I Kôrintô 14:6 - Nau Brah Ndu Ngơi 2023

⁶ Hơi phung oh nâu, tơlah gâp hăn ma khân may, ngơi lĕ nau bu năch, jêh ri tơlah nau gâp ngơi mâu geh tâm mpơl, mâu geh nau gĭt rbăng, mâu geh nau mbơh lor, mâu geh ntĭm nti, moh nau gâp jêng khlay ma khân may?

Bunong Bible Latin Script Cambodian dialect

⁶ Ơ oh nô ta nau nsing, lah gâp hăn a khân ay may, jêh ri gâp ngơi nau ngơi êng êng i nây, ơm geh nau khlay ma khân ay may ƀah? Yơn ma lah gâp mbơh nkoch ma nau tâm mpơl i Kôranh Brah lĕ ăn ma gâp, mâu lah mbơh nkoch ndơ i gĭt vât, mâu lah ntơyh nau ngơi Kôranh Brah, mâu lah ntŭm nti khân ay may, i nây i geh nau khlay ma khân ay may.

Bunong

⁶ អើ​អ៝ស​នោ​តា​នាវ​ញឆីង លាស​គ៝ប់​ហាន់​អា​ខាន់​អៃ​មៃ ជេសរី​គ៝ប់​ងើយ​នាវ​ងើយ​អេងៗ​អី​នៃ អើម​គែស​នាវ​ខ្លៃ​មា​ខាន់​អៃ​មៃ​បាស? យើន​មា​លាស​គ៝ប់​មឞើស​ងក៝ច​មា​នាវ​តឹម​មពើល​អី​កោរាញ​ឞ្រាស​លែៈ​អ៝ន់​មា​គ៝ប់ មោ​លាស​មឞើស​ងក៝ច​នទើ​អី​គឹត​វ៝ត់ មោ​លាស​នតើយ្ស​នាវ​ងើយ​កោរាញ​ឞ្រាស មោ​លាស​នតុម​នតី​ខាន់​អៃ​មៃ អី​នៃ​អី​គែស​នាវ​ខ្លៃ​មា​ខាន់​អៃ​មៃ។

I Kôrintô 14:6 ပူးပေါင်းရင်းမြစ်များ

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Kôranh Oh Mon 2:42

Phung chroh nsrôih djôt prăp nau phung kôranh oh mon nti, nau tâm rnglăp ndrăng oh nâu, rƀŭn nkê̆ch piăng let, jêh ri nau mbơh sơm.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

Samƀŭt Pôl Njuăl Ăn Ma Phung Nsing Ta Ƀon Rôm 16:17

Hơi oh nâu, gâp nkah ma khân may, uănh njrăng hom ma mbu nơm ƀư nau tâm nkhah mpôl jêh ri ƀư chêh prah, tâm rdâng đah ma nau ntĭm nti khân may nti jêh. Der hom khân may ngai đah khân păng.

Samƀŭt Pôl Njuăl Ăn Ma Phung Nsing Ta Ƀon Rôm 6:17

Ƀiălah lah ueh ma Brah Ndu, yorlah khân may hŏ tă ƀư dĭk ma nau tih, ƀiălah nar aơ tông bâr lĕ nuih n'hâm ma nau di ntĭm nti hŏ jao ăn jêh ma khân may,

I Kôrintô 10:33

Tâm ban gâp, nsrôih n'hâm suan ƀư ueh nuih n'hâm ma lĕ rngôch bunuyh tâm ăp ntil ndơ, mâu joi kao play êng ma gâp nơm ôh, ƀiălah ma âk bunuyh gay ma khân păng geh nau rklaih.

I Kôrintô 14:1

Tĭng joi hom nau rŏng. Ŭch hom lĕ nau yô̆ tâm nau rêh huêng, ƀiălah khlay lơn ma nau mbơh lor.

I Kôrintô 14:7

Nđâp lah lĕ gong rêng mâu geh n'hâm rêh ôh, tâm ban ma n'hôm mâu lah kreh gong rêng, tơlah mâu geh nteh rah vah, mâm ƀư gĭt năl ma bâr n'hôm mâu lah gong rêng?

II Kôrintô 11:6

Nau gâp ngơi nđâp lah mâu blau ngơi ueh kđôi, ƀiălah nau gĭt rbăng mâu jê̆ ôh. Gâp hŏ mpơl rah vah jêh nau nây tâm lĕ rngôch nau geh jêh ri ta nklang lĕ rngôch bunuyh.

II Kôrintô 12:1

Gâp rnê êng ma gâp nơm, nđâp tơlah mâu geh khlay ôh, ƀiălah gâp đŏng mra ngơi ma nau tâm saơ jêh ri ma nau tâm mpơl bơh Kôranh Brah.

II Kôrintô 12:7

Gay mât gâp lơi sưr ma lĕ nau tâm mpơl khlay ngăn nây, du njăr lok tôt jêh tâm nglay săk gâp; du huê nơm mbơh bơh Satan hŏ dong gâp gay lơi ăn gâp sưr rlau.

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Êphêsô 3:4

Dôl rŏ tât nau nây, khân may klăp lah dơi gĭt nau gâp gĭt rbăng ma nau khlay ndâp tâm Brah Krist,

Philip 3:15

Pôri, ăn lĕ rngôch phung văch ma toyh geh nau mĭn aơ, bi tơlah khân may mĭn ma nau êng, Brah Ndu ăt mra ƀư tâm mpơl ma khân may.

II Timôthê 2:14

Nkah hom ma khân păng lĕ nau aơ; tanăp Brah Ndu, mbơh hom ma khân păng der ngai nau tâm rlăch ma rplay ngơi, nây jêng nau mâu khlay ôh, knŏng ƀư nau mhĭk tât ma mbu nơm gŭ iăt dơm.

II Timôthê 3:10

Bi ma may, may tĭng jêh nau ntĭm nti, nau gŭ ngao, nau ŭch gŭ rêh, nau chroh, nau srôih, nau rŏng, nuih n'hâm gâp nâp;

II Timôthê 3:16

Lĕ Nau Brah Ndu Ngơi bơh Brah Ndu nsŭk nsôr, geh khlay ma nau ntĭm nti, nduyh, nkra jêh ri sâm nti bu tâm nau sŏng srăng,

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

II Pêtrôs 1:5

Yor nau nĕ ăn ma khân may srôih lĕ nau ktang gay ntop nuih n'hâm ueh ma nau chroh khân may nơm, ntop nau gĭt rbăng ma nau ueh,

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

II Yôhan 1:9

Mbu nơm hăn ngai ir jêh ri mâu gŭ nâp tâm nau nti bơh Brah Krist mâu geh Brah Ndu ôh. Ƀiălah mbu nơm gŭ nâp tâm nau nti aơ, geh Brah Ndu Mbơ̆ jêh ri Brah Ndu Kon.

I Samuel 12:21

lơi ta chalơi ôh Păng gay hăn tĭng lĕ rup brah dơm dam, khân păng mâu geh khlay ôh jêh ri mâu đŏng dơi tâm rklaih, yorlah khân păng knŏng jêng dơm dam.