I Kôrintô 14:16 - Nau Brah Ndu Ngơi 2023

¹⁶ Mâu lah, tơlah may tâm rnê ma huêng mâm ƀư phung bunuyh vay gŭ iăt dơi ngơi: “Amen” ma nau may lah ueh, tơlah khân păng mâu gĭt rbăng nau may ngơi?

Bunong Bible Latin Script Cambodian dialect

¹⁶ Lah khân ay may rnê Kôranh Brah ta nau ngơi êng êng i nây tă bơh nuih n'hâm khân ay may nơm dơm, lah ndri bunuyh i gŭ iăt ta nây mâu ôh gĭt vât nau i nây mơm blao lah: “Nau i nây di ngăn” ma nau khân ay may ngơi lah ueh Kôranh Brah, ôbăl mâu vât ôh nau i khân ay may lah nây!

Bunong

¹⁶ លាស​ខាន់​អៃ​មៃ​រានេ​កោរាញ​ឞ្រាស​តា​នាវ​ងើយ​អេងៗ​អី​នៃ​តាៈ​ឞើស​នូយ្ស​នហ៝ម់​ខាន់​អៃ​មៃ​នើម​ទើម លាស​នទ្រី​ឞូនុយ្ស​អី​គុ​អ្យាត់​តា​នៃ​មោ​អោស​គឹត​វ៝ត់​នាវ​អី​នៃ​មើម​ឞ្លាវ​លាស៖ “នាវ​អី​នៃ​ទី​ងាន់” មា​នាវ​ខាន់​អៃ​មៃ​ងើយ​លាស​អ្វែស​កោរាញ​ឞ្រាស អោឞាល់​មោ​វ៝ត់​អោស​នាវ​អី​ខាន់​អៃ​មៃ​លាស​នៃ!

I Kôrintô 14:16 ပူးပေါင်းရင်းမြစ်များ

I Phung Hađăch 1:36

Y-Bênaya, kon bu klâu Y-Jêhôida plơ̆ sĭt lah ma hađăch: “Amen! Dăn ma Yêhôva Brah Ndu hađăch jêng kôranh gâp ŭch lah tâm ban pônây đŏng.

I Nau Rêh Jêng 16:36

Tâm rnê ngăn ma Brah Yêhôva, Brah Ndu Israel, Ntơm bơh rnôk n'ho ro tât ma rnôk n'ho ro!” Lĕ rngôch phung ƀon lan plơ̆ lah ma du bâr: “Amen!” Jêh ri mât ton ma Brah Yêhôva.

Nêhêmi 5:13

Gâp ăt rtuh ntôr ao jâr gâp jêh ri lah: “Mbu mâu ƀư tĭng nau ton aơ, dăn ma Brah Ndu rtuh hom lĕ ngih jêh ri drăp ndơ păng. Pônây bu mra rtuh lơi păng jêh ri nsoih tâm ti păng tâm ban pônây!” Lĕ rngôch phung tâm rƀŭn lah: “Amen” jêh ri khân păng tâm rnê ma Brah Yêhôva. Pôri phung ƀon lan ƀư tĭng nâm nau ton nây da dê.

Nêhêmi 8:6

Y-Êsra tâm rnê ma Yêhôva Brah Ndu dŭt prêh, jêh ri lĕ rngôch phung ƀon lan yơr ti klơ gay plơ̆ lah pô aơ: “Amen, Amen,” jêh nây khân păng kŭnh bôk, păn muh măt ta neh gay yơk mbah ma Brah Yêhôva.

Nau Mprơ Ơm 106:48

Khư mprơ tâm rnê Yêhôva Brah phung Israel, Bơh rnôk n'ho ro saơm tât rnôk n'ho ro nglĕ dŭt! Ăn lĕ rngôch phung ƀon lan lah May lah da dê: “Amen!” Halêluya!

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Mprơ Ơm 89:52

Khư mât ton tâm rnê Brah Yêhôva n'ho ro! Amen! Amen!

