I Kôrintô 12:12 - Nau Brah Ndu Ngơi 2023

¹² Yorlah geh knŏng du săk jăn ƀiălah geh âk lĕ kô̆ săk jăn; lĕ kô̆ săk jăn geh âk, ƀiălah geh knŏng du săk jăn; Brah Krist kơt nây đŏng.

Bunong Bible Latin Script Cambodian dialect

¹² Brah Krist ntât tâm ban ma du săk jăn dơm, bân i nsing ma Păng jêng ndơ êng êng ta săk jăn i nây. Bol lah geh ŏk ndơ êng êng ta săk jăn bunuyh, yơn ma dâng lĕ ndơ i nây tâm rnglăp jêng du săk jăn dơm.

Bunong

¹² ឞ្រាស​ក្រីស  ​នតឹត​តឹម​ឞាន​មា​ទូ​ឆាក់​ជាន់​ទើម ឞ៝ន់​អី​ញឆីង​មា​ពាង់​ជេង​នទើ​អេងៗ​តា​ឆាក់​ជាន់​អី​នៃ។ ឞ៝ល​លាស​គែស​អ៝ក់​នទើ​អេងៗ​តា​ឆាក់​ជាន់​ឞូនុយ្ស យើន​មា​ទឹង​លែៈ​នទើ​អី​នៃ​តឹម​រាង្លាប់​ជេង​ទូ​ឆាក់​ជាន់​ទើម។

I Kôrintô 12:12 ပူးပေါင်းရင်းမြစ်များ

I Kôrintô 10:17

Yorlah geh knŏng du mlâm piăng let, jêh ri lĕ rngôch he tâm pă ndrel piăng let nây, pôri nđâp he jêng âk knŏng jêng du săk jăn dơm.

I Kôrintô 12:20

Kơt nây, kô̆ săk jăn geh âk kô̆, ƀiălah nglay săk knŏng geh nguay dơm.

I Kôrintô 12:27

Khân may jêng nglay săk Brah Krist, jêh ri ăp nơm jêng du kô̆ săk jăn.

I Kôrintô 12:7

Nau Brah Huêng Ueh tâm mpơl ma ăp nơm jêng yor nau khlay ma lĕ rngôch.

Galati 3:16

Ma lĕ nau ton hŏ ntăm jêh ma Y-Abraham jêh ri ma noi deh păng, Nau Brah Ndu Ngơi mâu lah ôh: “Jêh ri ma lĕ noi deh” tâm ban prăp ma âk bunuyh, ƀiălah lah: “Jêh ri ma noi deh may,” tâm ban knŏng ma du huê bunuyh, nâm bu ntĭt Brah Krist.

Êphêsô 1:23

Phung Ngih Brah Ndu jêng săk jăn Păng, jêng nau bêng ler tă bơh Nơm ƀư rĭng lĕ ntil ndơ tâm lĕ rngôch.

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Êphêsô 4:4

Geh knŏng du săk jăn, du Brah Huêng Ueh, tâm ban đŏng hŏ kuăl khân may văch ma du nau kâp gân;

Êphêsô 5:23

Yorlah sai jêng bôk ma ur păng, tâm ban ma Brah Krist jêng bôk ma Phung Ngih Brah Ndu, Phung ngih Brah Ndu jêng săk jăn Păng jêh ri Păng yơh jêng Nơm Tâm Rklaih ma Phung Ngih Brah Ndu.

Êphêsô 5:30

yorlah he jêng lĕ kô̆ săk jăn tâm nglay săk Păng.

Kôlôh 1:18

Păng jêng bôk ma săk jăn, nâm bu ntĭt Phung Ngih Brah Ndu. Păng jêng nau ntơm, jêng Nơm deh lor lơn bơh phung khĭt, gay tâm lĕ rngôch ndơ Păng jêng kôranh toyh da dê.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

Kôlôh 2:19

Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.

Kôlôh 3:15

Ăn hom nau đăp mpăn bơh Brah Krist chiă uănh tâm nuih n'hâm khân may, jêng nau đăp mpăn khân may hŏ dơi kuăl tât tâm du săk jăn, jêh ri mpơl hom nuih n'hâm gĭt lah ueh.