II Timôthê 2:15 - Nau Brah Ndu Ngơi 2023

¹⁵ Nsrôih pah kan hom gay ma maak nuih n'hâm Brah Ndu tâm ban bunuyh pah kan mâu mra geh nau đit prêng ôh, ma nau sŏng gay ma nti lah nau ngăn.

Bunong Bible Latin Script Cambodian dialect

¹⁵ Nsrôyh jan kar ueh gay ma Kôranh Brah rnê. Ăn may mbơh nkoch nau Kôranh Brah ma nau ngơi ngăn, ma nau di, jêng bunuyh jan kar ma bu mâu ôh geh nau đit prêng, yorlah lĕ gĭt păng nơm jan ueh.

Bunong

¹⁵ ញឆ្រោយ្ស​ជាន​ការ​អ្វែស​គៃ​មា​កោរាញ​ឞ្រាស​រានេ។ អ៝ន់​មៃ​មឞើស​ងក៝ច​នាវ​កោរាញ​ឞ្រាស​មា​នាវ​ងើយ​ងាន់ មា​នាវ​ទី ជេង​ឞូនុយ្ស​ជាន​ការ​មា​ឞូ​មោ​អោស​គែស​នាវ​ដីត​ព្រេង យ៝រ​លាស​លែៈ​គឹត​ពាង់​នើម​ជាន​អ្វែស។

II Timôthê 2:15 ပူးပေါင်းရင်းမြစ်များ

Mathay 13:52

Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Markôs 4:33

Brah Yêsu dŏng âk nau hôr kơt nây gay mbơh nkoch nau ngơi, tĭng nâm nau blau khân păng dơi gĭt vât.

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

Kôranh Oh Mon 2:22

Hơi phung Israel, iăt hom nau gâp ngơi aơ: Brah Yêsu bunuyh Nasaret, Nơm Brah Ndu mbơh ăn nanê̆ tanăp khân may ma lĕ kan nau brah, ma nau khlay jêh ri nau mbên khlay. Bơh Păng, Brah Ndu hŏ ƀư lĕ nau nây ta nklang khân may nâm bu khân may hŏ gĭt rah vah jêh.

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

Samƀŭt Pôl Njuăl Ăn Ma Phung Nsing Ta Ƀon Rôm 14:18

Mbu nơm pah kan ma Brah Krist tâm ban pônây ƀư maak nuih n'hâm Brah Ndu jêh ri bu yơk ma bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 16:10

Mbah khâl đah Y-Apêlês, nơm dơi sŏk dơn tâm Brah Krist. Mbah khâl đah phung bunuyh gŭ tâm rnăk vâl Y-Aristôbul.

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

I Kôrintô 2:6

Nđâp lah kơt nĕ, đah phung bunuyh văch ma toyh, hên mbơh nkoch nau blau mĭn đŏng, ƀiălah mâu di nau blau mĭn tâm rnôk aơ ôh, mâu lĕ tă bơh phung kôranh chiă uănh tâm rnôk aơ, jêng phung bunuyh mra rlau lôch.

II Kôrintô 10:18

Yorlah mâu di n'hao êng ma păng nơm ôh dĭng bu dơn, ƀiălah jêng nơm Kôranh Brah n'hao.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Kôrintô 5:9

Yor nây, nđâp tơlah gŭ tâm săk jăn aơ, nđâp tơlah luh, he ƀư lĕ nau ktang gay ƀư maak nuih n'hâm Kôranh Brah.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Êphêsô 1:13

Tâm Păng, khân may jêng phung tăng jêh nau ngơi ngăn, jêng Nau Mhe Mhan Ueh ma nau tâm rklaih khân may. Tâm Păng đŏng, khân may chroh jêh, jêh ri tâp pŏng jêh ma Brah Huêng Ueh nâm bu nau ton.

I Têsalônik 2:4

Ƀiălah, Brah Ndu hŏ rlong uănh hên jêh ri jao ma hên Nau Mhe Mhan Ueh, pô ri hên mbơh nkoch, mâu di ôh ŭch ƀư maak ma kon bunuyh, ƀiălah ŭch ƀư maak ma Brah Ndu jêng Nơm sek uănh nuih n'hâm hên.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

I Timôthê 4:6

Tơlah may mbơh lĕ nau aơ ma phung oh nâu, may mra jêng du huê oh mon ueh ma Brah Yêsu Krist, dơi mât rong jêh ma nau chroh jêh ri ma nau nti sŏng ngăn may hŏ tĭng chroh jêh.

ហេឞ្រើ 4:11

Yor nây, ăn he nsrôih hăn lăp tâm nau rlu aơ, gay mâu geh du huê tâm he tŭp yor tĭng nơm leo trong mâu tông bâr.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

II Pêtrôs 1:10

Pôri, hơi oh nâu, srôih lơn đŏng gay gĭt năl ma nau kuăl jêh ri nau săch khân may nơm; ƀư nâm nđĕ khân may mâu mra chêh prah;

II Pêtrôs 1:15

Ƀiălah gâp mra srôih gay ma lah jêh gâp luh hăn, khân may hôm kah gĭt tay ƀaƀơ ma lĕ nau aơ.

II Pêtrôs 3:14

Pôri, hơi phung gâp rŏng, tâm nôk gŭ kâp lĕ nau nĕ, ăn khân may srôih lĕ nau ktang gay ma Păng saơ khân may mâu geh têl khap, mâu geh nau nduyh jêh ri rêh gŭ tâm nau đăp mpăn.