I Kôrintô 10:22 - Nau Brah Ndu Ngơi 2023

²² Mâu lah he ŭch ƀư ma Kôranh Brah ntôn lĕ? He ktang lơn ma Păng lĕ?

Bunong Bible Latin Script Cambodian dialect

²² Mâu lah bân ŭch ăn Kôranh Brah ji nuih ma bân? Mâu lah ơm bân dăng rlau Kôranh Brah?

Bunong

²² មោ​លាស​ឞ៝ន់​អុច​អ៝ន់​កោរាញ​ឞ្រាស​ជី​នូយ្ស​មា​ឞ៝ន់? មោ​លាស​អើម​ឞ៝ន់​ទាង់​រាលាវ​កោរាញ​ឞ្រាស?

I Kôrintô 10:22 ပူးပေါင်းရင်းမြစ်များ

I Phung Hađăch 14:22

Phung Yuđa ƀư nau mhĭk tanăp măt Brah Yêhôva. Yor tă nau tih khân păng hŏ ƀư tih, khân păng nsônh Brah Yêhôva ji nuih, rmeh lơn ma phung chô yau khân păng hŏ ƀư jêh.

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 78:58

Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 34:14

Lơi yơk mbah ôh ma brah êng, yorlah Brah Yêhôva, amoh Păng jêng Nơm blau ntôn; nanê̆ Păng jêng Brah Ndu blau ntôn.

Nơm Nti 6:10

Moh ndơ geh aƀaơ hŏ dơi ntơ amoh bơh jŏ jêh, kon bunuyh mâm mra jêng hŏ dơi ăn gĭt bơh saơm; pôri kon bunuyh mâu dơi tâm rlăch ôh đah Nơm ktang lơn ma păng.

Êsai 45:9

Rêh ni ngăn ma nơm tâm rlăch đah Nơm rhăk njêng păng! Păng knŏng jêng du rplay yăng tâm lĕ tâm yăng ma neh! Di lĕ neh uk ôp nơm blau mon glah, jêng nơm mon păng pô aơ: “Moh rup may ƀư?” Mâu lah: “Ndơ bơh ti may ƀư mâu geh ueh ôh?”

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 7:19

Brah Yêhôva lah: “Di lĕ khân păng nsônh nau ji nuih Gâp? Mâu di hĕ khân păng ƀư rmanh êng, sŏk dơn nau bêk prêng ăn ma khân păng nơm nây hĕ?”

Êsêkiêl 22:14

Tât nar Gâp mra phat dôih, dơi lĕ nuih n'hâm may dơi dơn đŏng jêh ri ti may ăt hôm jêng ktang lĕ? Gâp, Brah Yêhôva, hŏ ngơi jêh pôri Gâp mra ƀư ngăn nau nây.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Nau Vay Nkah Tay 32:16

Khân păng yơk mbah phung brah bu năch ƀư ăn Păng ji nuih đah phung brah nây Ƀư nau kan ƀơ̆ ƀơch gay nsônh nau ji nuih Păng.

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.

Nau Vay Nkah Tay 4:24

Yorlah Yêhôva Brah Ndu khân may jêng du rlô ŭnh su jêh ri jêng Brah Ndu blau ntôn.

Nau Vay Nkah Tay 6:15

yorlah Yêhôva Brah Ndu may, Nơm gŭ ta nklang may, jêng Brah Ndu blau ntôn. Njrăng hom klach lah Yêhôva Brah Ndu may mra ji nuih ma may jêh ri ƀư rai lơi may bơh klơ neh.

ហេឞ្រើ 10:31

Tŭp tâm ti Brah Ndu rêh jêng nau klach krit ngăn.

Yôsuê 24:19

Y-Yôsuê lah ma phung ƀon lan: “Khân may mâu dơi tŏng nau dăng pah kan ma Brah Yêhôva, yor lan Păng jêng Brah Ndu kloh ueh, Brah Ndu gĭt ntôn, Păng mâu yô̆ an ôh ma nau kue jêh ri nau tih khân may.