ rngôch bunuyh, lah ueh ma Brah Ndu, jêh nây nkê̆ch jêh ri ntơm sa.

Samƀŭt Pôl Njuăl Ăn Ma Phung Nsing Ta Ƀon Rôm 7:25

Lah ueh ma Brah Ndu, yor ma Brah Yêsu Krist, jêng Kôranh Brah he! Tâm ban pônây, gâp yơh dŏng nau mĭn gâp nơm pah kan ma nau vay Brah Ndu, ƀiălah sŏk nglay săk gâp nơm jêng dĭk ma nau vay nau tih.

Samƀŭt Pôl Njuăl Ăn Ma Phung Nsing Ta Ƀon Rôm 8:37

Ƀiălah, tâm lĕ nau nây phung he yor Nơm rŏng ma he, he dơi mro mrăng.

I Kôrintô 15:51

Aơ, gâp mbơh nau khlay nđâp: He mâu mra khĭt lĕ rngôch ôh, ƀiălah lĕ rngôch he mra rgâl

II Kôrintô 1:11

Khân may kơl hom hên tâm nau mbơh sơm, gay ma nau mbơh sơm âk bunuyh mbơh sơm ma hên geh nau yô̆; jêh ri tă bơh nây, âk bunuyh mra nhhơr nau tâm rnê lah ueh.

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

II Kôrintô 9:15

Lah ueh ma Brah Ndu, yor nau Păng ăn ma he mâu blau kơp!

Êphêsô 5:20

Tâm lĕ nau kan, tâm amoh hom Kôranh Brah he Yêsu Krist ƀaƀơ gay nhhơr nau lah ueh ma Brah Ndu, jêng Mbơ̆.

ហេឞ្រើ 2:14

Yorlah phung kon geh mham jêh ri nglay săk ndrel, pôri Brah Yêsu yơh geh mham jêh ri nglay săk ndrel tâm ban ma khân păng, gay ma tâm nau khĭt, Păng ƀư rai nơm chiă uănh nau khĭt jêng phung brah mhĭk,

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 21:4

Păng mra jut lĕ dak măt ta măt khân păng. Mâu mra geh nau khĭt ôh, mâu mra hôm geh nau klâng ndrê, nhĭm nhhiăng, mâu lah nau nđêh nji đŏng; yorlah lĕ nau tal nguay lĕ rlau lôch jêh.”