I Kôrintô 12:27 - Nau Brah Ndu Ngơi 2023

²⁷ Khân may jêng nglay săk Brah Krist, jêh ri ăp nơm jêng du kô̆ săk jăn.

Bunong Bible Latin Script Cambodian dialect

²⁷ Khân ay may jêng săk jăn Brah Krist nơm, jêh ri du huê du huê jêng ndơ êng êng ta săk jăn i nây.

Bunong

²⁷ ខាន់​អៃ​មៃ​ជេង​ឆាក់​ជាន់​ឞ្រាស​ក្រីស  ​នើម ជេសរី​ទូ​ហ្វេ​ទូ​ហ្វេ​ជេង​នទើ​អេងៗ​តា​ឆាក់​ជាន់​អី​នៃ។

I Kôrintô 12:27 ပူးပေါင်းရင်းမြစ်များ

Samƀŭt Pôl Njuăl Ăn Ma Phung Nsing Ta Ƀon Rôm 12:5

tâm ban lĕ, he geh âk bunuyh, ƀiălah knŏng jêng du săk jăn tâm Brah Krist; ăp bunuyh tâm he jêng lĕ kô̆ săk jăn ndrăng phung he.

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

I Kôrintô 10:17

Yorlah geh knŏng du mlâm piăng let, jêh ri lĕ rngôch he tâm pă ndrel piăng let nây, pôri nđâp he jêng âk knŏng jêng du săk jăn dơm.

I Kôrintô 12:12

Yorlah geh knŏng du săk jăn ƀiălah geh âk lĕ kô̆ săk jăn; lĕ kô̆ săk jăn geh âk, ƀiălah geh knŏng du săk jăn; Brah Krist kơt nây đŏng.

I Kôrintô 12:26

Lah du kô̆ săk jăn mâp nau ji, pôri lĕ rngôch ji tâm ban da dê; tơlah bu rnê du kô̆ săk jăn, lĕ rngôch geh nau răm maak tâm ban lĕ.

I Kôrintô 6:15

Khân may mâu gĭt hĕ săk jăn khân may jêng kô̆ tâm săk jăn Brah Krist? Lah ndri, gâp dơi lĕ sŏk săk jăn Brah Krist ƀư jêng săk jăn du huê bu ur văng tĭr ƀơh? Mâu geh ôh!

Êphêsô 1:23

Phung Ngih Brah Ndu jêng săk jăn Păng, jêng nau bêng ler tă bơh Nơm ƀư rĭng lĕ ntil ndơ tâm lĕ rngôch.

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Êphêsô 5:23

Yorlah sai jêng bôk ma ur păng, tâm ban ma Brah Krist jêng bôk ma Phung Ngih Brah Ndu, Phung ngih Brah Ndu jêng săk jăn Păng jêh ri Păng yơh jêng Nơm Tâm Rklaih ma Phung Ngih Brah Ndu.

Êphêsô 5:30

yorlah he jêng lĕ kô̆ săk jăn tâm nglay săk Păng.

Kôlôh 1:18

Păng jêng bôk ma săk jăn, nâm bu ntĭt Phung Ngih Brah Ndu. Păng jêng nau ntơm, jêng Nơm deh lor lơn bơh phung khĭt, gay tâm lĕ rngôch ndơ Păng jêng kôranh toyh da dê.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

Kôlôh 2:19

Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.