I Kôrintô 14:25 - Nau Brah Ndu Ngơi 2023

²⁵ Lĕ nau pôn ndâp tâm nuih n'hâm khân păng mra tâm mpơl; khân păng mra chon mon yơk mbah ma Brah Ndu, jêh ri mbơh pô aơ: Brah Ndu dôl gŭ ndrel ma khân may ngăn ngên.

Bunong Bible Latin Script Cambodian dialect

²⁵ Nôk nây ndơ i pôn ndŏp ta nuih n'hâm khân păng nơm ri, mra nhhơ ăn bu say ro, jêh ri khân păng mra păn krap a neh, yơk mbah Kôranh Brah n'ho ma lah: “Geh Kôranh Brah gŭ ndrel khân ay may ngăn!”

Bunong

²⁵ នោក​នៃ​នទើ​អី​ពោន​នទ៝ប់​តា​នូយ្ស​នហ៝ម់​ខាន់​ពាង់​នើម​រី មរា​ញហើ​អ៝ន់​ឞូ​ឆៃ​រ៝ ជេសរី​ខាន់​ពាង់​មរា​ពាន់​ក្រាប​អា​នែស យើក​មឞាស​កោរាញ​ឞ្រាស​នហ៝​មា​លាស៖ “គែស​កោរាញ​ឞ្រាស​គុ​នទ្រែល​ខាន់​អៃ​មៃ​ងាន់!”

I Kôrintô 14:25 ပူးပေါင်းရင်းမြစ်များ

Nau Ntơm 44:14

Nôk Y-Yuđa jêh ri phung oh nâu păng tât ta ngih Y-Yôsep, Y-Yôsep hôm e gŭ ta nây. Khân păng chon mon ta neh tanăp măt păng.

Nau Mprơ Ơm 72:11

Ăn lĕ rngôch phung hađăch mra chon mon tanăp hađăch; Lĕ rngôch mpôl băl mra pah kan ma hađăch.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Luka 17:16

jêh ri tât chon mon ta jâng Brah Yêsu jêh ri lah ueh ma Păng. Nơm nây jêng bunuyh Samari.

Luka 5:8

Saơ nau nây, Y-Simôn Pêtrôs chon mon ta jâng Brah Yêsu jêh ri ngơi: “Ơ Kôranh Brah, dăn du luh bơh gâp, yorlah gâp jêng bunuyh geh nau tih.”

Luka 8:28

Jêh saơ Brah Yêsu, păng nter, chon mon tanăp Păng jêh ri lah huy: “Ơ Brah Yêsu, Kon Brah Ndu Dŭt Prêh, moh nau gâp geh đah May? Gâp vơh dăn May lơi ƀư rêh ni ma gâp.”

Yôhan 4:19

Bu ur nây lah: “Hơi kôranh, gâp gĭt năl may jêng du huê nơm mbơh lor.

Kôranh Oh Mon 4:13

Lah khân păng saơ nau janh Y-Pêtrôs jêh ri Y-Yôhan, gĭt rah vah bar hê khân păng jêng phung ƀon lan dơm, mâu mâp nti ôh, khân păng hih rhâl da dê jêh ri gĭt năl jêh bar hê khân păng nây hŏ tă gŭ ndrel ma Brah Yêsu.

Nau Vay Nkah Tay 9:18

Jêh nây, yor nau tih khân may hŏ ƀư jêh nôk ƀư nau mhĭk gay nsônh nau ji nuih Brah Yêhôva, gâp chon mbah tanăp măt Păng tâm puăn jât nar măng, nâm bu nôk ta lor, gâp mâu geh sa piăng let kŏ mâu đŏng nhêt dak.

Nau Tâm Mpơl 19:4

Bar jât ma puăn nuyh kôranh bu ranh jêh ri puăn mlâm mpa rêh chon mon jêh ri yơk mbah ma Brah Ndu jêng Nơm gŭ ta sưng hađăch, jêh ri lah: “Amen! Halêluya!”

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.

I Samuel 9:19

Y-Samuel plơ̆ lah ma Y-Sôl: “Gâp yơh jêng nơm geh nau tâm saơ. Hăn hao hom panăp gâp ta ntŭk prêh klơ, yorlah nar aơ bar hê khân may mra sông sa ndrel ma gâp. Ôi taơ gâp mra ăn may hăn jêh ri mra lah ma may gĭt lĕ nau may dôl rvê rvănh.