I Kôrintô 12:18 - Nau Brah Ndu Ngơi 2023

¹⁸ Ƀiălah aƀaơ, Brah Ndu hŏ dăp lor lĕ kô̆ tâm săk jăn, ăp kô̆ săk jăn tĭng nâm nau Păng ŭch.

Bunong Bible Latin Script Cambodian dialect

¹⁸ Yơn ma Kôranh Brah lĕ ăn jêh ndơ êng êng gŭ ta ntŭk êng êng ta săk jăn tâng Păng nơm ŭch.

Bunong

¹⁸ យើន​មា​កោរាញ​ឞ្រាស​លែៈ​អ៝ន់​ជេស​នទើ​អេងៗ​គុ​តា​នតុក​អេងៗ​តា​ឆាក់​ជាន់​តឹង​ពាង់​នើម​អុច។

I Kôrintô 12:18 ပူးပေါင်းရင်းမြစ်များ

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 135:6

Brah Yêhôva ƀư lĕ ndơ ueh ma nau Păng ŭch, Nđâp lah tâm trôk mâu lah tâm neh ntu, Tâm dak rlai mâu lah tâm lĕ rngôch brŏng jru.

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Yônais 1:14

Khân păng mbơh sơm ma Brah Yêhôva pô aơ: “Ơ Brah Yêhôva, hên vơh vơl ma May, dăn lơi ăn hên khĭt yor nau rêh bunuyh aơ jêh ri lơi ta ăn mham mâu geh tih nkhŭt ntŭp ta klơ hên! Ơ Brah Yêhôva yorlah May jêng Nơm hŏ ƀư jêh nau May ŭch.”

Luka 10:21

Tâm mông nây, Brah Yêsu răm maak tâm Brah Huêng Ueh jêh ri lah: “Ơ Mbơ̆ jêng Kôranh Brah trôk jêh ri neh ntu! Gâp tâm rnê ma Mbơ̆ yorlah Mbơ̆ pôn jêh lĕ nau nây ma bunuyh blau mĭn jêh ri gĭt rbăng, ƀiălah tâm mpơl jêh ma phung kon se jê̆! N'hêl nanê̆ ngăn, ơ Mbơ̆, yorlah nau nây ƀư ueh nau mĭn Mbơ̆ ŭch.

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 12:6

He geh lĕ nau dơi ăn êng êng, tĭng nâm nau yô̆ Kôranh Brah ăn jêh ma he: Bunuyh geh nau dơi ăn ngơi nau mbơh lor, ngơi hom tĭng ma nau chroh;

I Kôrintô 12:11

Lĕ rngôch nau nây jêng nau kan tă bơh nguay Brah Huêng Ueh; Păng ăn nau dơi ăn ma ăp nơm bunuyh tĭng nâm nau Păng ŭch.

I Kôrintô 12:17

Lah lĕ săk jăn jêng măt da dê, mâm dơi tăng? Lah lĕ săk jăn jêng tôr da dê, mâm ƀư dơi n'hơp?

I Kôrintô 12:19

Lah lĕ rngôch geh knŏng du kô̆ săk jăn dơm, ntŭk nâm nglay săk gŭ?

I Kôrintô 12:24

bi kô̆ săk jăn ueh jêh, mâu hôm ŭch ueh lơn ôh. Ƀiălah Brah Ndu nkra jêh săk jăn kơt nây, gay ma moh kô̆ săk jăn mâu lăng khlay lŏ geh nau yơk âk lơn,

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Kôrintô 15:38

Brah Ndu ăn ma găr ntil ăn geh săk tĭng nâm Păng ŭch, ăp ntil găr geh săk êng êng.

I Kôrintô 3:5

Lah ndrĭ, mbu nơm jêng Y-Apôlôs? Mbu nơm jêng Y-Pôl? Khân păng knŏng jêng phung oh mon, yor ma khân păng yơh khân may chroh jêh, tĭng nâm Kôranh Brah dăp jêh ma ăp nơm.

Êphêsô 1:5

Tâm nau rŏng, Păng tâm nal jêh ma he jêng kon mât rong Păng tă bơh Brah Yêsu Krist, tĭng nau ŭch ueh tâm nau mĭn Păng,

Êphêsô 1:9

Păng ƀư ăn he gĭt nau khlay ndâp tâm nau Păng ŭch, tĭng nâm nau ŭch ueh Păng hŏ nal jêh tâm Brah Krist,

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”