I Kôrintô 1:18 - Nau Brah Ndu Ngơi 2023

¹⁸ Yorlah nau nti ma si tâm rkăng đah phung bunuyh rai roh jêng brŭt ndrăng; ƀiălah đah he, phung bunuyh geh tâm chuai, nây jêng nau brah Brah Ndu.

Bunong Bible Latin Script Cambodian dialect

¹⁸ Nau nkoch Brah Krist khât ta si tâm rkăng nây, phung i mâu nsing i mra roh hêng, khân păng kơp nau nkoch i nây jêng ndơ rluk mâl dơm, yơn ma bân i Kôranh Brah rklaih, bân kơp nau nkoch i nây jêng nau dơi Kôranh Brah.

Bunong

¹⁸ នាវ​ងក៝ច​ឞ្រាស​ក្រីស  ​ខឹត​តា​ឆី​តឹម​រាកាង់​នៃ ផូង​អី​មោ​ញឆីង​អី​មរា​រ៝ស​ហេង ខាន់​ពាង់​កើប​នាវ​ងក៝ច​អី​នៃ​ជេង​នទើ​រាលូក​ម៝ល់​ទើម យើន​មា​ឞ៝ន់​អី​កោរាញ​ឞ្រាស​រាក្លាយ្ស ឞ៝ន់​កើប​នាវ​ងក៝ច​អី​នៃ​ជេង​នាវ​ទើយ​កោរាញ​ឞ្រាស។

I Kôrintô 1:18 ပူးပေါင်းရင်းမြစ်များ

Kôranh Oh Mon 13:41

‘Hơi phung dăng mưch! Klach krit hom jêh ri du roh hom! Yorlah tâm rnôk khân may, Gâp mra ƀư du ntil kan, Nđâp tơlah bu nkoch bri, khân may mâu chroh đŏng ôh!’”

Kôranh Oh Mon 17:18

Geh ƀaƀă phung kan tâm nau mĭn tâm bar phung nti Nau Maak jêh ri Nau Dăng tâm nchră đah păng đŏng. Nơm ôp: “Moh nau bunuyh ƀôch ƀôr aơ ŭch lah?” Nơm êng lah: “Tâm ban ma păng mbơh nkoch ma lĕ brah bu năch” — yorlah Y-Pôl mbơh nkoch Nau Mhe Mhan Ueh ma Brah Yêsu jêh ri nau dâk rêh tay.

Kôranh Oh Mon 17:32

Tơlah khân păng tăng Y-Pôl ngơi ma nau dâk rêh tay bơh nau khĭt, ƀaƀă bunuyh gơm mưch, ƀiălah ƀaƀă bunuyh êng lah: “Hên mra ŭch iăt may nkoch bri nau aơ du tơ̆ đŏng.”

Kôranh Oh Mon 2:47

tâm rnê ma Brah Ndu jêh ri geh nau yô̆ tanăp lĕ rngôch bunuyh. Ăp nar, Kôranh Brah ntop rnoh bunuyh dơi rklaih lăp tâm Phung Ngih Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 15:2

Yor ma Nau Mhe Mhan Ueh nây, khân may geh nau klaih, tơlah khân may djôt prăp nau gâp mbơh nkoch; tơlah mâu di pônây, nau khân may chroh jêng dơm dam.

I Kôrintô 2:14

Bunuyh mâu geh Brah Huêng Ueh, mâu dơi sŏk dơn lĕ nau tă bơh Brah Huêng Ueh Brah Ndu ôh, yorlah bunuyh nây uănh lĕ nau nây jêng nau brŭt ndrăng jêh ri mâu dơi gĭt vât ôh, yorlah sek uănh tĭng nau rêh huêng.

I Kôrintô 2:2

Yorlah ta nklang khân may, gâp hŏ tâm nal mâu ŭch gĭt moh nau êng ôh knŏng Yêsu Krist, jêh ri Brah Yêsu Krist bu pâng ta si tâm rkăng.

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”

I Kôrintô 4:10

Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

II Kôrintô 10:4

Ndơ tâm lơh hên dŏng mâu di jêng lĕ ndơ tâm lơh bơh nglay săk ôh, ƀiălah jêng nau brah Brah Ndu gay ƀư rlâm lĕ pôih,

II Kôrintô 4:3

Tơlah Nau Mhe Mhan Ueh hên geh nau nkŭm ndâp, pôri nau nkŭm ndâp knŏng đah phung bunuyh roh rai.

I Têsalônik 1:5

yor ma Nau mhe Mhan Ueh hên hŏ ntĭnh jêh ma khân may, mâu di knŏng tâm nau ngơi ôh, ƀiălah ma nau brah, ma Brah Huêng Ueh jêh ri ma nau gĭt nanê̆ jru ngăn đŏng. Khân may gĭt rah vah jêh nôk hên hôm gŭ ta nklang khân may, hên gŭ rêh jêh yor khân may.

II Têsalônik 2:10

păng dŏng lĕ rngôch nau plĕch rlăm djơh mhĭk gay ndơm phung rai yot, yorlah khân păng mâu sŏk dơn ôh nau rŏng tâm nau ngăn gay dơn nau tâm rklaih.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.