II Timôthê 1:12 - Nau Brah Ndu Ngơi 2023

¹² nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

Bunong Bible Latin Script Cambodian dialect

¹² Ndri dâng gâp geh nau jêr jŏt dja, yơn ma gâp mâu ôh đit prêng, yorlah gâp gĭt jêh Kôranh Brah i gâp nsing dja. Păng geh nau dơi mât njrăng dâng lĕ ndơ i Păng lĕ jao ma gâp n'ho ma tât nar Brah Krist Yêsu plơ̆ văch tay.

Bunong

¹² នទ្រី​ទឹង​គ៝ប់​គែស​នាវ​ជេរ​ជ៝ត់​អ្យា យើន​មា​គ៝ប់​មោ​អោស​ដីត​ព្រេង យ៝រ​លាស​គ៝ប់​គឹត​ជេស​កោរាញ​ឞ្រាស​អី​គ៝ប់​ញឆីង​អ្យា។ ពាង់​គែស​នាវ​ទើយ​ម៝ត់​ញជ្រាង់​ទឹង​លែៈ​នទើ​អី​ពាង់​លែៈ​ជាវ​មា​គ៝ប់​នហ៝​មា​ត៝ត់​នារ​ឞ្រាស​ក្រីស​យេឆូ  ​ព្លឹ​វាច់​តៃ។

II Timôthê 1:12 ပူးပေါင်းရင်းမြစ်များ

Nau Mprơ Ơm 25:2

Ơ Brah Ndu gâp! Gâp rnơm nsing ma May. Ăn gâp mâu geh bêk prêng ôh; Lơi ăn phung rlăng dơi lơn ma gâp.

Nau Mprơ Ơm 31:5

Gâp jao huêng gâp tâm ti Kôranh Brah; Ơ Brah Yêhôva jêng Brah Ndu nanê̆ ngăn, May hŏ chuai gâp jêh.

Nau Mprơ Ơm 56:9

Tâm nar gâp kuăl dăn, Phung rlăng đah gâp mra rŭch du; Gâp gĭt nau nây yor Brah Ndu koh dŏng gâp.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 50:7

Kôranh Brah jêng Brah Yêhôva mra kơl Gâp, Yor ri Gâp mâu geh nau bêk ôh; Yor nây, Gâp ƀư muh măt Gâp kranh tâm ban ma lŭ, Yorlah Gâp gĭt, Gâp mâu geh du ntil ndơ bêk ôh.

Êsai 54:4

“Lơi klach ôh, yorlah ay mâu mra bêk ôh. Lơi dĭl ôh, yorlah ay mâu hôm bêk đŏng ôh. Ay mra chuêl nau ay bêk dôl kon se, Jêh ri ay mâu mra kah gĭt ôh ma nau ay bêk tâm nau bu ur ndrô sai.

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Mathay 12:21

Jêh ri phung padih mra kâp gân tâm amoh Păng.”

Mathay 24:36

“Ma nar jêh ri mông nây, mâu geh du huê bunuyh gĭt ôh, nđâp ma tông mpăr klơ trôk mâu lah Kon mâu dơi gĭt lĕ, knŏng êng Mbơ̆ Gâp dơm gĭt.

Mathay 7:22

Tâm nar nây, âk bunuyh mra lah ma Gâp: ‘Ơ Kôranh Brah, ơ Kôranh Brah! Di đŏng hên ngơi mbơh lor jêh tâm amoh May, hên mâp mprơh jêh brah mhĭk tâm amoh May, hên mâp ƀư âk nau mbên khlay tâm amoh may ƀơh?’

Luka 10:12

Gâp lah ma khân may tâm nar phat dôih, ƀon Sôdôm mra dơn nau tâm rmal n'gơch lơn ma ƀon nây.

Luka 23:46

Brah Yêsu nter dŭt dăng ngăn pô aơ: “Hơi Mbơ̆, Gâp jao huêng Gâp tâm ti Mbơ̆!” Păng ngơi lôch, Păng tăch n'hâm.

Yôhan 17:15

Kon mâu dăn ma Mbơ̆ sŏk khân păng luh bơh neh ntu ôh, ƀiălah dăn Mbơ̆ mât mray khân păng bơh nau mhĭk.

Yôhan 6:44

Tơlah Mbơ̆, jêng Nơm hŏ njuăl Gâp, mâu mphâk ôh pôri mâu hôm geh nơm dơi văch ma Gâp, jêh ri Gâp mra ƀư ăn bunuyh nây dâk rêh tay tâm nar nglĕ dŭt.

Kôranh Oh Mon 13:46

Ƀiălah Y-Pôl jêh ri Y-Ƀarnaƀas lah ma khân păng ma nau janh ktang: “Ăn lor lơn nkoch mbơh nau ngơi Brah Ndu ma khân may; ƀiălah yorlah khân may hŏ dun, jêh ri kơp êng khân may nơm mâu khư dơn nau rêh n'ho ro, yor ri aƀaơ aơ hên rle ma phung bu năch.

