II Timôthê 2:13 - Nau Brah Ndu Ngơi 2023

¹³ Tơlah he mâu gŭ răp jăp, Păng ăt gŭ răp jăp; Yorlah Păng mâu dơi dun ma Păng nơm ôh.

Bunong Bible Latin Script Cambodian dialect

¹³ Bol lah bân mâu ôh gŭ răp jăp ma Păng, Yơn ma Păng mâu ôh ntlơi bân, Yorlah Păng mâu ôh dơi rlăch ma săk Păng nơm, Păng hôm jan nâng ma ndơ Păng lĕ ton.

Bunong

¹³ ឞ៝ល​លាស​ឞ៝ន់​មោ​អោស​គុ​រាប់​ជាប់​មា​ពាង់‌ យើន​មា​ពាង់​មោ​អោស​នត្លើយ​ឞ៝ន់‌ យ៝រ​លាស​ពាង់​មោ​អោស​ទើយ​រាលាច់​មា​ឆាក់​ពាង់​នើម‌ ពាង់​ហោម​ជាន​នឹង​មា​នទើ​ពាង់​លែៈ​ត៝ន។

II Timôthê 2:13 ပူးပေါင်းရင်းမြစ်များ

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Samƀŭt Pôl Njuăl Ăn Ma Phung Nsing Ta Ƀon Rôm 3:3

Ƀiălah moh nau kan tât geh tơlah bar pe nuyh tâm phung khân păng mâu chroh? Di lĕ nau khân păng mâu chroh dơi ƀư rai nau răp jăp Brah Ndu lĕ bơh?

Samƀŭt Pôl Njuăl Ăn Ma Phung Nsing Ta Ƀon Rôm 9:6

Ngơi tâm ban pônây mâu geh ntĭt jêng nau ngơi Brah Ndu jêng nau rai yot ôh. Yorlah mâu di lĕ rngôch luh bơh Israel jêng phung Israel.

I Kôrintô 1:9

Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.

I Têsalônik 5:24

Nơm hŏ kuăl khân may jêng răp jăp, Păng mra ƀư nau nây.

II Têsalônik 3:3

Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.