I Kôrintô 12:8 - Nau Brah Ndu Ngơi 2023

⁸ Ma bunuyh aơ geh Brah Huêng Ueh ăn ma nau ngơi blau mĭn, tă bơh nguay Brah Huêng Ueh, bunuyh êng dơn dơi nau ngơi gĭt rbăng.

Bunong Bible Latin Script Cambodian dialect

⁸ Du huê bunuyh Păng ăn mbơh ngơi ma nau mân gĭt blao ngăn, jêh ri du huê bunuyh êng jât blao mbơh ngơi ma nau gĭt vât tă bơh Brah Huêng Ueh, geh du huê Brah Huêng Ueh dơm i năk ăn dâng lĕ nau i nây.

Bunong

⁸ ទូ​ហ្វេ​ឞូនុយ្ស​ពាង់​អ៝ន់​មឞើស​ងើយ​មា​នាវ​មឹន​គឹត​ឞ្លាវ​ងាន់ ជេសរី​ទូ​ហ្វេ​ឞូនុយ្ស​អេង​ជឹត​ឞ្លាវ​មឞើស​ងើយ​មា​នាវ​គឹត​វ៝ត់​តាៈ​ឞើស​ឞ្រាស​ហ្វេង​អ្វែស គែស​ទូ​ហ្វេ​ឞ្រាស​ហ្វេង​អ្វែស​ទើម​អី​នាក់​អ៝ន់​ទឹង​លែៈ​នាវ​អី​នៃ។

I Kôrintô 12:8 ပူးပေါင်းရင်းမြစ်များ

Nêhêmi 9:20

Kôranh Brah hŏ ăn jêh Brah Huêng ueh bơh Kôranh Brah, gay ntĭm nti khân păng. Kôranh Brah mâu dun ăn mana ma trôm mbung khân păng jêh ri ăn dak nhêt nôk khân păng ji hir.

Ndrom Samƀŭt bơh Yôp 32:8

Ƀiălah huêng yơh gŭ tâm kon bunuyh, Jêng n'hâm nsôr tă bơh Nơm Geh Lĕ Nau Brah mơ ăn ma khân păng nau gĭt rbăng.

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Ngluh Êjipt 31:3

Gâp hŏ ăn jêh ma păng bêng ler jêh ma Huêng Brah Ndu nđâp ma nau blau ti, nau gĭt mĭn jêh ri nau gĭt rbăng tâm lĕ nau kan ƀư ma ti

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Kôranh Oh Mon 6:3

Pôri, dăn phung oh nâu săch hom tâm phung khân may pơh nuyh geh nau lư ueh, bêng ma Brah Huêng Ueh jêh ri ma nau blau mĭn, hên mra jao nau kan aơ ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 1:5

yorlah tâm Păng, khân may geh nau rmeh ler ma lĕ nau kan, lĕ nau ngơi jêh ri nau gĭt rbăng —

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Kôrintô 13:8

Nau rŏng mâu blau dŭt ôh. Lĕ nau mbơh lor mra lôch, nau dơi ăn ngơi nau bu năch mra nsrŭng, nau gĭt rbăng mra rlau lôch.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

I Kôrintô 14:6

Hơi phung oh nâu, tơlah gâp hăn ma khân may, ngơi lĕ nau bu năch, jêh ri tơlah nau gâp ngơi mâu geh tâm mpơl, mâu geh nau gĭt rbăng, mâu geh nau mbơh lor, mâu geh ntĭm nti, moh nau gâp jêng khlay ma khân may?

I Kôrintô 2:11

Mbu nơm dơi gĭt nau mĭn kon bunuyh, knŏng nuih n'hâm gŭ tâm păng yơh? Tâm ban lĕ, mâu geh nơm dơi gĭt nau mĭn Brah Ndu ôh, knŏng Brah Huêng Ueh Brah Ndu yơh.

I Kôrintô 2:16

“Yorlah mbu nơm gĭt năl jêh nau mĭn Kôranh Brah, Gay ma sâm ntĭm an Păng?” Ƀiălah hên geh nau mĭn Brah Krist.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 11:6

Nau gâp ngơi nđâp lah mâu blau ngơi ueh kđôi, ƀiălah nau gĭt rbăng mâu jê̆ ôh. Gâp hŏ mpơl rah vah jêh nau nây tâm lĕ rngôch nau geh jêh ri ta nklang lĕ rngôch bunuyh.

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

II Kôrintô 6:6

tâm nau kloh rsang, nau gĭt rbăng, nau srôih, nau ueh, tâm Brah Huêng Ueh, tâm nau rŏng răp jăp,

II Kôrintô 8:7

Yorlah, nâm bu khân may jêng ueh ngăn tâm lĕ rngôch nau: Nau chroh, nau ngơi, nau gĭt rbăng, nau duh nđơr jêh ri nau rŏng ma hên, pôri ăn khân may jêng ueh lơn tâm nau ăn ndơ tâm kơl.