Kôranh Oh Mon 13:50

Ƀiălah phung Yuđa nsŭk phung bu ur sŏng srăng tâm phung bu yơk jêh ri phung kôranh chiă uănh tâm ƀon, nsŭk khân păng ƀư djơh ma Y-Pôl jêh ri Y-Ƀarnaƀas, mprơh lơi bar hê khân păng luh bơh n'gor khân păng.

Kôranh Oh Mon 21:13

Ƀiălah Y-Pôl plơ̆ lah: “Mâm ƀư khân may nhĭm jêh ri ƀư ji nuih n'hâm gâp? Yorlah gâp rơm ndrăp jêh mâu di knŏng nau bu chăp ôh, ƀiălah nđâp ma nau khĭt ta ƀon Yêrusalem, yor amoh Brah Yêsu lĕ.”

Kôranh Oh Mon 7:59

Dôl khân păng klŭp lŭ, Y-Êtiên mbơh sơm pô aơ: “Ơ Kôranh Brah jêng Brah Yêsu, dăn sŏk dơn huêng gâp.”

Kôranh Oh Mon 9:16

Gâp mra tâm mpơl ma păng gĭt âk nau rêh ni, păng mra dơn yor amoh Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

Samƀŭt Pôl Njuăl Ăn Ma Phung Nsing Ta Ƀon Rôm 9:33

tâm ban geh nchih: “Aơ, Gâp dơm ta Siôn du mlâm lŭ nking, jêng lŭ toyh ƀư ma khân păng chêh prah; Ƀiălah mbu nơm chroh ma păng mâu mra geh nau bêk prêng ôh.”

I Kôrintô 1:8

Brah Ndu mra djôt prăp khân may nâp tât lôch, gay ma mâu geh nau nduyh tâm nar Kôranh Brah he jêng Brah Yêsu Krist.

I Kôrintô 3:13

ri mơ nau kan ndâk ăp nơm mra dơi tâm mpơl. Nar phat dôih mra ƀư rah vah nau kan ndâk nây; bu mra tâm mpơl păng tâm ŭnh, jêh ri ŭnh mra rlong uănh rnoh khlay nau kan ndâk ăp nơm.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Philip 3:21

Păng mra tâm rgâl săk jăn jê̆ jănh he plơ̆ jêng nâm bu săk jăn chrêk rmah Păng, dŏng nau brah ƀư ăn lĕ rngôch ndơ plơ̆ sĭt tông ma Păng.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

I Têsalônik 2:16

buay hên nti lah gay tâm rklaih phung bu năch. Khân păng ƀư ăn nau tih khân păng nơm bêng ler âk. Ƀiălah dăch dŭt, Brah Ndu ji nuih hŏ tât jêh ta khân păng.

I Têsalônik 5:4

Ƀiălah hơi phung oh nâu, khân may mâu gŭ ôh tâm nau ngo, kŏ tât Nar nây tât ndal ma khân may nâm bu nơm ntŭng.

I Timôthê 6:20

Hơi Y-Timôthê, djôt prăp hom lĕ nau bu jao jêh ma may, der lĕ nau ngơi lă lêng mâu geh nau khlay jêh ri nau tâm rlăch âk nau bu ntôn lah jêng nau gĭt rbăng;

II Timôthê 1:14

Rnơm hom Brah Huêng Ueh, Nơm dôl gŭ tâm he, gay ma djôt prăp ndơ ueh jao jêh ma may.

II Timôthê 1:16

Dăn Kôranh Brah yô̆ nđach ma rnăk vâl Y-Ônêsiphor, yorlah păng n'hao nuih jêh gâp âk tơ̆, mâu mâp đit prêng ôh dôl gâp gŭ tâm rse rvăk;

II Timôthê 1:18

Mbơh sơm dăn Kôranh Brah ăn ma păng geh nau yô̆ nđach tă bơh Kôranh Brah tâm Nar nây! May gĭt ngăn jêh nôk gâp gŭ ta ƀon Êphêsô, păng pah kan ma gâp lĕ nuih n'hâm.

II Timôthê 1:8

Pôri, may lơi đit prêng ôh nôk mbơh nkoch Kôranh Brah he, mâu đŏng đit prêng ma gâp, nơm bu nă Păng; ƀiălah nsing hom nau brah Brah Ndu, ndrel ma gâp dơn nau rêh ni yor Nau Mhe Mhan Ueh.

II Timôthê 2:9

Yor ma Nau Mhe Mhan Ueh nây gâp dơn nau rêh ni, kŏ tât nkông rse rvăk nâm bu bunuyh ƀư tih. Ƀiălah nau chroh Brah Ndu mâu geh rse rvăk ôh.

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 2:18

Yorlah Păng yơh dơn jêh nau rêh ni tâm nôk geh nau ndơm, pôri Păng kơl an phung geh nau ndơm.

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

I Pêtrôs 4:16

Ƀiălah, tơlah geh nơm dơn nau rêh ni yor ma păng jêng Phung Brah Krist, lơi đit prêng ôh; ƀiălah yor amoh nây, tâm rnê Brah Ndu.

I Pêtrôs 4:19

Pôri, phung dơn nau rêh ni tĭng nâm nau Brah Ndu ŭch, thoi đŏng ƀư nau ueh jêh ri jao huêng khân păng nơm ma Nơm Rhăk Njêng răp jăp.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,