II Timôthê 4:18 - Nau Brah Ndu Ngơi 2023

¹⁸ Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.

Bunong Bible Latin Script Cambodian dialect

¹⁸ Kôranh Brah mra rklaih gâp bơh dâng lĕ nau djơh, Păng mra mât njrăng gâp ăn gâp gŭ ta bri kađăch Păng ta kalơ trôk ntŭk Păng nơm gŭ ri. Ăn rnê nau chrêk lơp Kôranh Brah nơm ƀaƀơ n'ho ro, ơ ăn geh kơt nây ngăn ro.

Bunong

¹⁸ កោរាញ​ឞ្រាស​មរា​រាក្លាយ្ស​គ៝ប់​ឞើស​ទឹង​លែៈ​នាវ​អ្យើស ពាង់​មរា​ម៝ត់​ញជ្រាង់​គ៝ប់​អ៝ន់​គ៝ប់​គុ​តា​ឞ្រី​កាដាច់​ពាង់​តា​កាលើ​ត្រោក​នតុក​ពាង់​នើម​គុ​រី។ អ៝ន់​រានេ​នាវ​ច្រេក​លើប​កោរាញ​ឞ្រាស​នើម​បាបើ​នហ៝​រ៝ អើ​អ៝ន់​គែស​កើត​នៃ​ងាន់​រ៝។

II Timôthê 4:18 ပူးပေါင်းရင်းမြစ်များ

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

Nau Mprơ Ơm 121:7

Brah Yêhôva mra mât mray may bơh lĕ rngôch nau mhĭk. Păng mra mât mray nau rêh may.

Nau Mprơ Ơm 37:28

Yorlah Brah Yêhôva rŏng ma nau di, Mâu chalơi ôh phung kloh ueh Păng. Bunuyh sŏng srăng Păng mât mray n'ho ro. Bi noi deh phung mhĭk mra rai lôch.

Nau Mprơ Ơm 73:24

May mra sŏk nau ntĭm nti gay ma njŭn leo gâp, Jêh nau nây, vơt rom gâp tâm nau chrêk rmah.

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Mathay 13:43

Nôk nây, phung sŏng srăng mra geh nchrat ang nâm bu nar tâm ƀon bri hađăch Mbơ̆ khân păng. Mbu nơm geh tôr rkêng iăt hom!”

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Luka 11:4

Dăn yô̆ an nau tih hên, yorlah hên yô̆ an jêh ma bunuyh ƀư tih đah hê. Dăn lơi ăn hên tŭp tâm nau ndơm ôh!’ ”

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Luka 22:29

rĭ dĭng Gâp ăn ma ƀon bri hađăch ma khân may tâm ban ma Mbơ̆ Gâp hŏ ăn ma Gâp kơt nây,

Yôhan 17:15

Kon mâu dăn ma Mbơ̆ sŏk khân păng luh bơh neh ntu ôh, ƀiălah dăn Mbơ̆ mât mray khân păng bơh nau mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 11:36

Yorlah lĕ rngôch ndơ tă bơh Păng, yor ma Păng, jêh ri rle mpeh Păng. Nau chrêk rmah jêng nau Păng n'ho ro mâu blau dŭt! Amen.

Samƀŭt Pôl Njuăl Ăn Ma Phung Nsing Ta Ƀon Rôm 16:27

jêh ri tâm Brah Yêsu Krist, knŏng êng Brah Ndu jêng Nơm blau mĭn, geh nau chrêk rmah n'ho ro mâu blau lôch! Amen.

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

I Kôrintô 15:50

Hơi phung oh nâu, gâp lah, nglay săk jêh ri mham mâu dơi dơn ƀon bri hađăch Brah Ndu ôh; nau ôm rai mâu lĕ dơi dơn nau mâu blau ôm rai.

II Kôrintô 1:10

Păng yơh tâm rklaih jêh he bơh nau khĭt dŭt krit kir kơt nĕ; Păng dôl tâm rklaih hên, jêh ri hên kâp gân ma Păng mra tâm rklaih tay hên.

Galati 1:5

Dăn Păng dơi geh nau chrêk rmah n'ho ro mâu blau lôch! Amen.

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

II Têsalônik 3:3

Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

I Timôthê 6:16

jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

II Timôthê 4:1

Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may:

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

I Pêtrôs 5:11

Dăn ma nau dơi chiă uănh jêng tâm Păng n'ho ro tâm lĕ rngôch rnôk! Amen.

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

I Samuel 17:37

Y-Đavit lah tay: “Brah Yêhôva rklaih jêh gâp tă bơh nheh yau mŭr jêh ri nheh kau, Păng tâm ban đŏng mra tâm rklaih gâp tă bơh ti phung Philistin aơ.” Y-Sôl lah ma Y-Đavit: “Hăn hom, ăn Brah Yêhôva gŭ ndrel ma may!”

I Samuel 25:39

Tơlah Y-Đavit gĭt ma Y-Nabal lĕ khĭt jêh, păng lah: “Tâm rnê ngăn ma Brah Yêhôva, yorlah Păng hŏ koh dŏng jêh gâp ma nau Y-Nabal ƀư bêk prêng ma gâp, jêh ri mât mray jêh oh mon Păng tă bơh nau ƀư mhĭk! Brah Yêhôva ƀư ăn jêh ma nau djơh mhĭk Y-Nabal nkhŭt tay klơ bôk păng nơm!” Jêh nau nây, Y-Đavit prơh bunuyh hăn ôp H'Abigêl gay ăn păng jêng ur păng.