I Kôrintô 10:23 - Nau Brah Ndu Ngơi 2023

²³ “Lĕ ntil ndơ dơi ƀư,” ƀiălah mâu di lĕ ntil ndơ geh khlay da dê. “Lĕ ntil ndơ ƀư” ƀiălah mâu di lĕ ntil ndơ ndâk njêng da dê.

Bunong Bible Latin Script Cambodian dialect

²³ Geh bunuyh aƀă lah: “Gâp geh nau dơi ma jan dâng lĕ ndơ” yơn ma mâu ôh di dâng lĕ ndơ geh khlay dadê. “Gâp geh nau dơi ma jan dâng lĕ ndơ” yơn ma mâu ôh di dâng lĕ ndơ kơl nau nsing bân lơ ma nâp.

Bunong

²³ គែស​ឞូនុយ្ស​អាបាៈ​លាស៖ “គ៝ប់​គែស​នាវ​ទើយ​មា​ជាន​ទឹង​លែៈ​នទើ” យើន​មា​មោ​អោស​ទី​ទឹង​លែៈ​នទើ​គែស​ខ្លៃ​ទាទេ។ “គ៝ប់​គែស​នាវ​ទើយ​មា​ជាន​ទឹង​លែៈ​នទើ” យើន​មា​មោ​អោស​ទី​ទឹង​លែៈ​នទើ​កើល​នាវ​ញឆីង​ឞ៝ន់​លើ​មា​ន៝ប់។

I Kôrintô 10:23 ပူးပေါင်းရင်းမြစ်များ

Samƀŭt Pôl Njuăl Ăn Ma Phung Nsing Ta Ƀon Rôm 14:15

Tơlah yorlah ndơ may sông sa ƀư rngot rvê ma phung oh nâu may, may mâu gŭ ngao di tĭng nâm nau rŏng ôh. Lơi yor ndơ may sông sa ƀư roh du huê ôh Brah Krist khĭt jêh yor păng.

I Kôrintô 14:12

Khân may tâm ban lĕ, yorlah ŭch tâm nau rêh huêng, khân may joi hom gay ma geh âk rmeh lĕ nau dơi ăn, gay ma ndâk njêng Phung Ngih Brah Ndu.

I Kôrintô 14:17

Nđâp tơlah nau may lah ueh hâu ngăn, ƀiălah mâu ndâk njêng ma bunuyh êng.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

I Kôrintô 6:12

Gâp dơi vay ƀư lĕ ntil ndơ, ƀiălah mâu di lĕ ntil ndơ geh khlay ôh. Gâp dơi vay ƀư lĕ ntil ndơ, ƀiălah mâu ƀư dĭk ma du ntil ndơ ôh.

I Kôrintô 8:1

Tât ma nau ndơ ƀư brah ma rup brah, he gĭt pô aơ “lĕ rngôch he geh nau gĭt rbăng.” Ƀiălah nau gĭt rbăng luh nau sưr, ƀiălah nau rŏng ri mơ ndâk njêng.

I Kôrintô 8:9

Ƀiălah njrăng hom, klach lah nau dơi kon me khân may ƀư ma phung rdja chêh prah.

II Kôrintô 12:19

Bơh ntơm saơm, khân may mĭn ma hên koh dŏng ma hên nơm tanăp khân may. Hơi phung gâp rŏng ngăn ngên, nây jêng tanăp Brah Ndu jêh ri tâm Brah Krist hên ngơi, lĕ rngôch knŏng gay ndâk njêng khân may.

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

I Têsalônik 5:11

Pôri, ăn tâm n'hao nuih n'hâm ndrăng nơm, nâm bu khân may vay ƀư.

I Timôthê 1:4

lơi ta rvê đŏng ma lĕ nau nkoch bri ơm jêh ri ma phung noi deh mâu blau lôch, jêng lĕ nau tâm djrel âk lơn jêng ăn hao kan Brah Ndu tâm nau chroh.