II Timôthê 2:12 - Nau Brah Ndu Ngơi 2023

¹² Tơlah he srôih dơn nau rêh ni, He mra chiă uănh đŏng ndrel ma Păng; Tơlah he dun Păng, Păng mra dun he đŏng;

Bunong Bible Latin Script Cambodian dialect

¹² Lah bân nsrôyh dơi ăt nau jêr jŏt, Bân mra gŭ mât uănh ndrel Păng đŏng. Lah bân rlăch mâu ôh gĭt năl Păng, Păng mra rlăch mâu đŏng gĭt năl bân.

Bunong

¹² លាស​ឞ៝ន់​ញឆ្រោយ្ស​ទើយ​អ៝ត់​នាវ​ជេរ​ជ៝ត់‌ ឞ៝ន់​មរា​គុ​ម៝ត់​អ្វាញ់​នទ្រែល​ពាង់​ដ៝ង់។ លាស​ឞ៝ន់​រាលាច់​មោ​អោស​គឹត​នាល់​ពាង់‌ ពាង់​មរា​រាលាច់​មោ​ដ៝ង់​គឹត​នាល់​ឞ៝ន់។

II Timôthê 2:12 ပူးပေါင်းရင်းမြစ်များ

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Mathay 10:33

ƀiălah mbu nơm dun Gâp tra năp lĕ rngôch bunuyh, Gâp ăt mra dun khân păng tanăp Mbơ̆ Gâp ta klơ trôk.

Mathay 26:35

Y-Pêtrôs ơh: “Tơlah ăn gâp khĭt ndrel ma Nơm Nti kđôi lĕ, gâp mâu mra dun May ôh.” Lĕ rngôch oh mon lah kơt nây da dê.

Mathay 26:75

Y-Pêtrôs kah gĭt tay nau Brah Yêsu lah jêh: “Êlor ta iăr ndrau, may mra dun ma Gâp pe tơ̆.” Jêh nây păng hăn luh, nhĭm rngot ngăn.

Markôs 10:33

Păng lah: “Aơ, he hăn hao ma ƀon Yêrusalem, bu mra jao Kon Bunuyh ma phung kôranh ƀư brah toyh jêh ri ma phung kôranh nchih samƀŭt. Khân păng mra phat dôih nkhĭt Păng, jêh nây jao Păng ma phung bu năch.

Markôs 8:38

Yorlah mbu nơm prêng ma Gâp jêh ri ma nau Gâp ngơi tâm rnôk rô̆ văng tĭr tih mhĭk aơ, tâm ban lĕ Kon Bunuyh ăt mra prêng ma bunuyh nây, tơlah Păng ndrel ma phung tông mpăr kloh ueh văch tâm nau chrêk rmah Mbơ̆ Păng.”

Luka 12:9

Ƀiălah mbu nơm dun Gâp tanăp lĕ rngôch bunuyh, Gâp ăt mra dun păng tanăp phung tông mpăr Brah Ndu.

Luka 22:29

rĭ dĭng Gâp ăn ma ƀon bri hađăch ma khân may tâm ban ma Mbơ̆ Gâp hŏ ăn ma Gâp kơt nây,

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

Luka 9:26

Yorlah tơlah mbu nơm mra bêk prêng ma Gâp jêh ri ma nau Gâp ngơi, Kon Bunuyh mra bêk prêng ma bunuyh nây tơlah Păng plơ̆ văch tâm nau chrêk rmah Păng, Mbơ̆ Păng jêh ri phung tông mpăr kloh ueh.

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Samƀŭt Pôl Njuăl Ăn Ma Phung Nsing Ta Ƀon Rôm 5:17

Tơlah yor nau tih du huê bunuyh, jêh ri bơh bunuyh nây nau khĭt chiă uănh jêh tâm ban lĕ, ăt knŏng yor du huê bunuyh jêng Brah Yêsu Krist, gay ma phung bunuyh dơn rmeh ler nau yô̆ jêh ri ndơ ăn tâm nau sŏng srăng, mra lơ hô chiă uănh tâm nau rêh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 8:17

Tơlah he jêng phung kon ăt jêng phung ndơn drăp, ndrel jêng phung ndơn drăp Brah Ndu, ndrel jêng phung ndơn drăp ndrel ma Brah Krist; tơlah n'hêl nanê̆ ngăn he dơn nau rêh ni ndrel ma Păng, he mra geh nau chrêk rmah ndrel ma Păng.

Philip 1:28

jêh ri mâu klach du ntil ndơ tă bơh phung rlăng. Nây jêng nau mbơh gay saơ khân păng mra geh nau rai yot, bi khân may geh nau tâm rklaih; jêh ri nau nây luh bơh Brah Ndu.

I Timôthê 5:8

Tơlah mbu nơm mâu kơl ma phung ndŭl mpôl păng, khlay lơn ma rnăk vâl păng nơm, pôri bunuyh nây dun jêh nau chroh, jêh ri păng jêng mhĭk lơn ma du huê mâu chroh.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.

Nau Tâm Mpơl 20:6

Ueh maak ngăn jêh ri kloh ueh ngăn jêng phung geh kô̆ tâm nau dâk rêh tay tal nguay! Nau khĭt rơh bar mâu geh nau dơi đah khân păng ôh, ƀiălah khân păng mra jêng kôranh ƀư brah ma Brah Ndu jêh ri ma Brah Krist; khân păng mra chiă uănh ndrel ma Păng tâm du rbăn năm.

Nau Tâm Mpơl 3:10

Yorlah may djôt prăp jêh nau Gâp ntĭm nti ma nau srôih, Gâp ăt mra djôt prăp may bơh mông rlong uănh, jêng mông dăch tât tâm lam neh ntu, gay rlong uănh phung bunuyh gŭ tâm neh ntu.

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.

Nau Tâm Mpơl 3:8

‘Gâp gĭt lĕ nau kan may. Aơ, Gâp hŏ pơk jêh du mlâm mpông tanăp măt may mâu geh nơm dơi nchăng ôh, yorlah may geh djê̆ nau ktang ƀiălah may ăt djôt prăp jêh nau Gâp ngơi jêh ri mâu dun ôh ma amoh Gâp.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”