II Timôthê 2:24 - Nau Brah Ndu Ngơi 2023

²⁴ Oh mon Kôranh Brah mâu dơi tâm rlăch ôh, ƀiălah ăn geh nau dơh dăch đah lĕ rngôch, geh nau blau nti lah, blau ŭn nuih,

Bunong Bible Latin Script Cambodian dialect

²⁴ Iăt ma bunuyh i sơm kơl jan kar ma Kôranh Brah mâu ôh geh nau tâm rlăch. Iăt ma bunuyh i nây geh nuih n'hâm mleh ma dâng lĕ bunuyh, iăt ma blao ntŭm nti bu, nđâp ma blao ăt nuih đŏng.

Bunong

²⁴ អ្យាត់​មា​ឞូនុយ្ស​អី​ឆើម​កើល​ជាន​ការ​មា​កោរាញ​ឞ្រាស​មោ​អោស​គែស​នាវ​តឹម​រាលាច់។ អ្យាត់​មា​ឞូនុយ្ស​អី​នៃ​គែស​នូយ្ស​នហ៝ម់​មលែស​មា​ទឹង​លែៈ​ឞូនុយ្ស អ្យាត់​មា​ឞ្លាវ​នតុម​នតី​ឞូ នអ៝ប់​មា​ឞ្លាវ​អ៝ត់​នូយ្ស​ដ៝ង់។

II Timôthê 2:24 ပူးပေါင်းရင်းမြစ်များ

II Nau Rêh Jêng 24:6

Hađăch jă kôranh ƀư brah toyh lơn Y-Jêhôida tât jêh ri ôp: “Mâm ƀư may mâu kêh phung Lêvi djôt chê̆ rnoh prăk pi bơh phung Yuđa jêh ri phung gŭ ta Yêrusalem tĭng nâm Y-Môis, oh mon Brah Yêhôva, hŏ tâm nal jêh ma phung Israel tâm rƀŭn chê̆ prăp ma Ngih Bok Nau Tâm Rnglăp?”

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Mathay 12:19

Păng mâu mra tâm rlăch, mâu lah nter huy ôh, Mâu lĕ bu mra tăng bâr Păng rŏ trong sâng.

Yôhan 6:52

Pôri, geh nau tâm djrel ta nklang phung Yuđa. Khân păng lah: “Mâm ƀư bunuyh aơ sŏk nglay săk păng nơm ăn he sa?”

Kôranh Oh Mon 15:2

Rnôk nây, mâu geh du ai, Y-Pôl jêh ri Y-Ƀarnaƀas tâm rlăch dŭt n'hâm ngăn đah phung bunuyh nây. Yor nây, Y-Pôl jêh ri Y-Ƀarnaƀas ndrel ma bar pe nuyh tâm phung nây dơi săch hăn ta ƀon Yêrusalem, tât ta phung kôranh oh mon jêh ri phung kôranh bu ranh gay ôp ma nau nây.

Kôranh Oh Mon 23:9

Pôri geh nau tâm rlăch ngơi nteh ngăn. Ƀaƀă kôranh nchih samƀŭt mpeh Pharisi dâk jêh ri tâm dun hâu ngăn pô aơ: “Hên joi mâu saơ ôh du ntil nau tih tâm bunuyh aơ. Gĭt lah brah huêng mâu lah tông mpăr ngơi đah păng?”

Kôranh Oh Mon 7:26

Nar ôi taơ, dôl khân păng tâm nhăt ndrăng khân păng, păng văch dăch jêh ri gay ma gŭ đăp mpăn: ‘Hơi khân may, jêng oh nâu, mâm ƀư khân may ƀư mhĭk ndrăng oh nâu nơm?’

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 10:4

Ndơ tâm lơh hên dŏng mâu di jêng lĕ ndơ tâm lơh bơh nglay săk ôh, ƀiălah jêng nau brah Brah Ndu gay ƀư rlâm lĕ pôih,

II Kôrintô 6:4

Ƀiălah tâm lĕ rngôch nau, hên tâm mpơl hên nơm jêng oh mon Brah Ndu: ma nau srôih âk ngăn tâm nau rêh ni, tâm nau hŏt rgănh, tâm nau jâk jêr,

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Nau Vay Nkah Tay 34:5

Y-Môis, oh mon Brah Yêhôva, khĭt ta nây, ta neh lâng klơ dor Môap, tĭng nâm nau Brah Yêhôva hŏ lah jêh.

Philip 2:14

Ƀư hom lĕ kan, lơi ngơi ƀŭk dŭk suyh mâu lah vât vâng ôh,

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

Kôlôh 3:13

Tơlah du huê tâm khân may geh moh nau ngơi njang bâr đah bunuyh êng, ăn blau ât nuih n'hâm jêh ri tâm yô̆ ndrăng khân may nơm; nâm bu Kôranh Brah hŏ yô̆ an jêh ma khân may tâm ban lĕ, pôri ăn khân may tâm yô̆ an kơt nây lĕ.

I Têsalônik 2:7

Ƀiălah ta nklang khân may, hên hŏ gŭ ngao rdơ̆ rbăn nâm bu bunuyh sâm mpu mât rong phung kon păng nơm.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

Titus 1:1

Y-Pôl, oh mon Brah Ndu jêh ri kôranh oh mon Brah Yêsu Krist, geh nau pah kan njŭn nau chroh jêh ri nau gĭt rbăng ma nau ngăn tât ta phung bunuyh Brah Ndu săch jêh, jêng nau tâm di ma nuih n'hâm klach yơk,

Titus 1:7

Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;

Titus 1:9

djôt nâp nau khư rnơm nsing hŏ geh ntĭm nti jêh, gay dơi dŏng nau nti sŏng jêh ri ntĭm nti tâm ban đŏng mâu sŏk dơn ma phung tâm rdâng.

Titus 3:2

mâu ngơi djơh ma bu ôh, der nau tâm lah tâm djrel, ƀiălah rdơ̆ rbăn hom jêh ri gŭ ngao ueh ma lĕ rngôch bunuyh.

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Yakơ 4:2

Khân may kơnh rlau ir ƀiălah mâu dơi geh ôh, yor ri khân may nkhĭt bunuyh. Khân may ŭch kơnh ƀiălah mâu dơi geh ôh, yor ri khân may tâm djrel jêh ri tâm lơh. Khân may mâu geh du ntil ndơ ôh, yorlah khân may dăn mâu mbơh sơm.

Yôsuê 1:1

Jêh Y-Môis, oh mon Brah Yêhôva khĭt jêh, Brah Yêhôva lah ma Y-Yôsuê, kon bu klâu Y-Nun, nơm kơl kan Y-Môis:

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

Yuđas 1:3

Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.