I Kôrintô 1:20 - Nau Brah Ndu Ngơi 2023

²⁰ Bunuyh blau mĭn mbah ntŭk? Phung kôranh nchih samƀŭt mbah ntŭk? Nơm blau tâm rlăch nchră tâm rnôk aơ mbah ntŭk? Mâu di hĕ Brah Ndu hŏ ƀư jêh nau blau mĭn tâm neh ntu jêng nau brŭt moih?

Bunong Bible Latin Script Cambodian dialect

²⁰ Lah ndri bunuyh i geh nau mân gĭt blao, bunuyh i nơm nti, ndrel ma bunuyh i blao mêt uănh nau jru jru ta rnôk dja, ơm hôm blao jan đŏng, lah Kôranh Brah lĕ lơh lơi i nau gĭt blao ta neh ntu dja ăn jêng rluk mâl chrao!

Bunong

²⁰ លាស​នទ្រី​ឞូនុយ្ស​អី​គែស​នាវ​មឹន​គឹត​ឞ្លាវ ឞូនុយ្ស​អី​នើម​នតី នទ្រែល​មា​ឞូនុយ្ស​អី​ឞ្លាវ​មេត​អ្វាញ់​នាវ​ជ្រូៗ​តា​រានោក​អ្យា អើម​ហោម​ឞ្លាវ​ជាន​ដ៝ង់ លាស​កោរាញ​ឞ្រាស​លែៈ​លើស​លើយ​អី​នាវ​គឹត​ឞ្លាវ​តា​នែស​នតូ​អ្យា​អ៝ន់​ជេង​រាលូក​ម៝ល់​ច្រាវ!

I Kôrintô 1:20 ပူးပေါင်းရင်းမြစ်များ

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 16:23

Tâm rnôk nây, bu saơ nau Y-Ahitôpel nchră jêng nâm bu nau ngơi tă luh bơh Brah Ndu nơm. Lĕ rngôch nau nchră Y-Ahitôpel geh nau khlay tâm ban ma Y-Đavit nđâp Y-Apsalôm.

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

Ndrom Samƀŭt bơh Yôp 12:17

Păng ƀư ăn phung nchră hăn jâng dơm, Lĕ kôranh phat dôih jêng nkhơng rluk mâl,

Ndrom Samƀŭt bơh Yôp 12:20

Păng ƀư ma phung geh nau bu rnơm nsing jêng mlo, Phung kôranh bu ranh roh nau mĭn lah nchroh.

Ndrom Samƀŭt bơh Yôp 12:24

Păng ƀư ma phung kôranh chiă uănh phung ƀon lan ta neh ntu jêng rluk mâl, Hăn nsong mblêng tâm bri rdah mâu geh trong luh.

Êsai 33:18

Nuih n'hâm may mra gŭ mĭn ma nau klach krit ngăn, jêh ri ôp êng: “Mbah ntŭk kôranh chiă uănh? Mbah ntŭk nơm riu pi? Mbah ntŭk nơm kơp lĕ ngih tŭm gak?”

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Yôhan 12:31

Aƀaơ aơ jêng nôk phat dôih neh ntu, jêh ri bu mra nsot lơi kôranh chiă uănh neh ntu aơ.

Kôranh Oh Mon 17:18

Geh ƀaƀă phung kan tâm nau mĭn tâm bar phung nti Nau Maak jêh ri Nau Dăng tâm nchră đah păng đŏng. Nơm ôp: “Moh nau bunuyh ƀôch ƀôr aơ ŭch lah?” Nơm êng lah: “Tâm ban ma păng mbơh nkoch ma lĕ brah bu năch” — yorlah Y-Pôl mbơh nkoch Nau Mhe Mhan Ueh ma Brah Yêsu jêh ri nau dâk rêh tay.

Samƀŭt Pôl Njuăl Ăn Ma Phung Nsing Ta Ƀon Rôm 1:20

Lĕ nau Brah Ndu măt kon bunuyh mâu dơi saơ, nâm bu ntĭt nau brah n'ho ro jêh ri nau brah Păng nơm, ntơm bơh rhăk njêng neh ntu, bu hŏ dơn gĭt jêh rah vah tơlah ntreng uănh lĕ ndơ Păng njêng; yor nây khân păng mâu dơi koh dŏng khân păng nơm ôh.

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

I Kôrintô 1:19

Yorlah geh nau nchih: “Gâp mra ƀư rai nau blau mĭn phung blau mĭn, Ngroh lơi nau gĭt rbăng phung gĭt rbăng.”

I Kôrintô 1:26

Hơi oh nâu, mĭn rvê hom dôl khân may geh nau kuăl, tâm phung khân may mâu geh âk phung blau mĭn tĭng nau di tâm rnôk aơ, mâu geh âk phung geh nau dơi toyh, mâu đŏng geh âk phung ndrŏng.

I Kôrintô 1:27

Ƀiălah Brah Ndu hŏ săch lĕ nau rluk mâl tâm neh ntu gay ƀư bêk prêng phung blau mĭn; Brah Ndu săch jêh lĕ nau rdja tâm neh ntu gay ƀư bêk prêng phung ktang.

I Kôrintô 1:28

Brah Ndu săch jêh lĕ nau dêh rhêt, nau bu gơm mưch tâm neh ntu, nđâp ma lĕ nau mâu geh, gay ƀư ma lĕ nau hŏ geh jêng dơm dam,

I Kôrintô 11:32

Ƀiălah tơlah Kôranh Brah phat dôih he, Păng nkra he, gay ma he mâu mra dơn ôh nau tâm rmal ndrel ma neh ntu.

I Kôrintô 2:6

Nđâp lah kơt nĕ, đah phung bunuyh văch ma toyh, hên mbơh nkoch nau blau mĭn đŏng, ƀiălah mâu di nau blau mĭn tâm rnôk aơ ôh, mâu lĕ tă bơh phung kôranh chiă uănh tâm rnôk aơ, jêng phung bunuyh mra rlau lôch.

I Kôrintô 2:8

Mâu geh du huê tâm phung kôranh chiă uănh tâm rnôk aơ gĭt năl nau nây, yorlah lah gĭt, khân păng mâu pâng Kôranh Brah nau chrêk rmah ta si tâm rkăng ôh.

I Kôrintô 3:18

Lơi dĭng ndơm êng păng nơm. Tơlah mbu nơm tâm phung khân may mĭn păng nơm jêng nơm blau mĭn tâm rnôk aơ, ăn plơ̆ hom jêng rluk mâl gay ma geh nau blau mĭn.

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”

I Kôrintô 6:2

Khân may mâu gĭt hĕ phung kloh ueh yơh mra phat dôih neh ntu? Tơlah khân may mra phat dôih neh ntu, mâm ƀư khân may mâu dơi phat lĕ nau jê̆ lê̆?

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.