II Timôthê 1:8 - Nau Brah Ndu Ngơi 2023

⁸ Pôri, may lơi đit prêng ôh nôk mbơh nkoch Kôranh Brah he, mâu đŏng đit prêng ma gâp, nơm bu nă Păng; ƀiălah nsing hom nau brah Brah Ndu, ndrel ma gâp dơn nau rêh ni yor Nau Mhe Mhan Ueh.

Bunong Bible Latin Script Cambodian dialect

⁸ May lơi ôh đit prêng mbơh nkoch nau khlay Kôranh Yêsu bân nơm, lơi ôh đit prêng ma gâp i gŭ ta trôm ndrung dja yor ma mbơh nkoch nau Păng. Yơn ma ăn may dơn hŏm nau jêr jŏt ndrel gâp ta nau mbơh nkoch nau mhe mhan ueh. Kôranh Brah ăn nau dơi ăt nau jêr jŏt i nây.

Bunong

⁸ មៃ​លើយ​អោស​ដីត​ព្រេង​មឞើស​ងក៝ច​នាវ​ខ្លៃ​កោរាញ​យេឆូ  ​ឞ៝ន់​នើម លើយ​អោស​ដីត​ព្រេង​មា​គ៝ប់​អី​គុ​តា​ត្រោម​នទ្រូង​អ្យា​យ៝រ​មា​មឞើស​ងក៝ច​នាវ​ពាង់។ យើន​មា​អ៝ន់​មៃ​ទើន​ហ៝ម់​នាវ​ជេរ​ជ៝ត់​នទ្រែល​គ៝ប់​តា​នាវ​មឞើស​ងក៝ច​នាវ​មហែ​មហាន​អ្វែស។ កោរាញ​ឞ្រាស​អ៝ន់​នាវ​ទើយ​អ៝ត់​នាវ​ជេរ​ជ៝ត់​អី​នៃ។

II Timôthê 1:8 ပူးပေါင်းရင်းမြစ်များ

Nau Mprơ Ơm 119:46

Gâp mra nkoch mbơh nau ntĭnh bơh May tanăp phung hađăch Ƀiălah gâp mâu bêk ôh.

Nau Mprơ Ơm 19:7

Nau vay Brah Yêhôva jêng nŭm rĭng, Ntop nau rêh tâm huêng Nau ntĭnh bơh Brah Yêhôva jêng nanê̆, Ƀư ma phung rluk mâl jêng blau mĭn.

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Markôs 8:38

Yorlah mbu nơm prêng ma Gâp jêh ri ma nau Gâp ngơi tâm rnôk rô̆ văng tĭr tih mhĭk aơ, tâm ban lĕ Kon Bunuyh ăt mra prêng ma bunuyh nây, tơlah Păng ndrel ma phung tông mpăr kloh ueh văch tâm nau chrêk rmah Mbơ̆ Păng.”

Luka 9:26

Yorlah tơlah mbu nơm mra bêk prêng ma Gâp jêh ri ma nau Gâp ngơi, Kon Bunuyh mra bêk prêng ma bunuyh nây tơlah Păng plơ̆ văch tâm nau chrêk rmah Păng, Mbơ̆ Păng jêh ri phung tông mpăr kloh ueh.

Yôhan 15:27

Khân may mbơh ma Gâp tâm ban lĕ, yorlah khân may hŏ gŭ ndrel ma Gâp bơh saơm.”

Yôhan 19:35

Nơm saơ nau nây păng mbơh nkoch ma nau aơ ma bu — nau păng mbơh nkoch jêng di ngăn, jêh ri bunuyh nây gĭt păng nơm ngơi nau ngăn — gay ăn khân ay may chroh tâm ban lĕ.

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

Samƀŭt Pôl Njuăl Ăn Ma Phung Nsing Ta Ƀon Rôm 8:36

Tâm ban geh nchih jêh: “Yor ma Kôranh Brah bu ŭch nkhĭt hên ăp nar; Bu uănh hên tâm ban ma biăp djôt hăn ƀư puăch.”

Samƀŭt Pôl Njuăl Ăn Ma Phung Nsing Ta Ƀon Rôm 9:33

tâm ban geh nchih: “Aơ, Gâp dơm ta Siôn du mlâm lŭ nking, jêng lŭ toyh ƀư ma khân păng chêh prah; Ƀiălah mbu nơm chroh ma păng mâu mra geh nau bêk prêng ôh.”

