II Têsalônik 3:8 - Nau Brah Ndu Ngơi 2023

⁸ mâu sa dơm ndơ bu ôh. Ƀiălah, hên măng nar pah kan tâm nau hŏt, hŏt ra ah, gay mâu ƀư ôh nau jâk jêr ma du huê tâm phung khân may.

Bunong Bible Latin Script Cambodian dialect

⁸ Hên mâu geh ôh sông sa dơm piăng trao du huê bunuyh mâu geh ăn prăk. Hên nsrôyh jan kar rgănh ngăn dâng măng dâng nar, gay ma lơi ôh ăn khân ay may jêr mât siăm hên.

Bunong

⁸ ហេន​មោ​គែស​អោស​ឆោង​ឆា​ទើម​ព្យាង់​ត្រាវ​ទូ​ហ្វេ​ឞូនុយ្ស​មោ​គែស​អ៝ន់​ព្រាក់។ ហេន​ញឆ្រោយ្ស​ជាន​ការ​រាគាញ់​ងាន់​ទឹង​មាង់​ទឹង​នារ គៃ​មា​លើយ​អោស​អ៝ន់​ខាន់​អៃ​មៃ​ជេរ​ម៝ត់​ឆ្យាម់​ហេន។

II Têsalônik 3:8 ပူးပေါင်းရင်းမြစ်များ

II Phung Hađăch 6:2

Dăn ăn hên hăn tât ma kơh dak krong Yurdan, gay ăp nơm mra kăl du tơm si, jêh nây ƀư du ntŭk gŭ ma he.” Y-Êlisê plơ̆ lah: “Hăn hom!”

Nêhêmi 5:18

Ăp nar, bu ndrăp du mlâm ndrôk, prao mlâm biăp lay ueh; bu ndrăp tâm ban lĕ sĭm jêh ri ăp tơ̆ jât nar geh ăp ntil ndrănh. Ƀiălah, gâp mâu kêh prăk nkhôm prăp ma kôranh chiă uănh, yorlah nau kan ƀư nây jêng jâk jêh ma phung ƀon lan he.

Nau Hôr 31:27

Păng mât uănh lĕ rngôch nau kan tâm ngih vâl, Mâu geh ôh nau ƀlao.

Mathay 6:11

Ăn ma hên ndơ sông sa nar aơ ăn tŏng;

Kôranh Oh Mon 18:3

yorlah tâm ban nau kan tanh bok ƀư ngih, yor ri Y-Pôl gŭ ndrel ma bar hê khân păng gay pah kan ndrel.

Kôranh Oh Mon 20:34

Khân may nơm gĭt jêh, bar mpang ti aơ yơh sâm ăn lĕ nau ŭch ma gâp jêh ri ma phung băl ndrel kan đah gâp.

I Kôrintô 4:12

Hên pah kan jâk jêr ma ti hên nơm. Nôk bu suai rak, hên ăn nau ueh uĭn; nôk bu ƀư mhĭk, hên nsrôih dơn;

I Kôrintô 9:4

Hên mâu geh nau dơi sa mâu lah nhêt hĕ?

II Kôrintô 11:27

dơn nau hŏt rgănh, âk tơ̆ gâp rngeh măng, ji ngot, ji hir, âk tơ̆ ât sông sa, ji kăt ji go, gŭ săk hưl.

II Kôrintô 11:9

Tâm mông gŭ ndrel đah khân may, mâp pưt kƀah, gâp mâu mâp ƀư jêr bu ôh, yorlah phung oh nâu gŭ ta n'gor Masêđôn văch sâm ăn jêh lĕ ndơ gâp pưt. Tâm lĕ nau, gâp njrăng mâu ŭch ƀư jêr ma khân may ôh, jêh ri gâp ăt ƀư tâm ban lĕ.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

I Têsalônik 2:9

Hơi phung oh nâu, nanê̆ khân may hôm kah gĭt ma nau jâk jêr jêh ri nau dŭt hŏt hên; tâm dôl mbơh nkoch Nau Mhe Mhan Ueh Brah Ndu ma khân may, hên pah kan măng nâm nar gay mâu ăn jêng nau jâk ôh ma du huê tâm phung khân may.

I Têsalônik 4:11

Nti gŭ rêh tâm nau klăk klêm, mĭn rvê ma nau kan êng khân may nơm jêh ri pah kan ma ti khân may nơm, nâm bu hên ntĭnh jêh ma khân may;

II Têsalônik 3:12

Tâm Kôranh Brah jêng Brah Yêsu Krist, hên ntrŭnh jêh ri nkah phung nây, ăn khân păng gŭ rklăk pah kan gay siăm nau rêh ma khân păng nơm.