II Timôthê 4:1 - Nau Brah Ndu Ngơi 2023

¹ Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may:

Bunong Bible Latin Script Cambodian dialect

¹ Gâp dăn mbơh ma may dŭt nau ngăn ta năp măt Kôranh Brah, ndrel ma ta năp măt Brah Krist Yêsu i nơm phat dôih bunuyh khât nđâp ma bunuyh rêh, jêh ri gâp dăn mbơh ma may dŭt hô ngăn, yor ma Brah Krist Yêsu mra plơ̆ văch gay ma mât uănh bri kađăch Păng nơm:

Bunong

¹ គ៝ប់​ទាន់​មឞើស​មា​មៃ​ទុត​នាវ​ងាន់​តា​នាប់​មាត់​កោរាញ​ឞ្រាស នទ្រែល​មា​តា​នាប់​មាត់​ឞ្រាស​ក្រីស​យេឆូ  ​អី​នើម​ផាត​ទោយ្ស​ឞូនុយ្ស​ខឹត​នអ៝ប់​មា​ឞូនុយ្ស​រេស ជេសរី​គ៝ប់​ទាន់​មឞើស​មា​មៃ​ទុត​ហោ​ងាន់ យ៝រ​មា​ឞ្រាស​ក្រីស​យេឆូ  ​មរា​ព្លឹ​វាច់​គៃ​មា​ម៝ត់​អ្វាញ់​ឞ្រី​កាដាច់​ពាង់​នើម៖

II Timôthê 4:1 ပူးပေါင်းရင်းမြစ်များ

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Luka 19:12

Yor nây, Păng lah: “Du huê bunuyh ndrŏng hăn tât ta bri ngai gay dơn nau dơi jêng hađăch, jêh nây mra plơ̆ sĭt.

Luka 19:15

Jêh păng geh nau dơi jêng hađăch jêh ri plơ̆ sĭt, păng kuăl ăn phung oh mon tât jêng phung hŏ dơn prăk, gay gĭt ăp nơm hŏ geh n'hao dơi ndah âk.

Luka 23:42

Jêh nây păng lah: “Hơi Brah Yêsu, tơlah May lăp ta ƀon bri hađăch May nơm jêh, dăn kah gĭt ma gâp!”

Kôranh Oh Mon 10:42

Păng ntăm jêh ma hên mbơh nkoch ma phung ƀon lan, jêh ri mpơl rah vah Păng jêng Nơm Brah Ndu hŏ njêng gay ma phat dôih ma phung rêh jêh ri phung khĭt.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

Kôlôh 3:4

Tơlah Brah Krist jêng nau rêh khân may tâm mpơl, dôl nây khân may mra tâm mpơl đŏng ndrel ma Păng tâm nau chrêk rmah.

II Têsalônik 2:8

Rnôk nây phung djơh mhĭk mra tâm mpơl, jêh ri Kôranh Brah jêng Brah Yêsu mra nkhĭt ăn khĭt păng ma n'hâm bơh trôm mbung Păng, ƀư rai păng ma nau chrêk rmah nôk Păng plơ̆ văch.

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

II Timôthê 1:10

Nau yô̆ nây aƀaơ aơ tâm mpơl ma nau Brah Yêsu Krist văch jêh, Nơm Tâm Rklaih he, Nơm ƀư rai jêh nau khĭt, sŏk Nau Mhe Mhan Ueh tâm mpơl jêh nau rêh jêh ri nau mâu blau khĭt.

II Timôthê 2:14

Nkah hom ma khân păng lĕ nau aơ; tanăp Brah Ndu, mbơh hom ma khân păng der ngai nau tâm rlăch ma rplay ngơi, nây jêng nau mâu khlay ôh, knŏng ƀư nau mhĭk tât ma mbu nơm gŭ iăt dơm.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

I Pêtrôs 4:5

Ƀiălah khân păng mra mbơh nkoch đah Nơm rơm ndrăp phat dôih ma phung rêh jêh ri phung khĭt.

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

II Pêtrôs 1:17

Yorlah Păng sŏk dơn jêh nau yơk jêh ri nau chrêk rmah bơh Brah Ndu jêng Mbơ̆, tơlah geh bâr ngơi tă bơh Nơm Dŭt Prêh Chrêk Rmah lah ma Păng: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

I Yôhan 2:28

Jêh ri aƀaơ, hơi phung kon jê̆, gŭ hom tâm Păng, gay nôk Păng tâm mpơl, he dơi geh nau nănh, mâu đit prêng tanăp măt Păng dôl Păng tât.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.