I Kôrintô 11:19 - Nau Brah Ndu Ngơi 2023

¹⁹ Nau pă mpôl êng êng tâm phung khân may, n'hêl nanê̆ mâu hôm đing đŏng, ƀiălah geh tâm ban lĕ gay ma gĭt năl mbu nơm jêng bunuyh nanê̆ ngăn.

Bunong Bible Latin Script Cambodian dialect

¹⁹ Iăt ma geh nau tâm pă phung ta khân ay may, ri mơ say n'hêl bu moh Kôranh Brah de rnê ta khân ay may.

Bunong

¹⁹ អ្យាត់​មា​គែស​នាវ​តឹម​ពាៈ​ផូង​តា​ខាន់​អៃ​មៃ រី​មើ​ឆៃ​នហេល​ឞូ​ម៝ស​កោរាញ​ឞ្រាស​ទែ​រានេ​តា​ខាន់​អៃ​មៃ។

I Kôrintô 11:19 ပူးပေါင်းရင်းမြစ်များ

Mathay 18:7

“Rêh ni ngăn ma neh ntu yor lĕ nau ƀư ma bu chêh prah! Yorlah lĕ nau ƀư bu chêh prah jêng geh ngăn, ƀiălah rêh ni ngăn ma mbu jêng nơm ƀư nau chêh prah!

Luka 17:1

Brah Yêsu lah ma phung oh mon: “Geh âk ntil ƀư chêh prah, ƀiălah rêh ni yơh ma nơm ƀư nau chêh prah nây!

Luka 2:35

Bi ay, du mlâm đao mra ntâp bluh nuih n'hâm ay, gay nau mĭn jru ndâp âk bunuyh tâm mpơl.”

Kôranh Oh Mon 15:5

Ƀiălah geh ƀaƀă tâm phung chroh tâm mpôl Pharisi dâk jêh ri lah: “Ăn koh ntâu ma phung bu năch, jêh ri ntăm ma khân păng djôt prăp nau vay Y-Môis.”

Kôranh Oh Mon 20:30

Tă bơh nklang phung oh nâu khân may mra dâk đŏng bunuyh nti lah âk nau tih mhĭk, gay ma ndơm phung oh mon tĭng ndô̆ khân păng.

Kôranh Oh Mon 24:14

Gâp dơn nanê̆ tanăp may pô aơ, gâp tĭng nau chroh khân păng lah jêng du mpôl êng. Gâp yơk mbah ma Brah Ndu phung che hên, chroh lĕ nau nchih jêh tâm ndrom samƀŭt nau vay jêh ri lĕ ndrom samƀŭt mbơh lor.

Kôranh Oh Mon 24:5

N'hêl nanê̆ ngăn, hên mâp bunuyh aơ tâm ban ma nau ji tưp, ƀư uh ah ma lĕ rngôch phung Yuđa lam neh ntu jêh ri jêng kôranh ma mpôl Nasaret.

Kôranh Oh Mon 26:5

Tơlah khân păng rơm ndrăp mbơh nkoch ma nau aơ, khân păng hŏ gĭt bơh jŏ jêh gâp hŏ gŭ rêh tĭng mpôl Pharisi, jêng mpôl dăng ngăn tâm nau phung hên chroh.

Kôranh Oh Mon 28:22

Ƀiălah, hên ŭch gĭt mâm nau may mĭn, yorlah hên gĭt bu tâm rdâng đah mpôl nây lam ăp ntŭk.”

Kôranh Oh Mon 5:17

Nôk nây kôranh ƀư brah toyh lơn jêh ri phung bunuyh tĭng păng, nâm bu ntĭt phung Sađusê, bêng ma nuih n'hâm mâu nach, dâk

I Kôrintô 11:20

Tơlah khân may tâm rƀŭn mâu di khân may râng Nhêt Sa Tâm Êp Kôranh Brah ôh.

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

Nau Vay Nkah Tay 13:3

Pôri lơi ta iăt ôh nau nơm mbơh lor nây mâu lah nơm vay mbơi nây ngơi, yorlah Yêhôva Brah Ndu rlong uănh khân may, gay uănh khân may rŏng ma Yêhôva Brah Ndu khân may ma lĕ nuih n'hâm jêh ri ma lĕ huêng khân may mâu lah mâu.

Titus 3:10

Lôch jêh nduyh ma nơm ƀư nau tâm nkhah mpôl du tơ̆ mâu lah bar tơ̆ pôri der ngai hom đah khân păng;

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.