II Têsalônik 3:5 - Nau Brah Ndu Ngơi 2023

⁵ Dăn Kôranh Brah leo ntĭm nuih n'hâm khân may văch ma nau Brah Ndu rŏng jêh ri ma nau srôih tâm Brah Krist!

Bunong Bible Latin Script Cambodian dialect

⁵ Dăn Kôranh Yêsu kơl khân ay may vât nau rŏng Kôranh Brah lơ ma jru, kơl khân ay may nsrôyh gŭ nâp ta nau nsing, bol lah geh nau jêr jŏt kađôi, tâm ban ma Brah Krist nsrôyh gŭ nâp ta nau jêr jŏt Păng nơh đŏng.

Bunong

⁵ ទាន់​កោរាញ​យេឆូ  ​កើល​ខាន់​អៃ​មៃ​វ៝ត់​នាវ​រ៝ង់​កោរាញ​ឞ្រាស​លើ​មា​ជ្រូ កើល​ខាន់​អៃ​មៃ​ញឆ្រោយ្ស​គុ​ន៝ប់​តា​នាវ​ញឆីង ឞ៝ល​លាស​គែស​នាវ​ជេរ​ជ៝ត់​កាដោយ តឹម​ឞាន​មា​ឞ្រាស​ក្រីស  ​ញឆ្រោយ្ស​គុ​ន៝ប់​តា​នាវ​ជេរ​ជ៝ត់​ពាង់​នើស​ដ៝ង់។

II Têsalônik 3:5 ပူးပေါင်းရင်းမြစ်များ

I Phung Hađăch 8:58

Dăn ma Păng nsŭk nsôr nuih n'hâm he rle mpeh Păng, gay he hăn tâm lĕ rngôch trong Păng, djôt prăp lĕ nau vay ntăm, lĕ nau vay dăp, jêh ri lĕ nau vay ƀư bơh Păng hŏ ntăm ma phung chô yau he.

I Nau Rêh Jêng 29:18

Hơi Yêhôva Brah Ndu phung chô yau hên jêng Y-Abraham, Y-Isăk, jêh ri Y-Israel! Dăn ăn ma phung ƀon lan May djôt prăp mro nau ton jêh ri nau mĭn nây tâm nuih n'hâm, jêh ri ăn ma nuih n'hâm khân păng gŭ mpeh ma May.

Nau Mprơ Ơm 119:36

Ăn nuih n'hâm gâp rle mpeh nau ntĭnh bơh May Lơi dĭng rle mpeh drăp ndơ mâu di.

Nau Mprơ Ơm 119:5

Ơ! Ŭch ma trong gâp dơi nâp ktang Gay ma gâp djôt prăp lĕ nau vay dăp May!

Nau Mprơ Ơm 40:1

Gâp srôih kâp gân Brah Yêhôva, Păng rkêng tôr iăt bâr gâp kuăl dăn.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Yêrêmi 10:23

Mbah Brah Yêhôva, gâp gĭt trong kon bunuyh hăn khăn păng nơm mâu ƀư kôranh, Khân păng mâu dơi gai lĕ nhuat jâng păng.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Nau Nhĭm Vơl 3:26

Ueh ngăn yơh ăn ma nơm klăk klêm gŭ kâp Nau tâm rklaih Brah Yêhôva.

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Samƀŭt Pôl Njuăl Ăn Ma Phung Nsing Ta Ƀon Rôm 8:25

Ƀiălah tơlah he n'gân nau kâp gân tâm nau he mâu dơi saơ, he ăt srôih gŭ kâp ma nau nây.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Têsalônik 3:11

Dăn Brah Ndu nơm, Mbơ̆ he, jêh ri Brah Yêsu, Kôranh Brah he, njŭn trong ma hên văch ta khân may!

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Pêtrôs 4:1

Pôri, yorlah Brah Krist hŏ dơn jêh nau rêh ni tâm nglay săk, pôri khân may sŏk đŏng hom nau mĭn nây ƀư ndơ tâm lơ; yorlah mbu nơm dơn jêh nau rêh ni tâm nglay săk, păng mâu hôm ŭch ƀư nau tih,

II Pêtrôs 3:12

dôl dŭh nuih n'hâm kâp gân ma nar Brah Ndu gơnh tât. Nar nĕ ndâr trôk mra geh ŭnh sa lĕ jêh ri roh rai, lĕ rngôch ndơ mra lêk hoch tâm ŭnh!

I Yôhan 4:19

He rŏng yorlah Kôranh Brah rŏng jêh ma he lor.

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.