Yêrêmi 11:5

Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Yêrêmi 28:6

Nơm mbơh lor Y-Yêrêmi, lah: “Amen! Dăn Brah Yêhôva ƀư nâm bu pônây! Dăn Brah Yêhôva ăn tât ngăn nau may hŏ mbơh lor jêh, jêh ri djôt lĕ ndơ dŏng tâm ngih Yêhôva ndrel ma lĕ rngôch phung bu nă plơ̆ sĭt ta ntŭk aơ tă bơh bri Babilôn!

Nau Kơp Bunuyh 5:22

Dăn dak tăng nau rak rtăp aơ lăp tâm proch klơm ay ƀư ma ndŭl ay pŭk môr jêh ri glet nglu.” Bu ur nây mra lah pô aơ: “Amen. Amen!”

Mathay 15:36

Păng sŏk pơh mlâm piăng let jêh ri ƀaƀă ka, lah ueh, jêh nây nkê̆ch jêh ri ăn phung oh mon gay khân păng tâm pă ăn ma phung ƀon lan.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Markôs 16:20

Phung oh mon luh hăn mbơh nkoch lam ntŭk; Kôranh Brah pah kan ndrel ma khân păng jêh ri ăn lĕ nau mbên khlay tĭng groi gay ƀư ăn nâp nau chroh.]

Yôhan 21:25

Brah Yêsu hŏ ƀư âk kan êng đŏng. Lah bu nchih lĕ rngôch nau Păng ƀư nây, lĕ neh ntu mâu dơi tŏng ôh ntŭk ma prăp lĕ ndrom samƀŭt bu nchih.

Yôhan 7:15

Phung Yuđa hih rhâl âk ngăn jêh ri lah pô aơ: “Bunuyh aơ ê hŏ nti, mâm ƀư dơi gĭt Nau Brah Ndu Ngơi?”

Kôranh Oh Mon 4:13

Lah khân păng saơ nau janh Y-Pêtrôs jêh ri Y-Yôhan, gĭt rah vah bar hê khân păng jêng phung ƀon lan dơm, mâu mâp nti ôh, khân păng hih rhâl da dê jêh ri gĭt năl jêh bar hê khân păng nây hŏ tă gŭ ndrel ma Brah Yêsu.

I Kôrintô 11:24

lah ueh, jêh nkê̆ch piăng let jêh ri lah pô aơ: “Aơ jêng săk jăn Gâp jao ăn ma khân may, ƀư hom nau aơ gay ma kah gĭt ma Gâp.”

I Kôrintô 14:14

Yorlah tơlah gâp mbơh sơm ma nau ngơi êng, huêng nuih n'hâm gâp gŭ mbơh sơm, ƀiălah nau mĭn gâp mâu dơn play kao ôh.

I Kôrintô 14:2

Yorlah bunuyh ngơi nau bu năch mâu ngơi đah kon bunuyh ôh, ƀiălah ngơi đah Brah Ndu; pôri mâu geh nơm gĭt rbăng ôh, yor ri păng ngơi lĕ nau khlay ndâp tâm Brah Huêng Ueh.

I Kôrintô 16:24

Nau gâp rŏng gŭ ndrel ma lĕ rngôch khân may tâm Yêsu Krist.

II Kôrintô 1:20

Yorlah tâm Păng, lĕ rngôch nau Brah Ndu ton jêng “Geh” da dê. Yor nây, tă bơh Păng đŏng, he lah: “Amen” da dê gay tâm rnê Brah Ndu.

Nau Tâm Mpơl 22:20

Nơm mbơh nkoch ma nau aơ lah: “Di ngăn, Gâp văch gơnh.” Amen. Ơ Kôranh Brah jêng Brah Yêsu, dăn văch hom!

Nau Tâm Mpơl 5:14

Puăn mlâm mpa rêh lah: “Amen!” Jêh ri phung kôranh bu ranh chon mon jêh ri yơk mbah.

Nau Tâm Mpơl 7:12

lah pô aơ: “Amen! Nau tâm rnê, nau chrêk rmah, nau blau mĭn, nau lah ueh, nau yơk, nau brah jêh ri nau dơi jêng ndơ Brah Ndu he n'ho ro. Amen!”