I Kôrintô 10:19 - Nau Brah Ndu Ngơi 2023

¹⁹ Moh nau mĭn gâp lah pônây? Moh khlay ndơ ƀư brah ma rup brah, mâu lah rup brah nây geh nau khlay lĕ?

Bunong Bible Latin Script Cambodian dialect

¹⁹ Nau i gâp ngơi nây moh nau khlay? Gâp mâu ôh lah puăch i bu ôp brah ma rup brah geh nau khlay, jêh ri brah nklă i bu ôp nây mâu đŏng geh nau khlay.

Bunong

¹⁹ នាវ​អី​គ៝ប់​ងើយ​នៃ​ម៝ស​នាវ​ខ្លៃ? គ៝ប់​មោ​អោស​លាស​ព្វាច់​អី​ឞូ​អោប​ឞ្រាស​មា​រូប​ឞ្រាស​គែស​នាវ​ខ្លៃ ជេសរី​ឞ្រាស​ងក្លាៈ​អី​ឞូ​អោប​នៃ​មោ​ដ៝ង់​គែស​នាវ​ខ្លៃ។

I Kôrintô 10:19 ပူးပေါင်းရင်းမြစ်များ

Êsai 40:17

Tanăp măt Păng, lĕ rngôch bri dak jêng tâm ban ma dơm dam, Păng uănh khân păng jêng hŏng dơm jêh ri dơm dam.

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Kôranh Oh Mon 19:26

Tâm ban khân may saơ jêh ri tăng, mâu knŏng ta ƀon Êphêsô ôh, ƀiălah bơi ma lĕ n'gor Asi, Y-Pôl aơ nsŭk bu jêh ri ƀư âk bunuyh vĭ. Păng lah ma lĕ rup brah ti bunuyh ƀư mâu di brah ngăn ôh.

I Kôrintô 1:28

Brah Ndu săch jêh lĕ nau dêh rhêt, nau bu gơm mưch tâm neh ntu, nđâp ma lĕ nau mâu geh, gay ƀư ma lĕ nau hŏ geh jêng dơm dam,

I Kôrintô 10:14

Yor ri yơh, hơi phung gâp rŏng ơi, du ngai hom đah nau mbah rup brah.

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Kôrintô 3:7

Pôri, bunuyh tăm jêh ri nơm djrah dak mâu ôh jêng khlay, ƀiălah knŏng geh Brah Ndu jêng Nơm ƀư văch ma toyh.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

II Kôrintô 12:11

Gâp jêng bunuyh brŭt moih! Khân may nchâp gâp kơt nĕ. Di lah ăn khân may tâm rnê ma gâp; yorlah gâp jêng dơm dam, gâp mâu đŏng jê̆ lơn ma phung kôranh oh mon dŭt toyh ri.

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.