I Kôrintô 1:17 - Nau Brah Ndu Ngơi 2023

¹⁷ Yorlah Brah Krist mâu ôh njuăl gâp hăn gay ƀư ƀaptem, ƀiălah gay ma mbơh nkoch Nau Mhe Mhan Ueh, mâu di ma nau blau ngơi ôh, klach lah nau brah si tâm rkăng Brah Krist mra roh nau brah.

Bunong Bible Latin Script Cambodian dialect

¹⁷ Brah Krist mâu ôh đă gâp hăn ma jan ƀăptem yŭk ma dak, Păng đă gâp gay ma mbơh nkoch nau mhe mhan ueh. Yơn ma gâp mbơh nkoch nau i nây mâu ôh dŏng nau ngơi geh nau mân gĭt blao i ueh ma iăt, klach lah n'groh lơi nau dơi ta nau khât Brah Krist ta si tâm rkăng.

Bunong

¹⁷ ឞ្រាស​ក្រីស  ​មោ​អោស​ដាៈ​គ៝ប់​ហាន់​មា​ជាន​បាប់តែម​យុក​មា​ទាក ពាង់​ដាៈ​គ៝ប់​គៃ​មា​មឞើស​ងក៝ច​នាវ​មហែ​មហាន​អ្វែស។ យើន​មា​គ៝ប់​មឞើស​ងក៝ច​នាវ​អី​នៃ​មោ​អោស​ទ៝ង់​នាវ​ងើយ​គែស​នាវ​មឹន​គឹត​ឞ្លាវ​អី​អ្វែស​មា​អ្យាត់ ក្លាច​លាស​ងគ្រ៝ស​លើយ​នាវ​ទើយ​តា​នាវ​ខឹត​ឞ្រាស​ក្រីស  ​តា​ឆី​តឹម​រាកាង់។

I Kôrintô 1:17 ပူးပေါင်းရင်းမြစ်များ

Yôhan 4:1

Lah Brah Yêsu hŏ gĭt jêh phung Pharisi tăng lư Păng dơn jêh ri ƀư ƀaptem ma oh mon âk rlau lơn ma Y-Yôhan.

Yôhan 4:2

(Na nê̆ mâu di Brah Yêsu ƀư ƀaptem ôh, ƀiălah jêng phung oh mon Păng ƀư),

Kôranh Oh Mon 10:48

Pôri, păng đă bu ƀư ƀaptem ma khân păng ma amoh Brah Yêsu Krist. Khân păng jă păng gŭ ndrel ma khân păng bar pe nar đŏng.

I Kôrintô 2:1

Hơi phung oh nâu, tơlah gâp văch ta khân may, gâp mâu sŏk lĕ nau ngơi dŭt blau mâu lah nau blau mĭn gay ma mbơh ma nau khlay ndâp Brah Ndu ma khân may ôh.

I Kôrintô 2:13

Hên mbơh nau nây, mâu di ma lĕ nau ngơi nti tă bơh nau blau mĭn kon bunuyh ôh, ƀiălah luh tă bơh Brah Huêng Ueh ntăm nti, dŏng rplay ngơi tâm nau rêh huêng rblang lĕ nau ngăn tâm nau rêh huêng.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 10:10

Yorlah geh bunuyh lah: “Nôk nchih samƀŭt păng ngơi dăng ngăn jêh ri ktang, ƀiălah tơlah geh măt, păng jêng rdơ̆ rbăn jêh ri nau păng ngơi mâu khlay ôh.”

II Kôrintô 11:6

Nau gâp ngơi nđâp lah mâu blau ngơi ueh kđôi, ƀiălah nau gĭt rbăng mâu jê̆ ôh. Gâp hŏ mpơl rah vah jêh nau nây tâm lĕ rngôch nau geh jêh ri ta nklang lĕ rngôch bunuyh.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Pêtrôs 1:16

Nôk nkoch mbơh ma khân may gĭt nau brah jêh ri nau plơ̆ văch Kôranh Brah he jêng Brah Yêsu Krist, hên mâu nsing tâm lĕ nau mbơh nkoch ơm dŭt blau nau nklă, ƀiălah hên saơ jêh nau chrêk rmah Păng ma măt hên nơm.