II Timôthê 2:14 - Nau Brah Ndu Ngơi 2023

¹⁴ Nkah hom ma khân păng lĕ nau aơ; tanăp Brah Ndu, mbơh hom ma khân păng der ngai nau tâm rlăch ma rplay ngơi, nây jêng nau mâu khlay ôh, knŏng ƀư nau mhĭk tât ma mbu nơm gŭ iăt dơm.

Bunong Bible Latin Script Cambodian dialect

¹⁴ Ăn may nkah dâng lĕ phung nsing nau i nây, jêh ri buay ngăn khân păng ta năp măt Kôranh Brah, lơi ôh ăn khân păng gŭ tâm rlăch ma nau mâu geh nau khlay, yorlah nau i nây jan ăn nơm i gŭ iăt geh nau vĭ, jan ăn roh hêng nau nsing dơm.

Bunong

¹⁴ អ៝ន់​មៃ​ងកាស​ទឹង​លែៈ​ផូង​ញឆីង​នាវ​អី​នៃ ជេសរី​ឞ្វៃ​ងាន់​ខាន់​ពាង់​តា​នាប់​មាត់​កោរាញ​ឞ្រាស លើយ​អោស​អ៝ន់​ខាន់​ពាង់​គុ​តឹម​រាលាច់​មា​នាវ​មោ​គែស​នាវ​ខ្លៃ យ៝រ​លាស​នាវ​អី​នៃ​ជាន​អ៝ន់​នើម​អី​គុ​អ្យាត់​គែស​នាវ​វិ ជាន​អ៝ន់​រ៝ស​ហេង​នាវ​ញឆីង​ទើម។

II Timôthê 2:14 ပူးပေါင်းရင်းမြစ်များ

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 23:36

Nôk nây, khân may mâu dơi ngơi tât, ‘nau ngơi bơh Brah Yêhôva ƀư jâk’ đŏng ôh; yorlah bu nơm ngơi jêng jâk ăn bunuyh nây, yorlah khân may hŏ nsak nkhăng nau Brah Ndu gŭ rêh mro mrăng, jêng Brah Yêhôva ma phung tahan, Brah Ndu he.

Yêrêmi 7:8

Ƀiălah khân may rnơm nsing nkhơng lĕ nau ngơi mƀruh nchơt mâu geh nau khlay ôh.

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

Kôranh Oh Mon 15:24

Yor hên tăng jêh geh bar pe nuyh tâm hên, nđâp lah mâu dơn nau ntĭnh tă bơh phung hên, hŏ lah lĕ nau ƀư vĭ jêh ri ƀư rsuak nau mĭn khân may.

Samƀŭt Pôl Njuăl Ăn Ma Phung Nsing Ta Ƀon Rôm 14:1

Rom hom nơm rdja tâm nau chroh, lơi tâm rlăch đah khân păng ma nau mĭn êng êng.

Galati 1:7

Mâu geh nau mhe mhan ueh êng ôh, ƀiălah geh knŏng ƀaƀă bunuyh ƀư rsuak khân may jêh ri ŭch nsak nkhăng Nau Mhe Mhan Ueh Brah Krist.

Êphêsô 4:17

Pôri, tâm Kôranh Brah, gâp lah jêh ri nkah khân may lơi gŭ rêh nâm bu phung bu năch ôh, yorlah khân păng gŭ rêh tĭng nau mĭn dơm dam khân păng nơm.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.

I Timôthê 1:4

lơi ta rvê đŏng ma lĕ nau nkoch bri ơm jêh ri ma phung noi deh mâu blau lôch, jêng lĕ nau tâm djrel âk lơn jêng ăn hao kan Brah Ndu tâm nau chroh.

I Timôthê 1:6

Du phung bunuyh hăn teng nau ŭch nây, hŏ tŭp tâm lĕ nau rlăch mâu geh nau khlay;

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may

II Timôthê 1:6

Yor ri, gâp nkah may ăn ntrôt tay nau dơi ăn tă bơh Brah Ndu may sŏk dơn jêh tâm nau gâp pah ti;

II Timôthê 2:16

Der hom lĕ nau ngơi lă lêng mâu geh nau khlay; yorlah mbu nơm ngơi tâm ban pônây mra lơ hô hăn jru lơn tâm trong mâu blau yơk,

II Timôthê 2:23

Dun hom ma lĕ nau tâm rlăch brŭt rluk jêh ri nau rluk ngăn, yorlah may gĭt jêh, lĕ nau nây ƀư ăn ma nau tâm djrel dơm.

II Timôthê 4:1

Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may:

Titus 3:1

Nkah hom ma phung chroh blau tông phung kôranh chiă uănh jêh ri phung geh nau dơi, ăn tông bâr jêh ri rơm ndrăp jêh ri ƀư lĕ kan ueh,

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

II Pêtrôs 1:13

Gâp mĭn, ndah jŏ gâp hôm gŭ tâm ngih njưh aơ, ăn gâp nkah gay ma rlay khân may,

I Samuel 12:21

lơi ta chalơi ôh Păng gay hăn tĭng lĕ rup brah dơm dam, khân păng mâu geh khlay ôh jêh ri mâu đŏng dơi tâm rklaih, yorlah khân păng knŏng jêng dơm dam.