II Timôthê 4:16 - Nau Brah Ndu Ngơi 2023

¹⁶ Lah gâp koh dŏng ma gâp nơm tơ̆ tal nguay, mâu geh nơm kơl an gâp ôh; lĕ rngôch chalơi gâp da dê. Dăn Kôranh Brah lơi ndăng mâu lah nduyh ôh nau nây ma khân păng!

Bunong Bible Latin Script Cambodian dialect

¹⁶ Nôk gâp ngơi plơng ơh ma bu bôk dak ta năp kôranh phat dôih, mâu geh ôh du huê bunuyh gŭ kơl gâp. Dâng lĕ khân păng mƀăr gâp dadê. Dăn Kôranh Brah lơi ôh klăp ndăng nau i nây ma khân păng.

Bunong

¹⁶ នោក​គ៝ប់​ងើយ​ព្លើង​អើស​មា​ឞូ​ឞោក​ទាក​តា​នាប់​កោរាញ​ផាត​ទោយ្ស មោ​គែស​អោស​ទូ​ហ្វេ​ឞូនុយ្ស​គុ​កើល​គ៝ប់។ ទឹង​លែៈ​ខាន់​ពាង់​មអារ់​គ៝ប់​ទាទេ។ ទាន់​កោរាញ​ឞ្រាស​លើយ​អោស​ក្លាប់​នទាង់​នាវ​អី​នៃ​មា​ខាន់​ពាង់។

II Timôthê 4:16 ပူးပေါင်းရင်းမြစ်များ

Markôs 14:50

Lĕ rngôch chalơi Păng, nchuăt du.

Luka 12:11

“Tơlah bu njŭn leo khân may tanăp ngih rƀŭn, tanăp phung kôranh mât uănh jêh ri phung kôranh chiă uănh, lơi ta rvê moh nau khân may mra lah mâu lah lĕ nau khân may lah gay n'gang ma khân may nơm,

Yôhan 16:32

Aơ mông tât jêh, nôk khân may mra nchah rai pru pra, ăp nơm tĭng păng nơm ŭch, chalơi Gâp gŭ êng. Ƀiălah Gâp mâu gŭ êng ôh, yorlah Mbơ̆ gŭ ndrel ma Gâp.

Kôranh Oh Mon 22:1

“Hơi phung nâu, phung mbơ̆ gâp, gŭ iăt hom nau gâp koh dŏng aơ!”

Kôranh Oh Mon 25:16

Gâp plơ̆ lah ma khân păng pô aơ phung Rôm mâu geh vay ôh jao du huê bunuyh bu rmal, êlor păng geh nau tâm ngơi tanăp phung phong păng, gay ma păng koh dŏng ma nau phong nau tih tâm rdâng đah păng.

Kôranh Oh Mon 7:60

Jêh nây păng chon kômâk, nter huy: “Ơ Kôranh Brah, lơi kơp nau tih aơ ma khân păng!” Lah lôch nau ngơi nây, păng bê̆ch.

I Kôrintô 13:5

mâu lah gŭ ngao mâu tâm di, mâu joi kao play ma păng nơm ôh, mâu gơnh nuih ôh, mâu mât siăm nau mhĭk ôh,

I Kôrintô 9:3

Aơ ngăn jêng nau gâp king gay ma tâm rdâng tay đah phung bunuyh phong gâp.

II Kôrintô 7:11

Pôri, khân may uănh hom, nau rngot rvê tĭng nâm nau Brah Ndu ŭch njêng jêh tâm khân may geh nuih n'hâm duh nđơr! Mâu knŏng kơt nây dơm, ƀiălah lĕ nau srôih ƀư kloh khân may nơm, nau ji nuih, klach kir, kâp gân nau duh nđơr, nau nduyh nkra đŏng! Khân may tâm mpơl jêh tâm lĕ rngôch bunuyh ma khân may mâu geh tih tâm kan nây.

Philip 1:17

bi phung nây mbơh nkoch Brah Krist yor ma nau mbeh, mâu ngơi ngăn ôh jêh ri ntôn lah kơt nĕ mra ƀư nau rêh ni ntop âk lơn ma gâp dơn rse rvăk.

Philip 1:7

Gâp mĭn ma lĕ rngôch khân may kơt nĕ jêng di ngăn, yorlah khân may gŭ tâm nuih n'hâm gâp. Nđâp tơlah bu hôm nkông ma rse rvăk, mâu lah tâm nau n'gang jêh ri nau koh dŏng ma Nau Mhe Mhan Ueh, khân may geh kô̆ tâm nau yô̆ hŏ ăn ma gâp.

II Timôthê 1:15

May gĭt jêh lĕ phung tâm n'gor Asi chalơi jêh gâp; tâm phung nây geh Y-Phigel jêh ri Y-Hêrmôgen.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

II Timôthê 4:15

Nđâp ma may nơm njrăng đŏng ma nơm nây, yorlah păng tâm rdâng hâu ngăn ma nau he mbơh nkoch.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.