II Timôthê 3:11 - Nau Brah Ndu Ngơi 2023

¹¹ tâm ban đŏng tâm lĕ nau bu ƀư mhĭk, nau rêh ni hŏ tât ma gâp ta ƀon Antiôs, Ikôni, jêh ri ta ƀon Listrơ. Gâp dơn jêh lĕ nau bu ƀư mhĭk nây, ƀiălah Kôranh Brah tâm rklaih jêh gâp ƀaƀơ bơh lĕ nau nây.

Bunong Bible Latin Script Cambodian dialect

¹¹ Jêh ri may lĕ say đŏng nau bu jan jêr ma gâp, ndrel ma nau jêr jŏt gâp ta ƀon Ŏntiyôk, ƀon Ikôniam, ƀon Lisatra. Bol lah gâp geh nau jêr jŏt dŭt hô kơt nây kađôi, yơn ma Kôranh Brah lĕ rklaih gâp dơi dâng lĕ bơh nau i nây.

Bunong

¹¹ ជេសរី​មៃ​លែៈ​ឆៃ​ដ៝ង់​នាវ​ឞូ​ជាន​ជេរ​មា​គ៝ប់ នទ្រែល​មា​នាវ​ជេរ​ជ៝ត់​គ៝ប់​តា​ប៝ន​អ៝ន់តីយោក  ប៝ន​អីកោនៀម  ប៝ន​លីឆាត្រា  ។ ឞ៝ល​លាស​គ៝ប់​គែស​នាវ​ជេរ​ជ៝ត់​ទុត​ហោ​កើត​នៃ​កាដោយ យើន​មា​កោរាញ​ឞ្រាស​លែៈ​រាក្លាយ្ស​គ៝ប់​ទើយ​ទឹង​លែៈ​ឞើស​នាវ​អី​នៃ។

II Timôthê 3:11 ပူးပေါင်းရင်းမြစ်များ

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

II Samuel 22:1

Tơlah Brah Yêhôva hŏ tâm rklaih jêh Y-Đavit tă bơh ti Y-Sôl, păng mprơ ma nau ngơi aơ gay tâm rnê ma Brah Yêhôva:

II Samuel 22:49

Jêh ri rklaih gâp bơh phung rlăng. Kôranh Brah n'hao gâp ta klơ prêh lơn phung rlăng gâp, Jêh ri rklaih gâp bơh phung janh ƀai.

Nau Mprơ Ơm 34:19

Bunuyh sŏng srăng geh âk nau mhĭk tât; Ƀiălah Brah Yêhôva tâm rklaih păng ƀaƀơ.

Nau Mprơ Ơm 37:40

Brah Yêhôva koh dŏng jêh ri tâm rklaih khân păng; Păng rklaih khân păng bơh phung mhĭk jêh ri tâm rklaih khân păng, Yorlah khân păng nde krap tâm Păng.

Nau Mprơ Ơm 91:14

Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Daniel 6:27

Păng tâm chuai jêh ri rklaih, Ƀư lĕ nau mbên nau khlay ndâp tâm trôk jêh ri ta neh ntu; Păng nơm tâm rklaih Y-Daniel Bơh neng nheh yau mŭr.”

Kôranh Oh Mon 13:14

Tă bơh ƀon Pergi khân păng n'ho hăn tât ta ƀon Antiôs, n'gor Pisidi. Tât nar saƀat, khân păng lăp gŭ tâm ngih rƀŭn.

Kôranh Oh Mon 13:45

Ƀiălah dôl saơ phung bunuyh nây phung Yuđa bêng ma nuih n'hâm mâu nach, tâm rdâng đah nau Y-Pôl nti lah jêh ri suai rak ma păng.

Kôranh Oh Mon 14:8

Ta ƀon Listrơ geh du huê bunuyh rvĕn bar đah jâng; păng rvĕn ntơm nôk luh bơh ndŭl mê̆, jêh ri ê hŏ mâp hăn.

Kôranh Oh Mon 20:19

Gâp pah kan ma Kôranh Brah ma nau dêh rhêt, nđâp ma âk dak măt, jêh ri tuy dơn âk nau rlong uănh tă bơh phung Yuđa tâm nchră ƀư mhĭk ma gâp.

Kôranh Oh Mon 23:10

Yor nau rlăch nây lơ hô jêng ngơi tâm ndăng, kôranh chiă uănh klach phung ƀon lan ƀư rai săk jăn Y-Pôl, ntrŭnh ma tahan păng jŭr, pit sŏk leo Y-Pôl luh tă bơh khân păng jêh ri djôt lăp ta pôih.

Kôranh Oh Mon 26:17

Gâp mra rklaih may tă bơh tâm phung mpôl băl aơ jêh ri phung bu năch jêng ntŭk Gâp mra njuăl may hăn văch

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh:

Kôranh Oh Mon 9:16

Gâp mra tâm mpơl ma păng gĭt âk nau rêh ni, păng mra dơn yor amoh Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 15:31

gay ma gâp dơi klaih bơh phung mâu chroh tâm n'gor Yuđa, jêh ri nau gâp pah kan dôl gâp hăn tât ta ƀon Yêrusalem mra dơi phung kloh ueh dơn.

II Kôrintô 1:5

Yorlah nâm bu nau rêh ni Brah Krist bêng ler tâm he, tâm ban lĕ ma Brah Krist nau tâm bonh leng nuih he jêng âk rmeh.

II Kôrintô 1:7

Nau hên kâp gân ma khân may jêng nâp ktang jêh, yorlah hên gĭt tơlah khân may geh kô̆ tâm nau rêh ni ndrel ma hên, khân may mra geh đŏng kô̆ tâm bonh leng tă bơh hên.

II Kôrintô 12:10

Yor nây, yor Brah Krist, gâp maak dơn nau rdja, nau suai rak, nau ndĭt trơi, nau bu ƀư mhĭk, nau rêh ni. Yorlah nôk gâp rdja, ta nây gâp jêng ktang.

II Timôthê 4:7

Gâp tâm lơh jêh nau tâm lơh ueh, hŏ lôch jêh nau tâm rlong nchuăt, djôt prăp jêh nau chroh.

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,