I Kôrintô 10:10 - Nau Brah Ndu Ngơi 2023

¹⁰ Jêh ri lơi ngơi ƀŭk dŭk suyh ôh nâm bu phung ƀaƀă tâm khân păng, jêh ri khân păng khĭt đah ti tông mpăr ƀư rai.

Bunong Bible Latin Script Cambodian dialect

¹⁰ Khân ay may lơi ôh ŏk bâr njâr sêk, kơt phung khân păng aƀă i nây, jêh ri Kôranh Brah đă du huê tông păr nkhât lơi khân păng.

Bunong

¹⁰ ខាន់​អៃ​មៃ​លើយ​អោស​អ៝ក់​ឞ៝រ់​ញជ៝រ់​ឆេក កើត​ផូង​ខាន់​ពាង់​អាបាៈ​អី​នៃ ជេសរី​កោរាញ​ឞ្រាស​ដាៈ​ទូ​ហ្វេ​តោង​ពារ់​ងខឹត​លើយ​ខាន់​ពាង់។

I Kôrintô 10:10 ပူးပေါင်းရင်းမြစ်များ

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

I Nau Rêh Jêng 21:15

Brah Ndu prơh du huê tông mpăr hăn gay ƀư rai Yêrusalem. Ƀiălah tơlah saơ tông mpăr dôl ƀư rai Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri Păng ntăm ma tông mpăr nơm ƀư rai: “Găp jêh! Nkân hom ti may.” Rnôk nây taơ, tông mpăr Brah Yêhôva dâk dăch ntŭk mprah ba Y-Ôrnan, bunuyh Jêbusit.

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Nau Mprơ Ơm 106:25

Khân păng ngơi ƀŭk dŭk suyh tâm pôih tahan, Mâu tông bâr Brah Ndu Yêhôva.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Nau Ngluh Êjipt 15:24

Phung ƀon lan ngơi njang bâr ma Y-Môis: “Moh ndơ he mra sŏk gay ma nhêt?”

Nau Kơp Bunuyh 14:2

Lĕ rngôch phung ƀon lan Israel njang mbung đah Y-Môis jêh ri Y-Arôn; lĕ rngôch phung tâm rƀŭn lah ma bar hê: “Ueh lơn hên khĭt tâm n'gor bri Êjipt mâu lah khĭt tâm bri rdah aơ!

Nau Kơp Bunuyh 14:37

khân păng geh nau rmal ma du nau tât jêh ri hŏ khĭt tanăp Yêhôva.

Nau Kơp Bunuyh 16:11

Yor ri, may jêh ri lĕ rngôch phung hăn tĭng ma may rgum gay ŭch tâm rdâng đah Brah Yêhôva! Mbu Y-Arôn jêng kŏ tât khân may ngơi ƀrôk tâm rdâng đah păng?”

Nau Kơp Bunuyh 16:41

Ôi taơ, lĕ rngôch phung ƀon lan Israel tâm rƀŭn ngơi ƀrôk tâm rdâng đah Y-Môis jêh ri Y-Arôn. Khân păng lah: “Khân may hŏ nkhĭt jêh ri phung ƀon lan Brah Yêhôva!”

Nau Kơp Bunuyh 17:10

Brah Yêhôva lah ma Y-Môis: “Sŏk tay hom mâng jra Y-Arôn dơm tay panăp Hip Nau Tâm Rnglăp gay prăp jêng du nau tâm mbên mbơh ma nau tâm rdâng. Ăn may ƀư mlo lĕ nau ngơi ƀrôk khân păng tâm rdâng đah Gâp, klach lah khân păng khĭt.”

Nau Kơp Bunuyh 17:5

Tơlah mâng jra bunuyh Gâp săch, mâng păng mra luh kao. Kơt nĕ, Gâp mra ƀư mlo lĕ nau ngơi ƀrôk phung ƀon lan Israel tâm rdâng đah may.”

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

Philip 2:14

Ƀư hom lĕ kan, lơi ngơi ƀŭk dŭk suyh mâu lah vât vâng ôh,

ហេឞ្រើ 11:28

Yor ma nau chroh, păng djôt nkra rƀŭn Nau Găn jêh ri mhĭng mham, gay ma tông mpăr ƀư rai mâu pah tât ta kon bôk rah phung Israel.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

Nau Tâm Mpơl 16:1

Nôk nây, gâp tăng bâr ngơi ktang luh bơh ngih brah đă pơh nuyh tông mpăr pô aơ: “Hăn hom, nkhŭt pơh ngan nau Brah Ndu ji nuih tâm neh ntu.”