I Kôrintô 1:6

nâm bu nau mbơh nkoch ma Brah Krist dơi ƀư nâp jêh tâm phung khân may —

II Kôrintô 6:7

tâm nau ngơi nanê̆ ngăn, jêh ri tâm nau brah Brah Ndu; kuăn ndơ tâm lơh bơh nau sŏng srăng tâm lĕ ti pa ma jêh ri ti pa chiau;

Êphêsô 3:1

Yor nau nây yơh, gâp Y-Pôl, jêng bunuyh gŭ ndrung ma Brah Yêsu Krist, yor khân may jêng phung bu năch.

Êphêsô 3:13

Yor nây, gâp dăn khân may lơi rdja nuih n'hâm yor lĕ nau rêh ni gâp dơn an ma khân may; nây jêng nau chrêk rmah ma khân may.

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Êphêsô 4:17

Pôri, tâm Kôranh Brah, gâp lah jêh ri nkah khân may lơi gŭ rêh nâm bu phung bu năch ôh, yorlah khân păng gŭ rêh tĭng nau mĭn dơm dam khân păng nơm.

Philip 1:7

Gâp mĭn ma lĕ rngôch khân may kơt nĕ jêng di ngăn, yorlah khân may gŭ tâm nuih n'hâm gâp. Nđâp tơlah bu hôm nkông ma rse rvăk, mâu lah tâm nau n'gang jêh ri nau koh dŏng ma Nau Mhe Mhan Ueh, khân may geh kô̆ tâm nau yô̆ hŏ ăn ma gâp.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

I Têsalônik 3:4

Lah hôm e gŭ ndrel ma khân may, hên lah lor jêh pô aơ he mra dơn nau rêh ni; jêh ri nâm bu khân may gĭt, nau nây hŏ tât jêh.

I Timôthê 2:6

Nơm jao jêh Păng nơm jêng rnoh chuai lĕ rngôch bunuyh, jêng nau mbơh ăn di tâm rnôk nal.

II Timôthê 1:10

Nau yô̆ nây aƀaơ aơ tâm mpơl ma nau Brah Yêsu Krist văch jêh, Nơm Tâm Rklaih he, Nơm ƀư rai jêh nau khĭt, sŏk Nau Mhe Mhan Ueh tâm mpơl jêh nau rêh jêh ri nau mâu blau khĭt.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

II Timôthê 1:16

Dăn Kôranh Brah yô̆ nđach ma rnăk vâl Y-Ônêsiphor, yorlah păng n'hao nuih jêh gâp âk tơ̆, mâu mâp đit prêng ôh dôl gâp gŭ tâm rse rvăk;

II Timôthê 2:3

Dơn hom nau rêh ni ndrel ma gâp tâm ban ma du huê tahan janh ktang Brah Yêsu Krist.

II Timôthê 2:8

Ăn may kah gĭt ma Brah Yêsu Krist jêng noi deh Y-Đavit, Păng dâk rêh tay jêh tă bơh nau khĭt tĭng nâm Nau Mhe Mhan Ueh gâp hŏ mbơh nkoch.

II Timôthê 2:9

Yor ma Nau Mhe Mhan Ueh nây gâp dơn nau rêh ni, kŏ tât nkông rse rvăk nâm bu bunuyh ƀư tih. Ƀiălah nau chroh Brah Ndu mâu geh rse rvăk ôh.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

II Timôthê 4:5

Ƀiălah ma kô̆ may, di keh hom tâm lĕ rngôch ndơ, srôih dơn nau hŏt rgănh, pah kan du huê nơm mbơh nkoch Nau Mhe Mhan Ueh jêh ri ƀư rĭng nau kan may nơm.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

I Yôhan 4:14

Hên lĕ saơ jêh ri mbơh nkoch Brah Ndu Mbơ̆ njuăl jêh Kon Păng jêng Nơm Tâm Rklaih ma neh ntu.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Nau Tâm Mpơl 1:2

jêng bunuyh hŏ mbơh nkoch jêh nau ngơi Brah Ndu jêh ri mbơh nkoch Brah Yêsu Krist, jêng lĕ rngôch nau păng hŏ saơ jêh.

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 19:10

Gâp chon mon ta jâng tông mpăr gay yơk mbah, ƀiălah tông mpăr lah: “Lơi ƀư kơt nây, gâp jêng mĭt jiăng pah kan ndrel ma may jêh ri ma phung oh nâu may, jêng phung bunuyh djôt prăp nau Brah Yêsu mbơh. Yơk mbah hom ma Brah Ndu. Yorlah nau mbơh nkoch ma Brah Yêsu jêng nau du nđơr tâm nau mbơh lor.”