II Timôthê 2:26 - Nau Brah Ndu Ngơi 2023

²⁶ jêh ri kah gĭt gay klaih bơh dăk brah mhĭk sân, yorlah brah mhĭk nhŭp kât khân păng gay ƀư tĭng nau păng ŭch.

Bunong Bible Latin Script Cambodian dialect

²⁶ jêh ri ăn khân păng kah gĭt săk du klaih bơh dăk Satăng i kôranh mpôl brah djơh, i lĕ nhŭp kât khân păng, nchâp khân păng đă jan tâng nau păng ŭch.

Bunong

²⁶ ជេសរី​អ៝ន់​ខាន់​ពាង់​កាស​គឹត​ឆាក់​ទូ​ក្លាយ្ស​ឞើស​ទាក់​ឆាតាង់  ​អី​កោរាញ​មពោល​ឞ្រាស​អ្យើស អី​លែៈ​ញុប​ក៝ត់​ខាន់​ពាង់ ញច៝ប់​ខាន់​ពាង់​ដាៈ​ជាន​តឹង​នាវ​ពាង់​អុច។

II Timôthê 2:26 ပူးပေါင်းရင်းမြစ်များ

Ndrom Samƀŭt bơh Yôp 1:12

Brah Yêhôva lah ma Satan: “Nĕ aơ, Gâp jao lĕ drăp ndơ Y-Yôp tâm ti may, ƀiălah may mâu dơi yơr ti pah ôh ma Y-Yôp.” Satan du luh ro bơh tanăp măt Brah Yêhôva.

Ndrom Samƀŭt bơh Yôp 2:6

Brah Yêhôva lah ma Satan: “Ri, Y-Yôp gŭ tâm ti may, ƀiălah may mra djôt prăp an nau rêh păng.”

Nau Mprơ Ơm 124:7

Huêng he klaih jêh bơh khân păng Nâm bu sĭm klaih dăk bơh nơm ƀư dăk sĭm; Dăk nkê̆ch jêh, Jêh ri he klaih yơh.

Êsai 28:13

Yor ri nau Brah Yêhôva ngơi đah khân păng mra jêng: Nau đă ntop nau đă, nau đă ntop nau đă; Mbor ntop ma mbor, mbor ntop ma mbor; Djê̆ ta aơ, djê̆ ta ri! Gay ma khân păng hăn tât jêh ri prah talang, Nchah hăch, geh dăk jêh ri bu nhŭp!

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Êsai 8:15

Âk bunuyh tâm khân păng mra chêh jâng, cha lôt prah jêh ri nchah; khân păng mra geh dăk jêh ri bu mra nhŭp.

Luka 11:21

Tơlah du huê bunuyh geh suan ktang, geh ndơ tâm lơh ăp ntil, gak njrăng ngih păng nơm ri mơ drăp ndơ păng geh nau ueh mpăn.

Luka 15:17

Nôk nây păng mhe kah gĭt, mĭn êng: ‘Geh âk bunuyh pah kan ma mbơ̆ gâp, geh piăng let sa âk rmeh, ƀiălah ta aơ gâp khĭt ji ngot.

Luka 5:10

Brah Yêsu lah ma Y-Simôn: “Lơi klach ôh, ntơm bơh aƀaơ, kon mra plơ̆ jêng nơm seng jal bunuyh.”

Yôhan 13:2

Dôl mông sa kêng măng, brah mhĭk hŏ srih nau mĭn tâm rlăng ma Păng tâm nuih n'hâm Y-Yuđas Iskariôt, kon Y-Simôn.

Yôhan 13:27

Jêh Y-Yuđas dơn piăng let nây, Satan lăp tâm păng ro. Brah Yêsu đă ma Y-Yuđas: “Moh nau may ƀư, ƀư gơnh hom.”

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Kôranh Oh Mon 5:3

Y-Pêtrôs lah: “Hơi Y-Ananias! Mâm ƀư ăn Satan bêng tâm nuih n'hâm may, kŏ tât may ngơi mƀruh Brah Huêng Ueh gay prăp tay du kô̆ rnoh prăk tăch neh nây?

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

II Kôrintô 2:11

gay lơi ăn Satan dơi đah he, yorlah he gĭt jêh lĕ nau plĕch rlăm păng ŭch ƀư.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Kôlôh 1:13

Păng rklaih jêh he bơh nau dơi tâm nau ngo, jêh ri djôt leo he lăp tâm ƀon bri hađăch Kon Păng rŏng ngăn ngên;

I Timôthê 1:20

tâm phung nây geh Y-Himênê jêh ri Y-Aleksandrơ, gâp jao jêh khân păng ma Satan gay ma khân păng dơi nti lơi hôm sưr rlau đŏng ôh.

I Timôthê 3:7

Ăn kôranh chiă uănh geh nau mbơh ueh bơh phung padih, gay mâu tŭp ôh tâm nau bêk prêng jêh ri tâm dăk brah mhĭk.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.