II Timôthê 2:2 - Nau Brah Ndu Ngơi 2023

² Lĕ nau may tăng jêh bơh gâp ta năp âk bunuyh mbơh, jao hom ma phung bunuyh geh nau răp jăp ngăn, jêng phung bunuyh geh nau blau nau ntĭm nti ma phung ƀaƀă.

Bunong Bible Latin Script Cambodian dialect

² Dâng lĕ nau gâp i may lĕ tăng jêh ta năp bunuyh ŏk nơh, ăn may jao nau i nây ma bunuyh i răp jăp i blao đơn ntŭm nti bunuyh êng jât.

Bunong

² ទឹង​លែៈ​នាវ​គ៝ប់​អី​មៃ​លែៈ​តាង់​ជេស​តា​នាប់​ឞូនុយ្ស​អ៝ក់​នើស អ៝ន់​មៃ​ជាវ​នាវ​អី​នៃ​មា​ឞូនុយ្ស​អី​រាប់​ជាប់​អី​ឞ្លាវ​ដើន​នតុម​នតី​ឞូនុយ្ស​អេង​ជឹត។

II Timôthê 2:2 ပူးပေါင်းရင်းမြစ်များ

Êsra 7:10

Yorlah Y-Êsra hŏ mĭn jêh ŭch nti nau vay Brah Yêhôva, djôt prăp jêh ri nti ma phung Israel gĭt lĕ rngôch nau vay dăp jêh ri nau vay ƀư.

Êsra 7:25

Bi ma may, Y-Êsra, tĭng nâm nau blau mĭn Brah Ndu hŏ ăn ma may, njêng hom phung kôranh chiă uănh, phung phat dôih, jêng phung gĭt rbăng nau vay Brah Ndu may; gay khân păng phat dôih lĕ rngôch phung ƀon lan gŭ kơh đah ri dak krong. Bi ma phung ê hŏ gĭt nau vay, ăn khân may nti păng ăn gĭt.

Nêhêmi 7:2

Gâp jao kan chiă uănh ƀon Yêrusalem ma oh gâp jêng Y-Hanani jêh ri Y-Hanania jêng kôranh chiă uănh ƀon, yorlah păng jêng du huê bunuyh răp jăp lơn jêh ri klach yơk ma Brah Ndu lơn ma phung êng.

Nau Mprơ Ơm 101:6

Măt gâp mra joi phung răp jăp tâm n'gor, Jêh ri ăn khân păng gŭ ndrel ma gâp; Mbu nơm hăn tĭng trong nŭm rĭng Mra pah kan gâp.

Nau Hôr 13:17

Phung mbơh nkoch nau mhĭk tŭp tâm nau mhĭk uh ah, Bi phung mbơh răp jăp leo nau ƀư bah.

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Kan Lêvi 14:42

jêh ri sŏk lŭ êng rgâl ta ntŭk lŭ ơm ri, jêh nây mra sŏk klo êng lĭr ngih nây.

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Nau Kơp Bunuyh 12:7

Ƀiălah ma oh mon Gâp, păng jêng Y-Môis mâu geh pônây ôh. Păng răp jăp tâm lĕ ngih Gâp.

Mathay 13:52

Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Mathay 24:25

Aơ, Gâp mbơh lor ma khân may jêh.

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

I Kôrintô 4:2

Nau bu ŭch ma phung mât uănh jêng geh nau khư rnơm nsing.

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

Kôlôh 1:7

Khân may nti jêh bơh Y-Êpapras, mĭt jiăng kan ndrel hên rŏng ngăn. Păng jêng bunuyh ntang an ma khân may ƀư bunuyh pah kan răp jăp ma Brah Krist,

I Timôthê 1:12

Gâp lah ueh ma Nơm ăn jêh nau dơi ma gâp jêng Brah Yêsu Krist, Kôranh Brah he, yorlah Păng kơp gâp jêng răp jăp jêh ri dơm ăn gâp pah kan ma Păng;

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,

I Timôthê 4:14

Lơi chuêl ôh ma nau dơi ăn tâm may, jêng nau dơi ăn ma may tâm nau mbơh lor nôk mpôl kôranh bu ranh pah ti klơ may.

I Timôthê 4:6

Tơlah may mbơh lĕ nau aơ ma phung oh nâu, may mra jêng du huê oh mon ueh ma Brah Yêsu Krist, dơi mât rong jêh ma nau chroh jêh ri ma nau nti sŏng ngăn may hŏ tĭng chroh jêh.

I Timôthê 5:22

Ƀât ngăch ir pah ti ta bu ôh, mâu đŏng mbŭk ti tâm nau tih bơh bunuyh êng. Djôt prăp hom may nơm ma nau kloh rsang.

I Timôthê 6:12

Ăn yor ma nau chroh tâm lơh janh ktang, pit sŏk nau rêh n'ho ro, jêng nau rêh Brah Ndu kuăl jêh may, jêh ri bơh nây may geh nau mbơh nkoch ueh tanăp phung mbơh.

II Timôthê 3:10

Bi ma may, may tĭng jêh nau ntĭm nti, nau gŭ ngao, nau ŭch gŭ rêh, nau chroh, nau srôih, nau rŏng, nuih n'hâm gâp nâp;

II Timôthê 3:14

Bi ma may, djôt nâp hom lĕ nau may nti jêh jêh ri chroh nanê̆, yorlah may gĭt may hŏ nti jêh tă mbu nơm lĕ nau nây,

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.