II Timôthê 2:10 - Nau Brah Ndu Ngơi 2023

¹⁰ Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

Bunong Bible Latin Script Cambodian dialect

¹⁰ Kơt ndri dâng gâp nsrôyh dơi ăt nau jêr jŏt, gay ma bunuyh i lĕ Kôranh Brah de kơih jêh dơn nau rklaih i geh tă bơh Brah Krist Yêsu. Ăn khân păng geh nau chrêk lơp n'ho ro.

Bunong

¹⁰ កើត​នទ្រី​ទឹង​គ៝ប់​ញឆ្រោយ្ស​ទើយ​អ៝ត់​នាវ​ជេរ​ជ៝ត់ គៃ​មា​ឞូនុយ្ស​អី​លែៈ​កោរាញ​ឞ្រាស​ទែ​កើយ្ស​ជេស​ទើន​នាវ​រាក្លាយ្ស​អី​គែស​តាៈ​ឞើស​ឞ្រាស​ក្រីស​យេឆូ  ។ អ៝ន់​ខាន់​ពាង់​គែស​នាវ​ច្រេក​លើប​នហ៝​រ៝។

II Timôthê 2:10 ပူးပေါင်းရင်းမြစ်များ

Nau Hôr 8:35

Yorlah mbu nơm dơi joi gâp dơi saơ nau rêh, Jêh ri dơi dơn nau yô̆ Brah Yêhôva.

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Luka 22:57

Ƀiălah Y-Pêtrôs dun jêh ri lah: “Aơ ruh ri, gâp mâu gĭt năl păng ôh!”

Yôhan 11:52

mâu di knŏng ma phung ƀon lan nây dơm, ƀiălah gay rgum lĕ phung kon sau Brah Ndu hŏ chah rai pru pra jêng tay du mpôl.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 17:9

Gâp mbơh sơm an ma khân păng, mâu di mbơh sơm an ma neh ntu ôh, ƀiălah yor phung bunuyh Mbơ̆ ăn jêh ma Kon, yorlah khân păng jêng phung Mbơ̆.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 9:23

Tơlah Păng ŭch tâm mpơl nau ndrŏng nau chrêk rmah Păng đah lĕ yăng khư yô̆ nđach, Păng hŏ ndrăp lor ma nau chrêk rmah,

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 9:22

Gâp jêng rdja ndrel ma phung rdja, pôri mơ gâp dơi njŭn leo phung rdja. Gâp jêng jêh lĕ rngôch ndơ ma lĕ rngôch bunuyh, pôri mơ gâp dơi tâm rklaih ƀaƀă tâm phung khân păng.

II Kôrintô 1:6

Tơlah hên geh nau rêh ni, nau nây gay ma khân may geh nau bonh leng jêh ri geh nau tâm rklaih; mâu lah tơlah hên geh nau bonh leng, nau nây gay ma khân may geh nau bonh leng, jêng nau bonh leng khân may hŏ găn jêh dôl nsrôih dơn lĕ nau rêh ni nâm bu hên geh.

II Kôrintô 12:15

Gâp maak ngăn dŏng mpŭng moh ndơ gâp geh, suăt lĕ nau dăng ktang yor huêng khân may. Tơlah gâp rŏng ma khân may lơ âk lơn, mâm ƀư khân may rŏng ma gâp lơ hô djê̆?

II Kôrintô 4:15

Lĕ rngôch nau nây tât yor khân may, gay ma nau yô̆ lơ hô văch ta âk bunuyh jêh ri lơ hô geh âk bunuyh nhhơr nau tâm rnê lah ueh, gay djôt leo nau chrêk rmah ma Brah Ndu.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Êphêsô 3:13

Yor nây, gâp dăn khân may lơi rdja nuih n'hâm yor lĕ nau rêh ni gâp dơn an ma khân may; nây jêng nau chrêk rmah ma khân may.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

I Têsalônik 5:9

Yorlah Brah Ndu mâu nal ôh ma he dơn nau ji nuih, ƀiălah dơn nau tâm rklaih tâm Brah Yêsu Krist, Kôranh Brah he,

II Têsalônik 2:14

Yor nau nây đŏng, Păng hŏ dŏng Nau Mhe Mhan Ueh hên kuăl khân may gay dơn nau chrêk rmah bơh Kôranh Brah he jêng Brah Yêsu Krist.

II Timôthê 1:1

Y-Pôl, kôranh oh mon Brah Yêsu Krist, tĭng nâm nau mĭn Brah Ndu ŭch, tĭng nau ton ăn ma nau rêh tâm Brah Yêsu Krist,

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

II Timôthê 2:3

Dơn hom nau rêh ni ndrel ma gâp tâm ban ma du huê tahan janh ktang Brah Yêsu Krist.

Titus 1:1

Y-Pôl, oh mon Brah Ndu jêh ri kôranh oh mon Brah Yêsu Krist, geh nau pah kan njŭn nau chroh jêh ri nau gĭt rbăng ma nau ngăn tât ta phung bunuyh Brah Ndu săch jêh, jêng nau tâm di ma nuih n'hâm klach yơk,

I Pêtrôs 2:10

kăl e ri khân may mâu di jêng du phung ƀon lan ôh, ƀiălah aƀaơ jêng phung ƀon lan Brah Ndu; kăl e ri mâu dơi yô̆ nđach ôh, ƀiălah aƀaơ geh jêh nau yô̆ nđach.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.