I Kôrintô 10:31 - Nau Brah Ndu Ngơi 2023

³¹ Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

Bunong Bible Latin Script Cambodian dialect

³¹ Lah ndri moh ndơ khân ay may sông sa, mâu lah nhêt, mâu lah moh ndơ jan kađôi, dâng lĕ ndơ khân ay may jan gay ma ăn yơk Kôranh Brah nơm hŏ.

Bunong

³¹ លាស​នទ្រី​ម៝ស​នទើ​ខាន់​អៃ​មៃ​ឆោង​ឆា មោ​លាស​ញេត មោ​លាស​ម៝ស​នទើ​ជាន​កាដោយ ទឹង​លែៈ​នទើ​ខាន់​អៃ​មៃ​ជាន​គៃ​មា​អ៝ន់​យើក​កោរាញ​ឞ្រាស​នើម​ហ៝ៈ។

I Kôrintô 10:31 ပူးပေါင်းရင်းမြစ်များ

Sakari 14:21

Lĕ rngôch glah tâm ƀon Yêrusalem jêh ri tâm n'gor Yuđa mra jêng ndơ kloh ueh prăp ăn ma Brah Yêhôva ma phung tahan. Gay ma mbu nơm nhhơr ndơ ƀư brah dơi văch, sŏk glah gâm. Tâm nar nây, mâu hôm geh bunuyh Kanaan ôh tâm ngih Brah Yêhôva ma phung tahan.

Luka 11:41

Ƀiălah mpơl hom nuih n'hâm tâm kơl moh ndơ may geh, pôri lĕ rngôch ndơ mra jêng kloh rsang ma khân may.

I Kôrintô 7:34

jêh ri khân păng geh nau pă tâm nau mĭn. Bu ur mâu sŏk sai, mâu lah bu ur druh rvê ma nau kan Kôranh Brah, joi ăn săk jăn jêh ri nuih n'hâm geh nau kloh ueh; ƀiălah bu ur geh sai, păng rvê ma ndơ neh ntu, joi nau ƀư maak nuih n'hâm ma sai păng.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

Kôlôh 3:23

Moh ntil khân may ƀư, ƀư hom ma lĕ nuih n'hâm, nâm bu ƀư ma Kôranh Brah lĕ, mâu di ƀư ma bunuyh ôh,

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.