I Kôrintô 15:1 - Nau Brah Ndu Ngơi 2023

¹ Hơi phung oh nâu, gâp ŭch nkah khân may Nau Mhe Mhan Ueh gâp hŏ mbơh nkoch jêh ri khân may sŏk dơn jêh, tâm nau nây lĕ khân may gŭ nâp.

Bunong Bible Latin Script Cambodian dialect

¹ Ơ oh nô ta nau nsing, gâp ŭch nkah tôr khân ay may ma nau mhe mhan ueh i gâp mbơh nkoch ăn ma khân ay may nơh, jêng nau mhe mhan ueh i khân ay may lĕ sŏ dơn nơh, n'ho ma i hôm ndjôt nâp đŏng.

Bunong

¹ អើ​អ៝ស​នោ​តា​នាវ​ញឆីង គ៝ប់​អុច​ងកាស​តោរ​ខាន់​អៃ​មៃ​មា​នាវ​មហែ​មហាន​អ្វែស​អី​គ៝ប់​មឞើស​ងក៝ច​អ៝ន់​មា​ខាន់​អៃ​មៃ​នើស ជេង​នាវ​មហែ​មហាន​អ្វែស​អី​ខាន់​អៃ​មៃ​លែៈ​ឆ៝ៈ​ទើន​នើស នហ៝​មា​អី​ហោម​ញអោត​ន៝ប់​ដ៝ង់។

I Kôrintô 15:1 ပူးပေါင်းရင်းမြစ်များ

Yôhan 12:48

Mbu nơm dun Gâp, mâu sŏk dơn ôh nau Gâp nti lah, hŏ geh jêh Nơm phat dôih păng; nau Gâp nti lah mra phat dôih păng ta nar nglĕ dŭt.

Kôranh Oh Mon 11:1

Rnôk nây, phung kôranh oh mon jêh ri phung oh nâu tâm n'gor Yuđa tăng lư ma phung bu năch hŏ dơn nau chroh tâm Brah Ndu.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 11:20

Di ngăn. Bu koh lơi jêh lĕ n'gĭng nây, yorlah nuih n'hâm khân păng mâu chroh, bi may knŏng dâk nâp yor nau chroh. Lơi sưr rlau, ƀiălah klach hom.

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

Samƀŭt Pôl Njuăl Ăn Ma Phung Nsing Ta Ƀon Rôm 5:2

Tâm Păng, yor ma chroh he dơi lăp tâm nau yô̆ aơ jêng nau yô̆ tă bơh nĕ he dâk nâp jêh ri răm maak đah nau kâp gân dơi dơn nau chrêk rmah Brah Ndu.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

I Kôrintô 3:6

Gâp tăm jêh, Y-Apôlôs djrah dak jêh, ƀiălah Brah Ndu hŏ ƀư văch ma toyh jêh.

I Kôrintô 4:15

Nđâp tơlah khân may geh âk rmưn nuyh ntĭm nti tâm Brah Krist, ƀiălah khân may mâu geh âk mbơ̆ ôh; yorlah tă bơh Nau Mhe Mhan Ueh, gâp yơh deh khân may tâm Brah Yêsu Krist.

II Kôrintô 1:24

Mâu di hên ŭch nkân ma nau chroh khân may ôh, ƀiălah hên ŭch ndrel ndâk njêng nau maak ma khân may, yorlah khân may hŏ dâk nâp tâm nau chroh.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.

I Pêtrôs 5:12

Gâp đă Y-Silvan, nơm gâp uănh nâm bu oh nâu răp jăp ngăn, nchih bar pe rplay gay n'hao nuih n'hâm jêh ri mbơh nkoch ma khân may gĭt, aơ jêng nau yô̆ ngăn bơh Brah Ndu. Gŭ nâp hom tâm nau yô̆ nây.