I Kôrintô 14:4 - Nau Brah Ndu Ngơi 2023

⁴ Mbu nơm ngơi nau bu năch ndâk njêng êng păng nơm, ƀiălah bunuyh ngơi nau mbơh lor ndâk njêng Phung Ngih Brah Ndu.

Bunong Bible Latin Script Cambodian dialect

⁴ Bu moh i ngơi nau ngơi êng êng i nây, păng i nây rdŏk njêng êng păng nơm dơm, yơn ma bu moh i ntơyh nau ngơi Kôranh Brah, păng i nây rdŏk njêng dâng lĕ phung i nsing ma Brah Krist.

Bunong

⁴ ឞូ​ម៝ស​អី​ងើយ​នាវ​ងើយ​អេងៗ​អី​នៃ ពាង់​អី​នៃ​រាទ៝ក់​ញជេង​អេង​ពាង់​នើម​ទើម យើន​មា​ឞូ​ម៝ស​អី​នតើយ្ស​នាវ​ងើយ​កោរាញ​ឞ្រាស ពាង់​អី​នៃ​រាទ៝ក់​ញជេង​ទឹង​លែៈ​ផូង​អី​ញឆីង​មា​ឞ្រាស​ក្រីស  ។

I Kôrintô 14:4 ပူးပေါင်းရင်းမြစ်များ

Markôs 16:17

Phung bunuyh chroh mra dơi geh nau tâm mbên khlay hăn ndrel: Khân păng mra sŏk amoh Gâp gay mprơh brah mhĭk; mra ngơi lĕ nau ngơi mhe;

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

I Kôrintô 12:10

Bunuyh dơi ƀư lĕ nau mbên khlay, bunuyh dơi ngơi nau mbơh lor, bunuyh dơi năl lĕ brah, bunuyh dơi ngơi lĕ nau ngơi êng, bunuyh dơi gĭt rblang lĕ nau ngơi nây.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Kôrintô 13:1

Nđâp tơlah gâp ngơi lĕ nau ngơi kon bunuyh jêh ri tông mpăr, ƀiălah mâu geh nau rŏng, gâp knŏng tâm ban ma chĭng bu goh mâu lah rgu dăng nteh huy.

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Kôrintô 14:12

Khân may tâm ban lĕ, yorlah ŭch tâm nau rêh huêng, khân may joi hom gay ma geh âk rmeh lĕ nau dơi ăn, gay ma ndâk njêng Phung Ngih Brah Ndu.

I Kôrintô 14:22

Pôri, lĕ nau ngơi êng mâu di jêng nau mbên ma phung chroh, ƀiălah ma phung mâu chroh yơh; ƀiălah nau mbơh lor mâu di nau mbên ma phung mâu chroh ôh, ƀiălah ma phung chroh.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

I Kôrintô 14:3

Ƀiălah bunuyh ngơi nau mbơh lor, păng ngơi đah kon bunuyh gay ndâk njêng, tâm n'hao nuih jêh ri bonh leng.

I Kôrintô 14:5

Gâp ŭch ma lĕ rngôch khân may ngơi nau bu năch da dê, ƀiălah lơ hô ŭch lơn ăn khân may ngơi nau mbơh lor. Bunuyh ngơi nau mbơh lor jêng toyh lơn ma bunuyh ngơi nau bu năch, knŏng tơlah geh nơm gĭt rblang gay ma Phung Ngih Brah Ndu geh nau ndâk njêng.